JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Suspeitu korta aviaun Sriwijaya kaptura husi ESA ■ Faustino: Sei reforsa seguransa iha Aeroportu Comoro

Suspeitu korta aviaun Sriwijaya kaptura husi ESA ■ Faustino: Sei reforsa seguransa iha Aeroportu Comoro

Membru Sokorru Aviasaun, Luis Castro  Soares,  hateten,  nia ho ninia Ekipa Sokorru Aviasaun (ESA) mak halo kapturasaun iha momentu ne’e bá suspeitu CJ ne’ebé ho motor tama aeroportu-laran hodi korta aviaun Sriwijaya, hafoin entrega ba Polísia, no membru Polísia Unidade Fronteira ne’ebé destakadu iha ne’ebá la kaptura.

Luis haktuir, insidente ne’e akontese, wainhira sira haree suspeitu kondus nia motor Vega  hodi duni tuir  aviaun Srwijaya iha pista aeroportu internasionál Prezidente Nicolau Lobato. Wainhira haree tiha Luis Castro Soares mos preokupadu hodi haksoit sa’e ba kondus kareta tula bee nian iha aeroportu refere ho nia ekipa Sokorru duni tuir kedas suspeitu hodi kaptura suspeitu hodi entrega ba Polísia halo investigasaun.

Luis mos admira ho Polísia sira ne’ebé fo seguransa iha liur ne’e, tanba suspeitu CJ bele tama ho motor ba aeroportu laran sem hetan trava husi Polísia sira ne’ebé destakadu.

“Momentu ne’e ami  la haree seguransa ida duni tuir aviaun ne’e, ami só rona de’it husi torre fó informasaun katak motor ida tama ba iha aeroportu, ami foti inisiativa duni rasik.  Ami mós haree suspeitu tara pasta ida, ha’u mós tauk fali tanba hanoin keta bomba ruma mak iha pasta laran, maibé ho hanoin ida ami ténki salva aviaun ne’e”, esplika membru Sukorro aviasaun Luis Castro  Soares, ba GMN Kinta (17/10/19) iha iha Aeroportu Internasionál Prezidente Nicolau Lobato Comoro, Díli.

Nia dehan, ho kapturasaun ne’e hatudu susesu ida ba servisu ekipa Sokorru aviasaun nian.

“Momentu  ne’e mak ha’u la foti keputasaun ruma saida mak atu akontese ba pasajeiru atus resin iha aviaun laran ne’e”,dehan  Luis Castro  Soares.

Lee hotu :   Joven ida ema taa iha Bebonuk

Alénde ne’e Supervisor Sriwijaya, Mario Ximenes, hateten, ho insidente  ne’e la fó impaktu ba  kompañia,   tanba ne’e aviaun Sriwijaya  kontinua servisu normal.

 “Maibé ami husu  komando PNTL atu hasa’e vizilansia maka’as iha aeroportu atu nune’e loron  ruma labele akontese  tan  aktu sira ne’e iha aeroportu”,dehan Mario Ximenes.

Alende ne’e Mario Ximenes,   agradese  ba sidadaun Luis Castro Soares ho ekipa Sokorru aviasaun nian,  ne’ebé mak kaptura ona suspeitu.

Suspeitu  CJ ne’ebé mak  involve  mak antes ne’e detein iha sela, agora muda ona ba prizaun Bekora, hafoin partisipa  iha primeiru interogatoriu iha Tribunal distrital Díli.

Antes ne’e mós ema deskoñesidu tuda aviaun F-FDTL nian ne’ebé mak  akontese iha aeroportu refere.

Kona-ba kazu ne’e, Tribunal Distrital Díli (TDD), iha Kuarta (16/10/19),  liu husi primeiru interogatóriu, desidi aplika medida koasaun prizaun preventiva ba arguidu ho inisial CJ, tanba deskonfia utiliza motor ho marka Vega tenta soke aviaun Sriwijaya, wainhira aviaun atu tun iha aeroportu Internasional Nicolau Lobato, Comoro, foin la-lais ne’e.

Razaun tribunal aplika medida koasaun ne’e, tanba iha indísiu forti lori arguidu ba prizaun preventiva.

PNTL sei reforsa seguransa iha Aeroporto Comoro

Komandante Jerál Polísia Nasionál Timor-Leste (PNTL), Komisáriu Faustino da Costa, hateten, komandu sei aumenta membru polísia iha Aeroporto Internasionál Nicolau Lobato Comoro, Díli, atu bele fó seguransa máximu ba Aeroporto refere.

“Ha’u aprezenta no esplika liu-liu kona-ba insidente ne’ebe akontese iha Aeroportu, ba sua selensia prezidente da Republika, prosesu inisiu oinsa ema ne’e la’o to’o iha ne’eba, no saida mak PNTL ninia obrigasaun halo ba ida ne’e. Mesmo tempu informa mos katak, ekipa ida ba halo inspeksaun ba polisia sira nian servisu iha ne’eba, iha ne’eba iha polisia rua, ida husi unidade fronteira no ida husi komandu polisia munisipiu Díli nian mak  kolokadu. Ida ne’e hau mos koalia ona ho Ministru Defeza no Interinu Interior, ita sei reforsa, aumenta ita nia polisia iha ne’eba, tantu husi patroliamentu fronteira nomos komandu munisipiu Díli nian, no sei alarga tan postu rotunda”, Komandante Jerál PNTL, Komisáriu Faustino da Costa, informa asuntu ne’e ba jornalista sira hafoin enkontru regular ho prezidente republika, Francisco Guterres Lú Olo, iha Palasiu Prezidensiál Nicolau Lobato Bairo Pite, Díli, Kinta (17/10/2019) relasiona akontesimentu insidente ne’ebe akontese iha Aeroportu Internasional Nicolau Lobato Komoro, Dili, foin lalais ne’e.

Lee hotu :   KANDIDATU MEMBRU GOVERNU IHA KAZU, PJR KONSIDERA SEGREDU JUSTISA

Durante enkontru semanal ne’e, Komandante jerál PNTL, Komisariu Faustino hatoo mós ba Xefe Estadu Timor-Leste kona-ba aumenta membru polísia Aeroporto ne’ebe mak nia parte hatoo ona ba ministru defeza no interinu interior, Filomeno Paixão ne’e.

Iha loron 16 fulan Outobru ne’e, liu husi primeiru interogatóriu Tribunal Distrital Dili deside aplika medida koasaun prizaun preventiva ba arguidu ho inisial CDJ, tanba deskonfia utiliza motor hodi tenta soke aviaun Sriwijaya bainhira landing iha Aeroportu Internasional Nicolau Lobato foin lalais ne’e. avi/Ito

Add to Comments Here!!!!

error: Content is protected.
Secured By miniOrange
You might also like:
Konfrontu tan iha Mascarinhas, Rezulta estudante Nobel da Paz ida kanek todan

Iha Kinta (17/10/2019) ne’e mais ou...

Falta fasilidade saúde, PN husu MS tau atensaun urjente ba HNGV

Prezidente Komisaun F, ne’ebé trata asuntu...

Komandu PNTL apela ba Timor-oan hotu kontribui ba estabilidade rai-laran

Komandante Jerál Polísia Nasionál Timor-Leste (PNTL),...

Close