Guarda Prizaun Becora komemora tinan 44 proklamasaun independensia TL

Guarda Prizaun Becora hamutuk ho prizoneiru sira, Kinta (28/11/2019) iha Prizaun Becora-Díli, komemora loron proklamasaun independensia ba dala 44 hala’o serimonia isar bandeira nasionál República Democrática de Timor-leste (RDTL).

Diretór prizaun Bekora, João Domingos hatete, tinan ne’e atividade iha prizaun Bekora menus kompara ho tinan-tinan, tanba tinan ne’e iha deit atividade doasaun ran no isar bandeira.

“Ida ne’e ami hola parte ona hodi fó onra ba heroi sira ne’ebé esforsu fó an ba mate tanba rai ida ne’e too hetan independênsia, ne’ebé mak ohin loron ita hotu goza”,haklaken João Domingos, ba JN-Diário, hafoin isar bandeira.

Diretór ne’e haktuir, atividade isar bandeira ne’e prizoneiru sira hotu partisipa hodi hanoin no fo onra ba eroi sira nia luta ba ukun rasik an.

“Prizioneiru hotu partisipa ho kontente, sura ho maluk estranjeiru hamutuk 20, no total prizoneiru ne’ebé oras iha prizaun Bekora hamutuk 578,”tenik director prizaun Becora. Fel