JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Harii uluk uma ba komunidade Beasu hafoin dada LNG

Xanana Gusmão: Harii uluk uma ba komunidade Beasu hafoin dada LNG

Xefe  Negosiadór Prinisipal  Fronteira  Marítima no Terrestre, Kay Rala Xana Gusmão hatete, governu sei planea harii uluk komunidade nia uma, iha Nova Beasu, hafoin implementa  projetu planta Liquefied Natural Gas (LNG).

 Komunidade afetadu ba  plantasaun LNG  hamutuk uma kain 447. “Bainhira  mak  LNG mai, ohin dader mós  ha´u dehan tiha ona, agora ami sobu tiha imi-nia uma imi atu hela ba iha ne´ebé? atu hela iha mota-kuak ka  fatuk-kuak, ponte-kuak ka ai-hun, ne´ebé  lori  tempu oituan, maibé  ho diak  ona, tanba  ami senti kaman, ténki  atende  komunidade nia direitu ho hanoin katak, ida ne´e, ida ne´ebá“,esplika Xanana Gusmão, ba   jornalista sira Kinta (07/11/19)  hafoin diálogu, ho komunidade Suku Maluru, Beasu, postu administrativu Viqueque, munisípiu Viqueque.

Xanana  promete, sei lori komunidade nia  proposta fila mai Díli  hodi  estuda fila-fali  ho didiak, depois  ekipa task force veteranu sei mai  iha Beasu, hodi  koordena  diak  ho komunidade atu nune´e parte Timor Gas And Petroleum (GAP) ho komunidade bele  konkorda diak liu.

“LNG  bainhira mak komesa, ita boot  sira imajina haree  ona dezeñu  ne´e, atu komesa aban  uma sei  iha ne´e, ne´ebé  ita sei hadia tiha fatin ruma komunidade sira muda tiha, ita bele sobu uma sira ita labele hanoin  tan, ne´ebé  labele husu bainhira mak LNG atu dada mai, sei komesa. Maibé komunidade dehan labele lori kadoras ba Darwin hodi  fó  benefisiu ba populasaun iha Darwin, ténki lori mai Timor,  entaun direitu ne´ebé  populasaun reklama  ne´e ami ténki rekoñese, ikus liu sira sei partisipa ho diak  iha prosesu ne´e tomak“,dehan Xanana Gusmão.

Lee hotu :   AMD sei enkontru ho Konselhu Suku Motael Subtitui Cornelio

Ne´ebé mai ho laran todan tebes, fila ho laran kaman. “Ohin ami senti kaman  oituan ona agora sei diskuti nafatin buat sira hotu, mas buat  ne´e la´os halo ami hakfodak tiha de´it, ne´ebé ami agradese tebes ba autoridade lokais no intervensaun administador  no lia nain no juventude komunidade tomak. Ohin komunidade hakarak LNG iha dada mai iha Beasu, ami lakohi ba fatin seluk“,dehan Xanana Gusmão.avi

 

Add to Comments Here!!!!

error: Content is protected.
Secured By miniOrange
You might also like:
PM Taur: Vota kontra OJE 2020 kompetensia PN nian

Primeiru Ministru (PM), Taur Matan Ruak...

Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

Prezidenti Rejiaun Administrativa Espesiál Oe-Cusse Ambeno...

Kazu oho Doutor Xineza, TDD kondena Aquilis ho pena prizaun tinan 16

Tribunal Distrital Díli (TDD), iha Kinta,...

Close