JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Australia hakarak hametin kooperasaun ho TL

Australia hakarak hametin kooperasaun ho TL

Foto:google

Nasaun viziñu Australia, alende hakarak hametin kooperasaun iha área dezenvolvimentu, Australia mós hakarak halo kooperasaun ho Timor Leste iha nivel diálogu polítiku.

Embaixador Australia iha Timor Leste, Peter Roberts, informa, nia hasoru malu ho Primeiru Ministru, Taur Matan Ruak, hodi ko’alia kona ba atu hametin kooperasaun entre Australia ho Timor Leste.

“Relasaun entre Timor Leste ho Australia, la’os iha dezenvolvimentu de’it, maibé Australia mós hakarak hametin kooperasaun ho Timor Leste bilateral ho Timor Leste, inklui diálogu polítiku, inklui seguransa marítima,” katak Peter Roberts ba jornalista sira iha Palacio Governu, Segunda (09/07), hafoin hasoru malu ho Primeiru Ministru, Taur Matan Ruak.

Nia afirma, iha tinan ida ne’e, Timor Leste ho Australia asina tiha ona akordu kona ba fronteira marítima, entaun agora ba oin oportunidade diak atu hametin liu tan kooperasaun iha área hotu, atu Timor Leste ho Australia hahú kapitulu foun.

“Semana kotuk, Primeiru Ministru Australia, Malcolm Turnbull telefone ona Primeiru Ministru, Taur Matan Ruak hodi salienta katak, Austrlaia hakarak hametin kooperasaun ho Timor Leste, no ha’u nia Ministra Negosius Estranjeirus, Julie Bishop mós ko’alia ona ho Ministru Negosiu Estranjeirus no Kooperasaun Timor Leste, Dionisio Babo katak, hakarak atu servisu hamutuk iha área oi-oin,” relata Peter Roberts.

Nia hatutan, Australia ho Timor Leste iha komitmentu bo’ot atu hametin kooperasaun iha área hotu.

“Agora dadauk Australia ho Timor Leste halo kooperasaun iha área dezenvolvimentu, no kooperasaun hirak ne’e importante tebes,” informa Peter.

Nia esklarese, dadaun ne’e Timor Leste hala’o ona kooperasaun importante iha área, infra-estrutura, estrada rural, saúde nutrisaun no irigasaun.cos

Lee hotu :   Ramos Horta nia relatoriu reforma ONU iha ona Antonio Guterres

Add to Comments Here!!!!

error: Content is protected.
Secured By miniOrange
You might also like:
SekJer ONU kongratula VIII Governu “Prontu apoia dezenvolvimentu TL”

Sekretáriu Jeral (SekJer) ONU, António Guterres,...

Dezafiu foun ba MD Filomeno Paixão ■Taur husu orgaun titular labele sai obstakulu

Prezidenti Republika (PR), Francisco Guterres ‘Lú...

PRO MEMORIA GMNTV Hamutuk ho Anar Band Versaun Kompleitu

Close