JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Baku oan, inan sai arguida

Baku oan, inan sai arguida

Arguida ho inisial MP, sai arguida hodi ba hatan ninia hahalok iha Tribunal Distrital Dili, tanba baku Santiago de Araujo ne’ebe hanesan arguida nia oan rasik.

Tuir akuzasun ministeriu publiku katak, akontesimentu ne’e akontese iha Ermera, Atsabe iha loron 3 fulan Fevereiru  tinan 2017, tuku 9:55 dader, iha momentu ne’eba arguida MP nudar inan rasik ba bolu Santiago Araujo (10) iha nia inan boot sira nian uma, arguida dada lezadu ho forsa hodi haruka lezadu fila ba uma, tanba iha altura ne’eba lezadu lakoi fila ba uma, entaun arguida baku lezadu to’o inus ran.

Hare ba akontesementu ne’e lezadu nia ama boot ba halo keisa kedas polisia, iha lezadu nian deklarasaun ba Ministeriu Publik afirma katak, nia ama sempre baku bebeik lezadu, nune’e mos nia tian husi parte nia apa mos sempre baku lezadu uza mangera no fiu iha isin lolon.

Ho arguida nia hahalok ne’e mak Ministeriu Publiku akuza arguida MP ho krime violensia domestika ho forma maustratu ne’ebé previstu iha artigu 155 kodigu penal no konjuga ho artigu 3 alinea  A no artigu 35 husi lei kontra violensia domestika.

Hatan ba akuzasaun hirak ne’e arguida MP deklara nia halo aktu ne’e tanba lezadu la ba ona eskola loron tolu, tanba ne’e nia ba balu hodi ba eskola.

“Hau ba bolu nia lakoi ne’e mak ami nain rua dada malu, e ikus mai hau nia liman kona nia inus no ran,” nia dehan.

Nudar inan, nia dehan nia nunka hanoin a’at ba lezadu nia baku duni bainhira lezadu la tuir saida mak arguida hakarak.

Lee hotu :   Mosu problema ruma, F-FDTL no PNTL sei la interven

Arguida fo exemplu kuando tempu lorokraik ona lezado tenke haris, maibe dala ruma nia la haris ne’e mak dala ruma mos halo arguida sempre baku no talves lezado lakohi estuda nia apa husik tiha deit sira tanba ba haola tiha feto seluk, tanba ne’e arguida hakarak lezadu sussesu iha futuru.

Iha audensia julgamentu ne’e mos lezadu Santiago Araujo deklara, nia haksesuk malu duni ho arguida ikus mai arguida nia liman mak kona nia inus hodi ran.

“Hau lakoi fila entaun hau ho hau nia ama dada malu no ama nia liman mak kona hau nia inus hodi ran,” nia dehan.

Hafoin rona tiha deklarasaun husi arguido no lezado, juiz presidente deside tama kedas iha alegasaun no iha alegasaun Ministeiru Publiku husu ba tribunal atu aplika pena prizaun tinan rua, suspende ba tinan rua.

Iha parte seluk defeza husu ba tribunal atu fo pena ne’ebe adekuadu tanba arguida konfesa ba tribunal katak nia halo duni aktu ne’e ho intensaun atu eduka.

Audensia julgamentu ne’e adia fali loron 13 fulan Outubro tinan 2017 hodi rona desizaun final.

Julgamentu ne’e prejidi husi juiz Antonio do Carmo, Zumiaty Freitas ho juisa Albertina Neves, MP reprezenta husi prokurador Bartolomeu Araujo no arguida hetan asistensia legal husi Jonas Hendrique. nia

Add to Comments Here!!!!

error: Content is protected.
Secured By miniOrange
You might also like:
Defisil, Laleia oan halai natar segundu epoka

Tempu bailoron naruk fo impaktu ba...

Banda Musica Mayor-Minor iha programa especial “HAPPY HOUR” Ep.09

Estrada Manduki fó ameasa ba movimentu

Estrada dirasaun Díli ba fronteira-Maliana konsidera estrada...

Close