JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere Anan Timur preokupa krize polítika “Governu monu makina Estadu la funsiona”

Lere Anan Timur preokupa krize polítika “Governu monu makina Estadu la funsiona”

Chefe Estadu Maior General das FALINTIL Forsa Defeza Timor Leste (F-FDTL) Major General, Lere Anan Timur hateten, nia parte preokupa ho krize polítika dadaun ne’e, tanba sé karik deputadu sira maioria kontra programa VII governu, no Governu monu, makina Estadu  la funsiona.

Lere Anan Timur hato’o asuntu ne’e ba jornalista sira, hafoin enkontru ho Prezidenti Repúblika (PR) Francisco Guterres Lú Olo, iha Palásiu Prezidensiál Nicolau Lobato Bairro-Pite, Díli, Kuarta-feira (18/10/2017) ne’e, hodi informa konaba situasaun atual iha rai laran ba Xefi Estadu.

Lere Anan hatutan, ladun preokupa ho kazu rama ambon ne’ebé akontese iha fatin balun iha kapital Díli, tanba konsidera ne’e krime organizadu no bele rezolve ho lalais. Maibé nia parte preokupa liu mak krize polítika, institusionál no lideransa.

”Ita lalika preokupa ho kazu rama ambon, ba ha’u la iha preokuapsaun, tanba ida ne’e krime organizadu, hafoin kaer, baku hatama ba kadeia, problema rezolvidu. Ha’u preokupa mak krize polítika, institusionál, lideransa, tanba bele akontese joven sira han malu, militantes ho militantes han malu, ida ne’e mak ita preokupa tanba ida ne’e mak reflete ba mundu. Sé mosu krize polítika, institutionál no lideransa ita sei hatama sé ba kadeia? Ita bele dehan katak ita tauk, keta ema bolu ita Estadu failladu karik,” deklara Lere Timur.

Nia dehan, iha krize 2006, ema forsa husi Nasaun liur mai barak iha Timor, no Timoroan rasik sai fali bainaka iha nia rain rasik.

“Ha’u nu’udar lider, komandante ida ha’u la simu ida ne’e, Timor Nasaun soberanu ne’ebé harii ruin ho ran. Iha krize 2006-2008 F-FDTL no PNTL sai fali bainaka iha ema estranjeiru ninian oin, iha ninia rain rasik ha’u nu’udar lider, komandante ida ha’u la simu ida ne’e, Timor Nasaun soberanu ne’ebé harii ruin ho ran”, Lere hateten.

Lee hotu :   PNTL kaptura ona Domingos Caeiro

Tanba ne’e Maijor Jeneral Lere Anan Timur, apela ba lider rezisténsia sira hotu atu hamutuk hodi lori povu ba progresu dezenvolvimentu no nasaun ne’e bele moris hakmatek.

Makina Estadu la funsiona

Iha oportunidade ne’e Chefe Estadu Maior General das FALINTIL Forsa Defeza Timor Leste (F-FDTL) Major General, Lere Anan Timur hateten, nu’udar instituisaun ne’ebé toma konta ba seguransa, lei no ordem sente preokupadu oituan ho situasaun aktuál. Tanba enkuantu governu monu makina Estadu la la’o.

”Situasaun aktual ita hatene katak preokupante oituan ba ami nu’udar instituisaun ne’ebé toma konta ba seguransa, lei no ordem, liu-liu situasaun polítika rai laran. Ita hotu akompaña agora iha Parlamentu Nasionál, ita nia nai ulun sira diskuti destiñu povu no Nasaun nian. Iha diskusaun ne’e ita bele dehan katak, sira la intende malu, maibé demokrasia mak nune’e. Entaun sempre iha diverjénsia hanoin, maibé sira ne’ebá koalia konaba VII governu atu monu, kuandu ita koalia konaba governu atu monu presiza iha konsénsia. Liu-liu ba ita nia ukun na’in sira,” Lere Anan Timur esplika.

Lere Anan Timur mós hateten, sé Governu monu, solusaun saida mak TL tenki iha no hetan atu responde ba situasaun ida ne’e.

“Ha’u hanoin katak governu monu buat hotu-hotu paradu, tanba mákina Estadu la funsiona, tanba laiha osan,” hateten Maijor Jeneral, Lere Anan Timur.

Lere hatutan, kuandu governu monu funsionáriu hotu labele servisu saláriu, no sei lori konsikuensia bo’ot liutan ba povu no Nasaun TL.

”Ohin ha’u hateten ba Prezidenti Repúblika sé situasaun ida ke governu monu, mákina Estadu la la’o, F-FDTL no PNTL imi atu rezolve sira nia situasaun oinsa? Tanba ne’e nu’udar lider no Jeneral Forsa Armada nian desde 1975 to’o 1999, ha’u preokupa no triste ba destiñu futuru Nasaun nian. Ita lakohi para ita nia Nasaun ne’e monu ba krize ida, no ita hatene katak inimigu bele aproveita ita nia pontu fraku hodi atinji sira nia objetivu,” dehan Lere Anan Timur.

Lee hotu :   Arguidu Tiago ho nia kaben halai ba Australia, PN kestiona kredibilidade justisa TL

Tanba ne’e Lere Anan Timur apela ba partidu 5 iha PN labele tau interese partidu no individu iha interese estadu nia leten.

“Ha’u husu ba lider sira, liu-liu partidu 5 iha Parlamentu Nasionál, imi iha solusaun ruma kuandu mosu krize institusionál, polítika, lideransa iha ita nia rai laran? saida mak imi atu fó resposta ba situasaun ida ne’e. Tanba ne’e ha’u nu’udar elementu ne’ebé kaer konaba seguransa no defeza nian, ha’u husu ba lider sira, atu tau iha konsénsia hodi haree didi’ak situasaun ida agora ne’e”, Lere Anan Timur haklaken. ias

Add to Comments Here!!!!

error: Content is protected.
Secured By miniOrange
You might also like:
Alkatiri ho mata wen, Promete la lori programa Governu ba debate daruak iha PN

Primeiru Ministru (PM), Mari Alkatiri, deklara...

JORNAL NACIONAL GMNTV Loron-18 Fulan-Outubru Tinan-2017

JORNAL NACIONAL GMNTV Loron-17 Fulan-Outubro Tinan-2017

Close