JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arguidu Tiago ho nia kaben halai ba Australia, PN kestiona kredibilidade justisa TL

Arguidu Tiago ho nia kaben halai ba Australia, PN kestiona kredibilidade justisa TL

Arguidu Tiago Guerra ho nia kaben Chang Fong Fong ne’ebé hetan ona pena prizaun tinan 8 husi Tribunal Distrital Dili, tamba deskonfia komete kazu brankeamentu kapitais, agora dadaun halai sai ona husi Timor Leste, no detein hela iha Australia.

Ho situasaun ne’e, Parlamentu Nasional (PN), kestiona kredibilidade justisa no Polisia Nasional Timor Leste (PNTL) nia servisu, tanba arguidu nain rua ne’e bele halai sai husi Timor Leste, maibé sira lahatene.

Prezidenti Komisaun B, nu’udar mós Xefi bankada PLP, Fidelis Magalhães, hateten, sidadaun estranjeiru, Tiago ho nia kaben halai husi Timor Leste ba Australia, maibé Tiago ho nia kaben komete krime iha Timor Leste.

Fidelis Magalhães hateten, hanesan reprezentante povu preokupa tebes ho kazu ida ne’e, tanba oinsa mak arguidu nain rua ne’e, bele to’o iha Australia.

“Importante ba ita mak buka atu hatene lolos sirkumstansia sira halai, tanba sira halai ne’e mós tau em causa ita-nia kredibilidade, liu-liu polisia, no ha’u husu ita atu buka hatene liu tan kona ba persepsi ne’ebé mak agora espalla iha mundu kona ba ita-nia setor justisa,”katak Fidelis Magalhães ba jornalista sira iha PN, Kinta (16/11).

Tanba ne’e, Fidelis dehan, presija iha inkéritu ida atu bele hatene diak liu tan kona ba oinsa mak arguidu nain rua ne’e bele halai sai husi Timor Leste ba to’o Australia.

“Maibé importante mak ita-nia Governu tenki kontaktu ho Ministériu Negosius Estranjeirus Portugal no Australia nian, atu bele haree solusaun ba situasaun ida ne’e,” katak Fidelis.

Alende ne’e, Xefi bankada KHUNTO, Luis Roberto da Silva hateten, arguidu estranjeiru nain rua ne’e, viola ona justisa iha Timor Leste.

Lee hotu :   Lere: Polítiku sira tenki asegura VIII Governu ■Lakohi tan EA

“Sira halai ses husi Timor Leste ba fali Australia, entaun bankada KHUNTO husu nafatin ba setór justisa iha Timor Leste atu bele koopera hamutuk ho Governu Australia atu bele lori fali sidadaun nain rua ne’e mai fali Timor Leste hodi kumpri justisa iha Timor Leste,” katak nia.

Nia hatutan, Timor Leste hanesan nasaun demokrátiku ida ne’ebé iha lei, tanba ne’e Australia mós sei koopera hodi haruka fali sidadaun nain rua mai fali Timor Leste hodi kumpri sira-nia pena.

“Ita mós presija investiga klean liu tan, tanba saida mak sidadaun nain rua ne’e halai sai husi Timor Leste,” katak Luis Roberto.

Nune’e mós, Xefi bankada FRETILIN, Francisco Branco hateten, Tiago ho nia kaben iha hela prosesu hodi hatama rekursu ba Tribunal, maibé sira komete tan krime foun hodi halai sai husi Timor Leste.

“Sira nain rua nia estatus hanesan Emilia Pires, prosesu julgamentu seidauk final, entaun Estadu Timor Leste ho Portugal tenki hanoin atu halo extradisaun sidadaun hirak ne’e. ne’e konspirasaun polítika, tanba sira viola ona lei rai ida ne’e nian,” katak Francisco Branco.cos

Add to Comments Here!!!!

error: Content is protected.
Secured By miniOrange
You might also like:
OR la pasa tamba la priense rekezitus konstitusionais ”PM konsidera opozisaun la halo rejeisaun ba OR”

Prezidente bankada CNRT, Arão Noe, argumenta,...

Happy Hour Eps.15 hamutuk ho Jovi Baptista

Lere: F-FDTL sei proteje bens Estadu no povu inosente

Chefe Estado Maior General FALINTIL Forsa...

Close