JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL liberta minoridade involve iha arte ritual ”Polisia Militar la tolera kriminozu”

PNTL liberta minoridade involve iha arte ritual ”Polisia Militar la tolera kriminozu”


Polisia Nasional Timor Leste (PNTL) Munisipiu Dili, liu husi Servisu Investigasaun Kriminal (SIK) obrigatoriu entrega hikas labarik minotrdade nain 10 ba familia ida-idak, tanba kapturadu involve iha arte ritual.

Iha Tersa kalan (07/11/2017), tuku 01:00 to’o tuku 4:00 madrugada, PNTL kaptura autor arte ritual hamutuk nain 139 iha area Taibessi-Dili, tanba halibur malu halo ritual ba hanai no hahii arte ritual balun.

Autor hirak ne’e, kompostu husi mane nain 133 no feto nain 6. Nune’e, wainhira Polisia halo identifikasaun ba autor sira hetan mos labarik ho miniridade nain 10 mak involve mos.

Segundu Komandante PNTL Munisipiu Dili, Superintendente Assistente Euclides Belo, klarifika katak, polisia fo fila labarik miniroidade sira ne’e ajusta ho provas labarik hirak ne’e ninia sertidaun baptismu nian.

Ba jornalista sira iha Komando PNTL Munisipiu Dili, Kinta (9/11/2017), Euclides Belo, akresenta katak, autor sira arte ritual ne’e sei entrega ba Ministeriu Publiku (MP) hafoin oras 48 nia laran.

Ba labarik hirak ne’ebe entrega hikas ona ba familia, Euclides Belo, tatoli hela ba autoridade suku no inan-aman sira atu kontinua asegura sira la bele mete iha kualker atividades ne’ebe Estadu bandu ona, hodu nune’e, bele konsentra prepara sira nia futuru nudar jerasaun kontinuador.

“Inan-aman mak besik liu ba oan sira, tanba ne’e, tenke fo edukasaun sivika nafatin ba sira atu la bele monu ba tentasaun no manobra lalaok sira ne’ebe Lei bandu,” afirma Euclides Belo.

Ba autor sira ne’ebe idade adulto hamutuk nain 129 kontinua detein iha sela polisia hodi subemte ba investigasaun para kompleta auto notisia idak-idak nian hodi intrega ba Tribunal.

Lee hotu :   Inan sai arguida, tanba haruka oan ba fa’an sasan

Tuir identifikasaun prosesu preliminaria polisia nian katak, autor arte ritual lubuk hirak ne’e, balun mai husi Minisipiu Dili, Aileu ho Manatuto no  evidensia sira ne’ebe mak Polisia rekolha hanesan armas brankas sei hato’o ba Ministeriu Publiku.

La tolera kriminozu

Husi sorin seluk, Falintil – Forsa Defesa Timor Leste (F-FDTL) liu husi Unidade Polisia Militar (PM) kontinua fo apoiu masimu PNTL  atu kombate bandalismu no kriminozu sira ne’ebe prezodika povu nia liberdade no estabilidade.

Komandante Unidade da Polisia Militar, Major Abel da Costa Xavier ‘Nicky’, hateten, Polisia Militar fo apoiu sem rezerva ba PNTL wainhira mosu situasaun sira ne’ebe haree ninia grau todan oituan, liu-liu relasiona ho aktividades krimi organizadu no krimi sira ne’ebe utiliza sasan sira ne’ebe estraga ema nia vida.

Dau-daun ne’e, iha Dili laran no fatin balun, Polisia Militar fo apoiu ba PNTL hodi halo operasaun konjunta iha kalan-kalan hodi tama sai bairo no aldeia sira.

“Konaba servisu Polisia Militar ninian, apartir eleisaun to’o agora ami simu orientasoins deretiva husi ami nia komando liu-liu ami nia Major Jeneral Lere Anan Timur no ami halo servisu sempre iha liña koordenasaun komandante operasaun PNTL ho mos Komandante PNTL Munisipiu Dili,” hateten Major Nicky.

Ba eventu komemorasaun Masakre Santa Cruz iha 12 Novembru ne’e, Polisia Militar mos  sei hola parte hodi asegura seguransa ba lalaok serimonia tomak. eus

Add to Comments Here!!!!

error: Content is protected.
Secured By miniOrange
You might also like:
MS deve Hospital Internasional sira milaun 6 USD

Vise Ministru Saude, Luis Lobato hatete...

PN hasai segunda karta ba eis deputadu entrega Prado ”La kumpri, PNTL sei atua”

Parlamentu Nasional (PN), hasai tan karta...

Governu sei iha osan, laiha dalan diskuti OR ”Eziji hatama uluk programa”

Deputadu bankada opozisaun sira iha Parlamentu...

Close