JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Henrique hetan basa tanba namora iha uma kotuk

Henrique hetan basa tanba namora iha uma kotuk

Lezadu Henrique Horta hetan basa no tuku husi arguidu Virgilio Cardoso, Leonito Carvalho no Luis Moniz, tanba lori lezadu nia namora Liliana Cardoso ba namora iha uma kotuk.

Tuir akuzasaun husi Ministeriu Publiku katak, iha loron 24 fulan dezembru tinan 2016 tuku 1:30 madrugada iha Becusi lezadu nia namora Liliana Cardoso telfone ba lezadu ho tanis no dehan ba lezadu atu ba hasoru Liliana iha uma kotuk, nune’e arguidu Virgilio Cardoso mos tuir nia alin feto ba no husu ba lezadu atu ba tur iha uma deit nune’e lezadu foin hamrik lakleur arguidu Virgilio Cardoso fo basa dala ida ho makas iha lezadu nia tilun hun no arguidu Leonito Carvalho, Luis Moniz mos hakbesik an ba fatin akontesimentu hodi lori lezadu ho Liliana ba iha Liliana nia uma no arguidu Virgilio Cardoso husu dala ida tan ba lezadu o sei ki’ik ka bo’ot ona no lezadu hatan bo’ot ona, hafoin rona liafuan ne’e arguidu Leonito Carvalho tuku dala ida tama ba lezadu nia kabun no arguidu Luis Moniz foti kadeira tuda tan ba lezada no halo lezadu monu tun kedas ba rai.

Konsekuensia husi arguidu nain tolu nia hahalok halo lezadu hetan sofre moras iha fatin atinjidu durante loron hitu no hetan tratamentu iha klinika privadu ba kanek ho osan $27,00 no ba kanek iha ulun selu ho osan $17,00.

Arguidu nain tolu hanesan autor material ba krime ofensas integridade fizika simples nudar krime semi publiku ne’ebe previstu iha artigu 145 husi kodigu penal Timor-Leste ne’ebe depende ba keisa ou lezadu atu dada kazu  ou kontinua lao ba oin.

Lee hotu :   Kazu Tiago Guerra ho Chan Fong Fong, Manuel Tilman konsidera laos kulpa Embaixada Portugal

Nune’e antes tama prosesu julgamentu, juiz halo tentativu konsiliasaun ho lezadu hodi esplika, krime ofensasa integridade fizika simples artigu 145 hanesan mos ho krime semi publiku, ne’ebe iha posibilidade atu dada fali kazu ne’e, maibe depende ba lezadu atu kontinua kazu ne’e ba oin ou dada fali.

Liu husi tentativu konsiliasaun ne’e, lezadu deside atu dada fali kazu ne’e la ho kustu ou indimizasaun, maibe loron seluk labele halo tan agresaun fiziku hasoru ema karik bele koalia deit.

Relasiona ho desizaun lezadu arguidu nain tolu hamrik hodi husu deskulpa ba lezadu hodi hakuak no promete ba tribunal sei la repete aktu ne’e, nune’e tribunal absolve arguidu nain tolu husi krime ne’ebe Ministeriu Publiku akuza ba arguidu sira.

Julgamentu ne’e prezide husi juiz Antonino Gonçalves, Ministériu Públiku reprezenta husi prokurador Hipolito Santa no arguidu sira hetan asistensia legal husi defensor publiku Laura Valenty. Ita

Add to Comments Here!!!!

error: Content is protected.
Secured By miniOrange
You might also like:
BK prontu diskuti mosaun sensura

Bankada Koligasaun (BK) ne’ebé kompostu husi...

FRETILIN hahú prepara-an ba EA ”AMP nunka hakfodak”

Adjuntu Sekretáriu Jeral Partidu FRETILIN, José...

Kondisaun Portu no Aeroportu la favoravel ”MT planea halo estudu viabilidade”

Ministru Turismu (MT) Manuel Vong, hateten, ...

Close