JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia droga kontentor 9, SIK-BNN sei teste sampel

Deskonfia droga kontentor 9, SIK-BNN sei teste sampel

Servisu  Investigasan Kriminal (SIK) ho Badan Narkotika Nasional  (BNN) Republika Indonesia, tuir planu sei halo teste  sampel  droga iha kontentor 9, maibe seidauk termina data.

Ekipa BNN husi NTT Indonesia  hamutuk ema nain lima,  too iha Díli Segunda (29/01/18) liu husi fronteira terrestere Batugade, ne´ebé lidera husi Xefe BNN  Rotendao NTT  Komisariu Lino do Rosario Pereira.

Delegasaun BNN ne´e Tersa (30/01/18),  ne´e hasoru malu ho  Komandante Jeral PNTL Komisariu Julio Hornay, iha Kuartel Jeral PNTL.

Hafoin enkontru ekipa   BNN observa kontentor 9  ne´ebé mak deskonfia droga,  ne´ebé mak rai hela iha Kuartel Jeral PNTL Díli.

Objetivu  enkontru ne´e  hodi koalia  kona-ba akordu  entre PNTL ho Polisi Repulik Indonesia (POLRI), iha tinan 2009 to’o mai agora, oinsa   servisu apoiu ba malu  hodi prevene no kombate  kazu narkotika, ne´ebé karik tama mai iha Timor-Leste ka Timor-Leste liu ba Indonesia,  hanesan kazu Unidade Polísia Marítima prende kontentor 9 deskonfia  tau droga iha laran.

Maske Servisu Investigasaun Kriminal  (SIK) ho BNN atu halo izame ba sampel husi aimoruk ne´e, maibe Komandante Jeral PNTL Komisariu Julio Hornay, sei halo enkontru ho Prokurador Jeral Repúblika, hodi  haree asuntus legais   ne´ebé mak preiza atu priense tuir lei, tanba kazu ne´e akontese iha Timor-Leste.

“Ita komunika  ho BNN, maibe MABES POLRI fó kompetensia ba BNN POLDA Kupang  atu hamutuk ho ita nia investigasaun kriminal hodi haree, maibe ha´u sei  enkontru ho Prokurador Jeral Repúblika  hodi haree asuntus legais ne´ebé mak presiza atu priense,“esplika Komisariu Julio Hornay, ba Jornalista sira, hafoin enkontru tha ho delegasaun sira iha sala konferensia imprensa Kuartel Jeral PNTL Díli.

Wainhira  husu tanbasa mak presiza BNN mai hamutuk hodi halo izame ba sampel aimoruk ne´e? Julio Hornay hatán, BNN  iha koñesimentu klean  kona-ba kazu  droga sira ne´e.

“Tanba  ida  ne´e mak presiza koopera ba  malu tuir MoU  ne´ebé mak  ita iha. Kona-ba laboratoriu klaru,   maibe kazu ne´e ami nafatin koordena ho Prokurador Jeral Repúblika para nune´e orientasoens sira ne´e ami bele halo tuir, “dehan Julio Hornay.

Lee hotu :   Materia prima ANP perigu ba TL

Relasiona ho esplikasaun  BNN mak iha koñesimentu liu ba kazu droga nian, wainhira GMN tenta  husu fila fali asuntu ne´e ba Julio Hornay, nia responde katak,  Timor-Leste  iha koñesimentu.

“Maibe  ita hakarak kazu ne´e,  ita presiza  peritus ita labele dehan  ita hatene oituan, maibe  ita presiza atu reforsa malu nune´e bele alkansa objetivu ne´ebé mak  ita hakarak,“dehan Julio Hornay

Kona-ba fatin no data atu halo teste sampel ba aimoruk deskonfia droga ne´e?  Julio Hornay, sei koordena fali ho Prokurador  Jeral Republika hodi desidi.

Xefe BNN  Rotendao NTT  Komisariu  Lino do Rosario Pereira, apresia  PNTL  nia servisu, tanba konsege prende aimoruk a´at  ne´e.

“Ami hanoin   sira  kaer  kontentor 9 ne´e hanesan Indonesia ami hateten katak, sira salva joven sira barak liu iha Indonesia,  ne´e hanesan prestasi  ne´ebé mak luar biasa,“dehan Komisariu  Lino do Rosario Pereira.

Aimoruk deskonfia droga ne´e, Unidade Polísia Maritima prende iha loron 23/01/18, iha Portu Díli.

Alende ne´e Unidade Polísia Marítima detein mós ema nain 10,  inklui kapitaun ro ai Berkat Selayang wainhira hasai hela sasan husi kontentor laran atu tula ba ro ai  lori liu ba  Indonesia no submete ba  prosesu  investigasaun.

Iha loron 24/01/18/ kontentor 9   diskonfia aimoruk droga Paracetamol  Caffeine Carisopodrol (PCC) ne´ebé  mak Unidade Polísia Maritima (UPM), prende iha Portu Díli,  evakua ba iha Kuartel Jeral (KJ) Polísia Nasionál Timor-Leste (PNTL).

Nune´e iha loron  27/01/18, Servisu Investigasaun Kriminal submete  primeiru interogatori,  iha Tribunal  Distrital Díli, aplika  Termu Identidade Rezidensia (TIR) no Aprezentasaun periodika  ba suspeitu Nain Tolu   hatama kontentor 9 diskonfia ho materia Prima Droga.

Tribunal aplika medida koasaun TIR ho aprezentasaun periódika ba suspeitu nain tolu ho inisial H  MK no JP tanba krime tolu  Ministeriu Publiku akuza la priense kriteria.

Krime tolu ne’e mak hanesan brankeamentu capital,  asosiasaun kriminozu no kombate tráfiku droga.avi

Add to Comments Here!!!!

error: Content is protected.
Secured By miniOrange
You might also like:
BOAMP ejize diskute mosaun no destituisaun

Xefi bankada PLP, Fidelis Magalhães, hatete,...

FDN fo apoiu ba AMP

Hafoin Prezidente Repúblika anunsia dissolve Parlamentu...

Investe iha jogus Kasino, Hama Tomo ho Double Six seidauk hetan sertifikadu investimentu

Hama Tomo husi Japaun ho Double...

Close