JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lu Olo : La bele hapara logistika ba PNTL ho F-FDTL ”Kondekorasaun la bele halo fali ba animal

PR Lu Olo : La bele hapara logistika ba PNTL ho F-FDTL ”Kondekorasaun la bele halo fali ba animal

Prezidenti Republika (PR), Francisco Guterres “Lu Olo”, husu ba VII Governu Konstitusional atu labele hapara logistika ba Polisia Nasional Timor Leste (PNTL) ho FALINTIL – Forsa Defesa Timor Leste (F-FDTL).  

“Ha’u hakarak hatete ba ita bo’ot sira, ba PNTL ho F-FDTL katak nudar Komandante Supremo Forsas Aarmadas ninian, ha’u koalia tiha ona ho Primeiru Ministru katak instituisaun rua ne’e, nia logistika labele falta biar defikulidade iha orsamentu nian sira nian labele falta,” afirma  PR Lu Olo, liu husi diskursu bainhira partisipa natal konjunta PNTL – F- FDTL iha Centro Convensoens Dili (CCD), Sabadu (06/01/2018).

Prezidenti Republika haktuir resposta husi Primeiru Ministru nian dehan, ba instituisaun PNTL ho F-FDTL logistika ba sira sempre iha hela de’it no sei la falta.  Tanba ne’e, Prezidenti Republika hatete ba General atu labele preokupa ho problema ne’e.

Prezidenti Republika mensiona mos katak, kuandu situasaun politika ne’e la’o ba oin, konserteze instituisaun rua merese para hadi’ak diak liu tan kapasidade atu bele lao tuir kosenseitu forsa moderna.

“Ha’u fiar katak tinan foun ne’e ba oin, politika defesa seguransa nian sei la’o diak liutan,”  hateten Prezidenti Republika Francisco Guterres “Lu Olo”.

Tuir Prezidenti Republika katak kondekorasaun ne’ebe mak Ministru Defesa no Seguransa hala’o la’os ba fali animal, maibe ba ema ne’ebe servi instituisaun no ba oin oinsa mak dezemvolve instituisaun rua ne’e.

Antes ne’e, Ministru Defesa no Seguransa, José Agustinho Sequera “Somotxo” lori Governu nia naran atribui kondekorasaun ba kuda ida ne’ebe mak Unidade Polisia Fronteira sira haki’ak no uza hodi halo patrolha iha linha fronteira.

Somoxo fo razaun katak nia kondekora kuda ne’e tanba kunda ne’e iha sentidu Estadu, liu fali ema balun, tanba kuda ne’e bele ajuda PNTL ba lori bee husi bee matan mai PNTL sira iha postu fronteira nian wainhira sira presiza bee mos.

Lee hotu :   XINA SEI AJUDA RO IDA BA PNTL

Iha fatin hanesan, Ministru Defesa no Seguransa Jose Agustinho Sequeira ‘Somotxo’ hatuir PNTL ho F-FDTL protidaun responsabiliza kualker situasaun ne’ebe tenta kria instablidade iha rai laran.

“Situasaun ne’ebe bele mosu maibe nudar forsa seguransa no forsa defesa tenke asumi tanba responsablidade tula ona ba ita nia leten,” dehan Ministru Defesa no Seguransa.

Xefe Estadu Maior Jeneral F-FDTL, Major Jeneral Lere Anan Timur  afirma instituisaun rua prontu dedika -an tomak hodi responde totalmente kona-ba seguransa no defesa nian.

“Ami nudar Forsa Defesa Timor Leste hanesan Polisia Nasional Timor Leste prontu atu fo nia kontribuisaun, fo nia servisu tomak atu bele ultrapasa problema politika ne’ebe ita atravesa iha ita nia rai,” hateten Lere Anan Timur. eus

Add to Comments Here!!!!

error: Content is protected.
Secured By miniOrange
You might also like:
Laiha akordu extradisaun, Susar lori Tiago-Chan Fong mai TL

Governu atu lori fila Tiago Guerra...

Aprezenta programa anotasaun, Alkatiri prefere media hein deit

Primeiru Ministru (PM), Mari Alkatiri, lakohi...

Konsidera BAMP illegal, Arão Noe sadik aprezenta ba TR

Xefi bankada CNRT Arão Noe sujere...

Close