JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hetan trata, fen kik lakohi dame

Hetan trata, fen kik lakohi dame

Lezada ho inisial LM lakoi dame malu ho arguida ho inisial MI ne’ebe sai hanesan fen bo’ot husi lezada nia laen, tanba hetan trata no tolok husi arguida.

Krime ofensa integridade fizika simples ne’ebe arguida MI komete hanesan krime semi publiku, nune’e iha posibilidade omologa, maibe depende lezada.

Antes tama ba prosesu julgamentu juiz prosesu halo tentativa konsiliasaun ba lezada atu dada fila kazu ou kontinua, maibe lezada deklara nia lakohi dame malu ho arguida, nune’e tribunal deside kontinua prosesu.

Iha audensia julgamentu arguida konfesa katak, faktus sira ne’ebe akuza ba nia balun los balun lae.

 “Problema ne’e mosu tanba, hau nia laen hola fali nia hanesan feto kiik, depois hau ba iha Manleuana tanba nia telefone hodi tolok no tarata hau, ne’e mak hau ba hodi husu nia, hau ba trata deit nia no fakar foos saku ida, maibe hau la baku tok sasan rahun ida,”dehan arguida.

Nune’e mos akontesimentu iha aldeia Maukokomate ne’e tanba arguida nia laen hadau hela nia osan no telefone, nune’e arguida ba husu, maibe to’o iha ne’eba lezada maka provoka uluk hodi halo nia nervoju, hodi lori fatuk tuda lezada.

Ba tribunal lezada mos deklara katak, antes lezada hola arguida nia laen, lezada la hatene katak nia iha fen, maibe to’o ikus mak foin hatene nune’e wainhira arguida tolok no baku lezada simu deit.

Hafoin rona tiha parte hotu, tribunal adia fila fali ba loron seluk hodi rona sasin.

Tuir akuzasaun husi Ministeriu Publiku (MP) hakerek, iha loron 14 fulan Juñu 2016, tuku 16.00 iha Manleuana suku Comoro, lezada iha hela uma derepente deit arguida ba tolok lezada hodi fakar foos saku ida, sobu hotu sasan hanesan bikan inklui kadeira no arguida konsege tuda kona iha lezada nia matan.

Lee hotu :   Produs Osan Dollar falsu, Timoroan bele sai autor no vitima

Tuir fali mai iha loron 6 fulan Marsu 2017, tuku 6.00 dader, iha aldeia Maukokomate lezada ho nia kaben iha hela sira nia uma, arguida ba iha lezada nia uma hodi diskuti malu ho lezada nia kaben no insulta lezada dehan feto aat, hodi foti fatuk tuda iha lezada nia liman.

Konsekuensia husi arguida nia hahalok, halo lezada hetan moras iha parte liman no matan, nune’e tenki halo tratamentu iha Hospital Nacional Guido Valadares (HNGV).

Arguida hanesan autor ba krime ofensa integridade fizika simples ne’ebe previstu no punidu iha artidu 145 no krime danu simples iha artigu 258 kodigu penal.

Audensia julgamentu ne’e prejidi husi juiz José Maria, ministeriu publiku reprezenta husi prokurador Hipolito Santa no arguida hetan asistensia legal husi defensor publiku José da Silva. Ita

Add to Comments Here!!!!

error: Content is protected.
Secured By miniOrange
You might also like:
Oscar lima agradese servisu PNTL

Prezidente Câmara Comércio Industria Timor-Leste (CCI-TL),...

Eletrisidade Manleuana kontinua lakan-mate

Xefi Suku Manleuana, Munisípiu Dili, Jacob...

Hakotu impase polítika ho EA, Ukun nain instrumentaliza povu

Amu Pároku Manatuto, Alipio Pinto Gusmão,...

Close