JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inspesaun Jogus identifika Hamatomo laiha fatin ba jogus • Mahatan Timor Group uza makina Kasino

Inspesaun Jogus identifika Hamatomo laiha fatin ba jogus •	Mahatan Timor Group uza makina Kasino

Inspesaun do Jogus halo ona verifikasaun ba kompaña lima (5) ne’ebe mak hetan lisensa husi Ministru Turismu, Manuel Vong, ba atividades investimentu jogus nian. Tuir rezultadu verifikasaun Inspeksaun Jogus nian nota katak, kompaña HAMATOMO RAKUUN,S.A ne’ebe letan lisensan loke jogus slot machine seidauk iha fatin propriu ba loke atividades jogus  nian.

         La’os ne’e deit, kompaña rua seluk, kompostu husi Kompaña DREAM ENTERTAIMENT GROUP,S.A ne’ebe loke jogus Lotaria, ho mos Kompaña ILIMANO HOLDIN, S.A ne’ebe hetan lisensa loke jogus Slot Machine seidauk iha fatin propriu ba sira nia atividades jogus nian.

         Iha loron 1 fulan Fevereiru, tinan ne’e, Ministru Turismu, Manuel Vong, hasai despaixu hodi legaliza atividades jogus 5, kompostu husi Kompaña DREAM ENTERTAIMENT GROUP,S.A hodi loke jogu Lotaria, FITUN TIMOR LDA, (Lotaria), ILIMANO HOLDING, S.A (Slot Machine), HAMATOMO RAKUUN,S.A (Slot Machine), ho Mahatan Timor Group (MTG), Holding ,S.A mos loke atividade jogus Slot Machine.

         Iha dokumentus despaixu ne’ebe asina husi Ministru Turismu, Manuel Vong  katak, kompaña sira ne’e loke iha ninia edefisiu ho inderesu, mak hanesan   Kompaña DREAM ENTERTAIMENT GROUP,S.A lke iha Fatuhada,  ILIMANO HOLDING, S.A iha Comoro, HAMATOMO RAKUUN,S.A iha Bebonuk, Mahatan Timor Group (MTG), Holding ,S.A iha Fatuhada ho mos FITUN TIMOR LDA, iha Maneluana. Maske nune’e, wainhira Inspasaun do Jogus ba halo verifikasaun la hetan kompaña 3 nia fatin tuir inderesu ne’ebe kontempla iha despaixo Ministru Tursimu nian.

Tuir regras normais ba prosesu loke jogus iha Timor Leste, katak antes Ministeriu kompetente (Ministeriu Turismu-red) legaliza atividades kompaña jogus ruma tenke halo uluk verifikasaun ba dokumentus hotu, inklui fatin ho mos osan garantia iha banku.

Lee hotu :   Joven ida ema taa iha Bebonuk

         Tuir lei do jogus nian ne’ebe promulga husi Prezidenti Republika (PR) Taur Matan Ruak, iha loron 11 fulan Abril tinan 2016, katak lisensa ba kompaña sira ne’ebe mak atu investe iha atividades jogus lotaria popular tenke iha minimu garantia iha banku provolta US$ 400.000 no ba atividade jogus slot machine US$ 10.000,000 no tenke iha fatin propriu ho nia espasu tuir lei haruka.

         Iha tempu VI Governu Konstitusional nian, Ministru Turismu Francisco Kalbuadi Lay, legaliza jogus lubuk ida, liu husi prosesu konkursu publiku, atu bele garante nia transparansia publiku. Tanba ne’e, Ministeriu tutela ba jogus forma ekipa juri ba konkursu publiku ba jogus nian, kompostu husi Inpeksaun Geral do Jogus, reprezentante Ministeriu Finansas, Ministeriu Solidariedade Sosial (MSS) ho Ministeriu Justisa (MJ) ne’ebe lidera rasik husi Inspektor Geral do Jogos nian.

         Liu husi verifikasaun ba fatin jogus 5 ne’ebe mak Ministru Turismu, Manuel Vong, fo lisensa, foin lalais ne’e, Inspesaun do Jogus, identifika kompña 3 mak la iha fatin ba loke atividades jogus nian, kompostu husi Kompaña HAMATOMO RAKUUN ,S. A ne’ebe loke jogus Slot Machine, Kompaña ILIMANO HOLDIN, S.A (Slot Machine) no Kompaña DREAM ENTERTAIMENT GROUP, S.A, ne’ebe loke atividades jogus Lotaria.

         Kompaña rua (2) deit mak Inspesaun do Jogus identifika iha fatin ba loke atividades jogus nian mak Kompaña Mahatan Timor Group (MTG) Holding S.A (Slot Machine) lokaliza iha area Fatuhada  iha Landmark Plaza ho FITUN TOTO TIMOR LDA loke lotaria iha area Manleuana.

Inspektur Jeral do Jogus, Augostu Pereira hatete, inspesaun ba atividades jogus kompaña rua mak Inspesaun Jeral do Jogus halo inspesaun mak FITUN TOTO TIMOR LDA (Lotaria), Mahatan Timor Group (MTG) Holding S.A (Slot Machine).

Lee hotu :   Kazu Bebonuk iha prosesu investigasaun

´´Kompaña ILIMANO HOLDINg, S.A ba atividades jogus Slot Machine sira nia fatin sei konstroi hela seda´uk ba halo inspesaun ba haree de´it, HAMATOMO RAKUUN, S. A provizoriomente mos seida´uk iha, ida lotaria ne´e dehan tau iha Aimutin mas to´o agora ami seda´uk hetan,” informa Augostu Pereira, ba GMN iha nia knar fatin, Bebora-Dili, Kinta (08/02/2018).

Husi sorin seluk, Inspeksaun do Jogus mos nota katak, makina lubuk ida ne’ebe mak suporta atvidades jogus slot machine iha kompaña Mahatan Timor Group (MTG) Holding S.A, la’os proprio makin jogus slot machine maibe makina ba jogus Kasino nian. Tanba ne’e, Inspesaun do Jogus hola ona medidas hodi hasai karta para kansela atividade jogus Mahatan Timor Group nian.

´´La´o tenke tuir lei slot machine. Se sira halo fali buat ne´ebe liu fali husi ne´e, tenke kansela ba maki ne´ebe sira uza,” afirma Inspektur Jeral do Jogus, Augusto Pereira.

Inspektur Jeral do Jogus Augostu Pereira dehan kona-ba osan 10 miloens ba leten ne´e turismo integradu.

         Ho falhansu no falta rekejitus ba atividades jogus nian mak kontempla iha lei jogus nian, maka Inspektor do Jogus, hateten katak, mesmu kompaña 5 ne’e hetan ona lisensa husi Ministru Turismu, Manuel Vong, maibe seidauk bele halo atividades jogus nian.

Inspektur Jeral do Jogus ne´e afirma kompana ne´ebe seda´uk priense rekejitus labele koko atu hala´o atividades jogus, se viola mak parte autoridade seguransa Polisia interven dereitamente.

Relasiona ho kestaun ne´e Jornalista GMN tenta konfirma ho Ministru Turismu iha ninia knar fatin, Farol- Dili, maibe  Ministru Tursimu lakohi atende ona jornalista wainhira intervista kona-ba asuntus jogus nian. eus

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-8 Fulan-Fevereiru Tinan-2018

Yohan Goutt Gonçalves ho Orgulho Representa Timor-Leste iha Jogos Olimpicos de Inverno 2018 PyongChang

Jogos Olimpicos de Inverno 2018 Pyong...

PR dekreta 12 de Maiu Eleisaun Antesipada “Governu garante tasa partisipasaun sei aumenta

Close