JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autor kazu kontentor halai husi TL, Sosiedade Sivil konsidera frakeza husi sistema judisiariu

Autor kazu kontentor halai husi TL, Sosiedade Sivil konsidera frakeza husi sistema judisiariu

Sosiedade Sivil  sira konsidera autor ka nain ba kazu kontentor sia (9) husi sidadaun Indonesia ho inisial MK, halai sai  husi Timor-Leste (TL), iha loron lima liu ba,  tanba frakeza husi sistema  judisiariu TL.

“Ha´u  hanoin se ida  ne´e akontese duni, dala ida tan kecolongan ida ba ita nia sistema justisa, intensaun  ka la intensaun ita husik koak  leet atu husik fatin ba ema  ne´ebé  mak  iha prosesu investigasaun sei la´o hela,  bele sai fasilmente husi  prosesu  ne´ebé mak sira hatan,“Diretor Judicial System Monitoring Program (JSMP), Luis de Oliveira Sampaio, ba GMN, Kuarta (07/03/18), iha nia servisu fatin Colmera Díli.

Nia hatutan,   autor sira ne´e sai husi trritoriu Timor-Leste, tanba frakeza iha liña koordenasaun  entre instituisaun relevante sira, tanba la konsege halo avaliasaun profunda ligasaun ho kazu ne´e.

“Ita  iha esperiensia barak  ona  hanesan kazu  ne´e  iha  prosesu primeiru  interogatoriu depois  hein  prosesu  julgamentu ba kazu  prinsipal maibe ema sira halai sai.  Ita  mós iha esperiensia  iha kazu sira ne´ebé iha  prosesu rekursu hela ema halai sai, ha´u hanoin Tribunal hamutuk ho Ministériu Públiku  ténki avalia esperiensia sira ne´e,“dehan  Luis De  Oliveira Sampaio.

Nia dehan, kuandu kazu sira ne´e iha natureza todan indikasaun material sira ligasaun ho droga  ne´ebé mak tama ba krimi tranzitu nasional. Ne´e lolos kazu  todan, kazu sira ne´e ligasaun entre grupu redi involve iha laran.

Tanba  ne´e atu hola  desizaun aplika medida koasaun sira ne´e ténki avalia medida koasan ida ne´ebé mak apropriadu  prizaun  preventiva.

“Hanesan kazu  sira ne´e tuir lolos tribunal aplika medida koasan prizaun  preventiva, laós  Termu Identidade Rejidensia,  ita esperiensia dala barak ona ema halai sai fasil los, kuandu sai tiha ona ita laiha mekanismu buka tuir,  ne´e mak durante ne´e  ita esperiensia,“`dehan Luis De  Oliveira Sampaio.

Alende  ne´e  Vise Diretor HAK, Sisto dos Santos, hateten, kuandu  autor  prinsipal husi kontentor sia ne´e  mak halai sai  husi Timor-Leste,  ne´e  dezastre ida.

Dejastre  ne´e la´os foin mak akontese, maibe  ne´e ba dala rua ka tolu  ona, tanba  iha indikasaun mai  husi Ministériu Públiku katak, iha ema balun konsege  fasilita kontentor  ne´e mai  iha Timor.

Lee hotu :   Aniversariu F-FDTL ba dala 17, Lere: Ita tenki investe nafatin ba futuru

Nia  hatutan, ema sira uluk komete kazu  korrupsaun maibe sira halai sai  husi nasaun ne´e, tanba  ne´e  dezafiu ba instituisaun judisiariu sira.

“Entaun ami rekomenda, autor ne´e sai  iha sa loron Departementu Imigrasaun hatene ida ne´e ka lae? ka nia sai  ho ilegal, entaun  importante ba  ita atu investiga  hodi haklean tan  ita-nia informasaun balun, nune´e bele komesa komunika ona ba International Police, tanba  ema sira ne´e la´os komete kazu iha Timor-Leste, maibe komete krimi ba nasaun sira ne´ebé la autoriza hahalok ida  hanesan ne´e,“dehan Sisto dos Santos.

Iha parte seluk Adjuntu Diretor Fundasaun Mahein, João Almeida, hateten,  se Tribunal aplika Termu Identidade Rezidensia ba autor sira ténki identifika autor sira nia hela fatin, atu nune´e hafasil   kontrola ba ema sira ne´e.

Nia hatutan, kazu sidadaun Indonesia halai  ona  husi Timor-Leste, la´os foin akontese, maibe akontese ona ba kazu eis Ministra Finansas, Emília Pires no kazu ema Portugues, Tiago-Guerra-ho-Chan-fong-fong nian.

“Seluk fali ema sei laiha konfiansa ba ita-nia instituisaun seguransa no judisiariu nian, ezemplu investidor atu mai investe iha Timor-Leste, kuandu haree setor no seguransa hanesan ne’e. Hanesan suspeitu ba kazu ruma ses husi justisa ema sei la mai investe, tanba  ita-nia setor seguransa no justisa la garante investidor atu investe iha ita nia rai,“João Almeida, argumenta.

Entretantu suspeitu ka  nain   husi kontentor  9  ne´e,  Unidade Polísia Maritima (UPM) kaer  iha loron 23 fulan Janeiro tinan 2018, iha Portu Díli,    wainhira sobu hela kontetor atu tula ba ro ai Berkat Selayang atu ba Indonesia.

UPM  prende  kontentor 9  ne´e, tanba deskonfia   aimoruk Paracetamol  Caffeine Carisopodrol (PCC), hanesan material prima bele produs ba droga.

Tanba  ne´e iha  loron  27/01/18, Servisu Investigasaun Kriminal submete  ba  primeiru interogatori,  iha Tribunal  Distrital Díli, aplika  Termu Identidade Rezidensia (TIR) no Aprezentasaun periodika  ba suspeitu Nain Tolu  ne’ebe hatama kontentor 9 diskonfia ho materia Prima Droga.

Lee hotu :   TDD kontinua hamosu sasin ba kazu kontentór rua lakon

Tribunal aplika medida koasaun TIR ho aprezentasaun periodika ba suspeitu nain tolu ho inisail H  MK no JP tanba krime tolu ne’ebe Ministeriu Publikua akuza la priense kriteria

Krime Tolu ne´e mak hanesan brankamentu kapital  asosiasaun kriminozu no kombate trafiku droga.avi

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-07 Fulan-Marsu Tinan-2018

Familia Bo´ot JN-Diario selebra aniversario ba 13 ho misa

Familia bo´ot Grupo Media Nasional, Jornal...

Kombate korupsaun, tenki aprova lei anti korupsaun

Primeiru Ministru Mari Alkatiri, hateten, atu...

Close