JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Identifika fatin poténsia ba krime iha EA, F-FDTL-PNTL tun ba munisípiu 12

Identifika fatin poténsia ba krime iha EA, F-FDTL-PNTL tun ba munisípiu 12

Komandu Operasaun Konjunta Falintil Forsa Defeza Timor Leste (F-FDTL) no Polisia Nasional Timor Leste (PNTL), oras ne’e dadaun hahú tun ona ba iha munisípiu 12, inklui Rejiaun Administrasaun Espesial Oecusse Ambeno (RAEOA) atu halibur informasaun no identifika fatin sira ne’ebé iha risku poténsia ba akontese krime iha Eleisaun Antesipada (EA).

Komandante Jeral PNTL, Komisáriu Júlio Hornay hateten, hafoin halibur informasaun konaba fatin ne’ebé identika hanesan risku durante eleisaun antetipada, komandadu operasaun konjunta F-FDTL no PNTL sei koloka membru sira atu bele asegura eleisaun antesipada bele la’o iha ambiente ne’ebé hakmatek.

Tuir Júlio Hornay, wainhira temi konaba fatin risku ema komesa hanoin ona katak, Viqueque, Baucau, Lospalos no Díli. Maibé tuir nia, iha munisípiu 4 ne’e agora dadaun joven sira komesa entende di’ak tebes, saida mak polítika no demokrasia, tanba ne’e PNTL fiar katak, joven sira iha munisípiu hat ne’e, sei kontribui ba paz durante eleisaun antesipada.

“Ita nia komandu operasaun ne’ebé ita kria ne’e komandu em koordenasaun, ita halo ona iha Quartel Jeral PNTL, iha ne’ebá F-FDTL nia reprezentante ne’ebé lidera kooperasaun PNTL iha Quartel F-FDTL. Sira tun ona ba 13 munisípiu atu identifika no halibur informasaun konaba fatin ne’ebé risku atu depois koloka iha planu operasaun no fatin sira ne’ebé importante para ita nia forsa F-FDTL atu reforsa seguransa ne’e iha nivel munisípiu,” hateten Júlio Hornnay ba jornalista sira hafoin enkontru ho Prezidenti Repúblika, Francisco Guterres Lú Olo, iha Palásiu Prezidensiál Nicolau Lobato Díli, Kinta (1/3).

Atual Komandante Jeral PNTL ne’e mós apela, ba populasaun sira hotu, liu-liu joven sira atu hakmatek nafatin hodi hein loron eleisaun mak ba hili ida-idak nia partidu. Entretantu, loron ba eleisaun antesipada Prezidenti Repúblika, Francisco Guterres Lú Olo, dekreta ona, ba iha loron 12 de Maiu tinan ne’e.ías 

Lee hotu :   Taka dalan ba AMP iha Hera, PNTL detein suspeitu nain tolu

Add to Comments Here!!!!

error: Content is protected.
Secured By miniOrange
You might also like:
Governu selu dívidas US$ 894,000 ba BM ho ADB

VII Governu Konstitusional selu ona dividas...

Suku Mulo, Nunumoge no Mausiga ladauk asesu eletrisidade

Administrador Postu Administrativu Hatubeliku, Munisipiu Ainaro...

Papel media difikulta polítiku nain monopóliu lia los

Prezidenti Partidu Demokrátiku (PD), Mariano Asanami...

Close