JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komando PNTL Ermera promete sei ezekuta ordem publiku ho profesional

Komando PNTL Ermera promete sei ezekuta ordem publiku ho profesional

Komandante Polisia Nasional Timor-Leste (PNTL) Munisipiu Ermera, Supretedente Natercia Eufragia Soares Martins promete sei ezekuta Ordem Publiku ho profesional iha Munisipiu Ermera.

Komandante PNTL Munsipiu Ermera hato’o lia hirak ne’e hafoin diriji Serimonia aniversariu PNTL ba dala-18 (XVIII) nebe hala´o iha refere, Tersa (27/03).

Nia hatutan komando polisia Munisipiu Ermera realiza servimonia aniversariu nee iha Munsipiu tamba hetan autorizasaun husi Komando Jerál PNTL ho apoiu husi Membru hotu-hotu PNTL  iha Munisipiu Ermera no komunidade Munisipiu Ermera.

Komandante polisia nee espera PNTL sei servi komunidade ho profesional liu tan no ezekuta orden publiku ho profesional.

“Realiza duni moto policiamentu komunitaria ninian, katak vizibilidade, involvimetu no professional, tanba ne’e koalia konaba vizibilidade ne’e servisu propriu polisia nian iha komunidade ninia lét hodi nune’e situasaun kontinua hakmatek ba ema hotu-hotu bele hala’o aktividade ho liberdade tuir konstituisaun garante”, dehan supretendente natrecia Martins.

Nia hatutan PNTL Munispiu Ermera sei servisu maka’as ho lider komunitariu, igreja no veteranu sira e tanba sira senti katak sira mos nain ba seguransa, maibe esperansa ba futuru mak sei professionaliza liu tan vizibilidade ne’e, tanba ita labele koalia professional wainhira membru policia ida sei infrenta defikuldade oioin, iha sira nia moris lorloron hala’o knar hanesan policia.

Iha fatin hanesan Prezidente Autoridade Munisípiu Ermera, José Martinho Santos Soares apresia no fó votu susseço ba servisu PNTL Munsipiu Ermera no enkoraja sira atu servisu ho profesional liu tan.

“PNTL iha Munisipiu Ermera iha nia preformance ne’ebé kada tinan sempre aumenta, tanba uluk kuandu hau mai iha tinan 2016, e ami servisu hamutuk ultrapassa ona eleição dala barak ona maibe sempre hakmatek, sussesu no la iha desturbu, e buat hirak ne’e fó provas katak sira membru PNTL komesa kuiñese ona buat ida professional,” dehan Prezidente Autoridade Munisípiu Ermera, José Martinho Santos Soares.

Lee hotu :   Aniversariu F-FDTL ba dala 17, Lere: Ita tenki investe nafatin ba futuru

Serimonia aniversariu ne´e realiza tanba inisiativa no kontribuisaun husi komandu ho membru sira PNTL munisipiu Ermera komunidade, autoridade, munisipiu inklui pessoal emprezariu munisipiu Ermera ne’ebé voluntariamente halibur orsamentu  ho total dolar amerikanu rihun 2 resin.

Marka prezensa iha serimonia aniversariu ne’e veteranus, seguransa Sivil, estudante Pre-Secundaria Nino Conis Santana Munisípiu Ermera no komunidade. Ito

 

Add to Comments Here!!!!

error: Content is protected.
Secured By miniOrange
You might also like:
Kompañia Long Ping Agrikultura sei loke fabrika produs hahan no hakiak fahi iha Manatuto

Kompañia Long Ping Agrikultura husi China...

KM aprova proposta dekretu lei estatutu Murak Rai • Dezenvolve rekursu minerais

Governu liu husi reuniun Konsellu Ministrus,...

■Espoza PR hala’o asaun karidade Konstrui uma no oferese sasan ba família vulneravel

Espoza Prezidenti Repúblika (PR) Cidalia Mouzinho...

Close