JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisario Julio Hornay: Feto PNTL tenke brani

Komisario Julio Hornay: Feto PNTL tenke brani

Komandante Jeral Polisia Nasional Timor Leste (PNTL), Komisariu, Julio da Costa Hornay, sauda feto PNTL no enkoraza nafatin feto sira iha PNTL atu brani halao sira nia knar nudar ajente Estadu mantein lei ho Ordem.

“Feto importante tebes, hahu husi uma laran to’o ba nasaun. Iha uma laran ida ou nasaun ida mak la iha feto ne’e problema boot,” afirma Komisario Julio Hornay iha nia palestra wainhira partisipa iha konferensia datoluk feto PNTL hodi komemora loron internasional feto ne’ebe sempre selebra iha loron 8 Fevereiru, tinan-tinan.

Julio Hornay haktuir, feto nia desizaun tetu halo didiak tebes kompara ho mane mak foti desizaun. Tanba ne’e, Komando PNTL presiza tebes kontribuisaun feto PNTL sira nian atu dezenvolve instituisaun diak liu tna iha futuru.

Konferensia ne’ebe halao iha Salaun Tower, Fatuhada, Dili, Tersa (6/3/2018), Komisario Julio Hornay, elojia feto sira nia administrasaun rapidu kompara ho mane sira.

Iha fatin hanesan, Xefi Gabinete Jeneru Pontu Vokal PNTL, Inspektur Xefe Daria Ximenes hateten, feto PNTL bele foti desizaun, maibe presiza rona orden husi superior no buka meius para promove án liu husi treinamentu no estudu.

Daria Ximenes sublinha, feto mos bele sai lideransa, maibe dezafiu hasoru mak presiza kapasitasaun iha rekursu humanus hodi bele hala’o programa, planu sira hodi bele hala’o aktividade.

Daria Ximenes dehan iha mos progresu ne’ebe mak feto polisia hala’o hanesan kazu iha Oekusi hodi bele kaptura mane sira ne’ebe mak nakar, polisia Feto mos kaer knar importante hanesan kazu barak mak ba Tribunal.

Daria Ximenes hatutan katak husi planu strategia sira ne’e servisu hamutuk ho parseiru, pontu vokal husi munisipiu nue’e hadi’ak liutan feto polisia iha futuru.

Lee hotu :   Julio Hornay: Laiha toleransia ba se mak halo krimi iha sentru votasaun

Nune´e mos espouza Prezidenti Republika, Cidalia Mouzinho Guterres, hateten, konferensia ho tema enkoraza ba progresu feto iha PNTL relevante tebes iha instituisaun laran ne’ebe garante  lei no ordem.

“Ha’u apresia tebes ho ita bo’ot sira nia konvite, bele partisipa iha konfrensia ne’e, tanba relasiona ho tema ne’e feto ninia partisipasaun ba dezemvolvimentu importante tebes no sai komponente ida importante iha PNTL tanba feto mos partisipa ativu iha seguransa no defesa,” hateten Cidalia Mouzinho Guterres.

Iha fatin hanesan Sekretaria Estadu Generu Igualidade (SEGI), Laura M. Lopes, haree katak, iha instituisaun PNTL, feto atu sai lideransa hanesan kargu komando sei menus tebes.

“Feto kaer Lideransa menus liu iha parte seguransa, tanba ne’e ho opurtunidade sira hanesan ne’e estrategia hodi aumenta lideransa feto iha instituisaun,” hateten Laura Lopes. Eus 

Add to Comments Here!!!!

error: Content is protected.
Secured By miniOrange
You might also like:
Partisipa Jenesys parte II, Jenesys nafatin fó oportunidade Timor-oan halao estudu komparativu

Asistente Sekertariu General Internasional Estudu komparativa...

Veteranus-MKOTT selebra susesu FM

Relasiona ho akordu Fronteira Marítima (FM)...

Tinan 13 aniversariu JN-Diario Jorge Serrano agradese povu tomak

Presidente do Conselho da Administração Grupo...

Close