JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere la tolera militar mete iha polítika

Lere la tolera militar mete iha polítika

Xefi Estadu Maior Jeneral das F-FDTL, Major Jeneral Lere Anan Timur sei la tolera militar mete iha partidu polítika.

Lere Anan Timur hato’o deklarasaun ne’e, hafoin enkontru ho Prezidenti Repúblika, Francisco Guterres Lú Olo iha Palácio Prezidensial Nicolau Lobato Díli, Kuarta (21/3).

Lere Anan Timur alerta nafatin ba membru F-FDTL hotu ne’ebé hili ona profisaun nu’udar militar tenki mantein neutralidade no labele mete iha partidu polítika hodi buka servi loos nasaun no povu.

Lere mós promete sei uza nia kompeténsia tomak hodi espulsa membru forsa armada sira ne’ebé fó presaun ba kualker sidadaun atu tama ba kualker partidu.

“Prezidenti Repúblika dehan ba haree seguransa, agora besik kampaiña no eleisaun, haree neutralidade forsa armada nian, i ha’u fó mensajen klaru ba ha’u nia komandante sira katak, semak hakarak halo polítiku sai ba uma, ba halo polítiku.  Semak hakarak hili profisaun ida ne’e, nu’udar nia kareira komporta-an hanesan militar, neutralidade la halis ba partidu ida”, Major Jeneral Lere Anan Timur esplika.

Tuir Major Lere, militar simpatiza ba partidu polítiku ruma ne’e ema sei la kestiona, maibé labele presiona ema ruma atu tama fali ba kualker partidu polítiku.

“Ida ne’e ha’u sei uza ha’u nia kompeténsia, ofisiais, superiores to’o koronel, ha’u iha kompeténsia duni sai agora, rai bele naben mós ó sai. Entaun mensajen klaru ona ba komandante hotu, ba militar hotu, semak hakarak polítika, sai, semak hakarak lori ida ne’e hanesan profisaun no kareira hela atu servi ita nia nasaun no ita nia povu,”Lere hatutan.

Antes ne’e, instituisaun Falintil-Forsa Defeza Timor Leste (F-FDTL) espulsa ona membru balun ne’ebé involve iha grupu arte marsiais.

Lee hotu :   Estudante UNITAL halo agresaun fízika hasoru ema ho defisiénsia

Kona ba kuantidade forsa ne’ebé sei aloka hodi asegura  prosesu tomak eleisaun antesipada sei sai segredu militar.ías

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA GMNTV Hamutuk ho Prezidente Konsellu Imprensa nomos Sekretariu Jeral TLPU

JORNAL NACIONAL GMNTV Loron-22 Fulan-Marsu Tinan-2018

JORNAL NACIONAL GMNTV Loron-21 Fulan-Marsu Tinan-2018

Close