JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MCI kaptura sidadaun estranjeiru halo negósiu ilegal iha Covalima

MCI kaptura sidadaun estranjeiru halo negósiu ilegal iha Covalima

Ministério Comercio Industria (MCI) halo kontrola komérsiu ambulante iha munisípiu Covalima, hodi deteta sidadaun estranjeiru ne’ebé halo negósiu direta ba komunidade sira ne’ebé fó impaktu ba negosiante Timoroan sira.

Diretur regulasaun komersial MCI Domingos Guterres hatete, iha kontrola ne’e deteta negosiante estranjeirus ne’ebé la ho dokumentu negósiu mai halo negósiu iha munisípiu Covalima.

Maski kaptura ona negosiante estranjeiru ilegal balun, maibé MCI la esplika detalla kuantidade negosiante sira ne’ebé mak kaptura.

“Iha atividade ne’e ami konsege kaptura ema estranjeiru ne’ebé hala’o negósiu, maibé la ho dokumentu negósiu ne’ebé lós, dala ruma sira lori sasan ne’ebé laiha kualidade hanesan kosmetik, osan mean ne’ebé fó risku tebes ba komunidade sira. Sira ne’ebé polisia kaptura oras ne’e iha polisia investigasaun nia liman,” dehan Domingos Guterres semana ne’e iha Munisípiu Covalima.

Nia dehan tan, konaba distribuisaun sasan negosiante sira husi Indonézia halo direta, ida ne’e hanesan ilegál. Tanba sira utiliza Timoroan nia lisensa, maibé lisensa hanesan aluga deit, loloos Timoroan maka sai na’in, maibé negosiante sira ne’e maka atende direta to’o sasan hotu negosiante sira ne’e fila fali ba Indonézia.

“Atividade ne’ebé negosiante estranjeiru halo ne’e hamate ita nia negosiante Timoroan sira nian, neneik-neneik Timoroan sira bele taka hotu loja ne’ebé iha, ida ne’e hanesan risku ba negosiante ki’ik sira iha Covalima,” nia hatete.

Iha fatin hanesan Administradór Postu Covalima Laurentino de Jesus agradese ba prezensa MCI, tanba bele halo kontrola ba negosiante estranjeiru sira nebe durante halo negosiu iha Covalima

“Ha’u agradese tebes ho programa ne’e tanba pela primeira vez programa kontrolu ba negosiante husi estranjeirus ne’e hala’o iha Munisípiu Covalima, tanba ne’e maka ha’u agradese ba MCI ho nia ekipa sira hotu,” dehan nia.

Lee hotu :   Ohin kampaña eleitoral, PNTL ho F-FDTL prontu fó seguransa

Nune’e mós Amaro Amaral nu’udar veteranus apoiu ba programa ne’ebé MCI halo, tanba durante ne’e negosiante estranjeirus barak maka viola lei ne’ebé vigora iha Timor Leste.

“Programa ne’e di’ak, tanba haree ba negosiante sira ne’ebé mai husi estranjeiru mai halo iha ita nia rai ne’ebé loloos Timor oan bele halo, sira mai halo mós dala ruma kontra ita nia lei ne’ebé iha, dala ruma sira nia dokumentu ne’e mai vizita mas sira mai halo fali negósiu, ami hanesan veteranus haree hahalok ne’e la tuir prinsípiu funu na’in nian,” dehan nia.

Nia esplika liu tan, nasaun ne’e soberanu no la taka dalan ba ema estranjeiru sira maibé tenki tuir lei ne’ebé vigora iha Timor.

Entretantu Superintindente Polisia Eujenio Pereira nu’udar komandante munisípiu Covalima informa durante ne’e, polisia konsege kaptura ema estranjeirus balun hodi kontinua ba prosesu.

“Ami husi komandu Polisia só para asegura nia prosesu ne’e, oinsa iha kontaktu ho Ministériu Públiku, tanba ita hatene kuandu iha nia movimentu ema estranjeiru ne’ebé mai halo atividade ilegál konserteza ita bele dehan iha motivu ho aktu kriminal,” nia hatete.

Nia hatutan, relasiona ho buat hirak ne’e maka komandu liu husi seksaun investigasaun halo kordenasaun ho Prokurador atu oinsa promove kazu ne’e ba Tribunál.nes

Add to Comments Here!!!!

error: Content is protected.
Secured By miniOrange
You might also like:
Fila husi negosiasaun FM, Alkatiri: Tanbasa tenke ba Sede CNRT

Secretario Jeral Partidu FRETILIN, Mari Alkatiri,...

Jornal Semanário GMNTV edisaun 11 Marsu 2018

Kongregasaun CB-SMD sei fo tratamentu saúde gratuita

Kongregasaun Madres Caridades São Carlos Borromeus...

Close