JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP kondena aktu PNSIK Jorge: “Ami lahalo identifikasaun ba pessoal MC AMP”

AMP kondena aktu PNSIK Jorge: “Ami lahalo identifikasaun ba pessoal MC AMP”

Liu husi Komferensia Imprensa, Ekipa juridiku Aliansa Mudansa ho Progreso (AMP), kondena maka’as aktu husi Polisia Nasional Timor-Leste (PNTL) ekipa Polisia Nasional Servisu Investigasaun Kriminal (PNSIK), tanba halo abozu de poder hasoru pessoal Media Center (MC).

“Ami hare polisia nia aktu ne’e halo ona abuzu de poder tanba iha ita nia lei hateten bainhira polisia atu halo atuasaun ruma iha prosesu kriminal  liuliu krime ho natureza semi publiku tenke iha keixa, maibe buat neebe akontese ba pesoal media center AMP lezadu sira nunka hatoo keixa relasiona ho publikasaun iha focebook, no Polisia foti inisiativa rasik hodi investiga,” hateten Koordenador Ekipa juridiku AMP, Pedro Aparicio.

Nia hatutan, Polisia bolu pessoal AMP nian ho razaun ida dehan Polisia iha oras 12 nia laran atu halo identifikasaun ba iha suspeito, maibe lolos karik polisia tenke hare katak, polisia iha dereitu atu halo identifikasaun ba suspeito sira, mabe polisia tenke iha indisius ida katak suspeito sira halo ona krime, pessoal sira servisu iha Media center so hato’o opiniaun, no ideias relasaun ba aktus ida ne’ebe lideransa sira halo entaun ida ne’e seidauk preinse rekejitus krime, sira la informa ba Ministeriu publiku, maibe dereitamente bolu ami nia pessoal.

“Hau bele hateten Polisia ne’e sala, tanba nia hatene hahalok sira ne’e la priense rekejitus krime, maibe tanba sira uja artigu ida dehan polisia iha dereitu para halo identifikasaun ba suspeito entaun nia uja hodi halo presaun ba ema ho ida ne’e bele tama ba krime abuzu de poder,” tenik Pedro Aparicio.

Hatan ba preukupasaun ne’e, Komandante Polisia Nacional Servisu Investigasaun Kriminal (PNSIP), Superentendenti Polisia Jorge Monteiro, hateten, PNSIK la halo identifikasaun ba pessoal Media Center AMP nian, maibe PNSIK halo identifikasaun ba sidadau Timor nian.

Lee hotu :   Lere: Veteranus tenki mantein disiplina no respeitu lider hotu-hotu

“Ami la hatene ne’e ema AMP nian, ami so hatene deit ne’e sidadaun Timor-Leste nian, sira la’os utiliza Id falsu, maibe utiliza duni sira nia Id original, los duni ami halo identifikasaun sidadaun Timor ida, ami la hatene nia husi ne’ebe, nia servisu saida no nia mai husi partidu ne’ebe, maibe ami bolu sidadaun Timor ida ne’ebe halo defamasaun ba ita nia eis titular, alta identidade Governu nian no mos dala ida tan la’os deit halo deit ameasa no insulta, maibe posibilidade ruma nia bele oho ita nia alta identidade ne’ebe nia mensiona,” dehan Superentendenti Polisia Jorge Monteiro.

Jorge Monteiro esklarese tan, PNTL nudar instituisaun Estado hanesan instrumentu ba asuntu seguransa interna. PNTL hala’o nia kna’ar tuir mandatu Konstituisaun RDTL artigu 147 alinea 1 too 3, no halo nia servisu especialmente ba servisu investigasaun kriminal  iha nasional no municipiu tuir lei ne’ebe prevê iha kodigo prosesu penal no kodigu penal TL.

Jorge Monteiro argumenta, los duni katak, liafuan trata, tolok no insultus la’os krime, maibe iha parte ida bele hamosu krime.

Entretantu, foin lalais ne’e PNSIK halo ona identifikasaun ba sidadaun nain tolu ne’ebe diskonfia halo publikasaun iha media social hodi defama lider nasional sira. Daudaun ne’e PNSIK identifika  sidadaun timoroan hamutuk nain 11 ne’ebe halo defamasaun hasoru lider nasional sira no nain 3 sei submete ba ministeriu publiku. Mia

Add to Comments Here!!!!

error: Content is protected.
Secured By miniOrange
You might also like:
TL Kondekora Kapolda ho BNN NTT

Estadu Timor Leste (TL), kondekora medalia...

MS sei re-estrutura kargu xefia saúde iha Munisipiu

Ministeriu  Saúde ( MS) , sei ...

PR Lú Olo: Atitude PNTL sai sasukat ba povu

Prezidente Repúblika (PR), Francisco Guterres ‘Lú...

Close