JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deolindo dos Santos: PR apoiu halo mudansa iha tribunal distrital sira

Deolindo dos Santos: PR apoiu halo mudansa iha tribunal distrital sira

Prezidente Tribunal Rekursu (TR), Deolindo dos Santos, hateten, Prezidente Repúblika (PR), Francisco Guterres ‘Lú Olo’, apoiu planu TR ninian atu halo mudansa ba Tribunal Distrital Díli (TDD) no Tribunal Distrital sira seluk, atu nune’e prosesu julgamentu iha Tribunal Distrital sira bele la’o ho diak liu tan.

“PR ninia ponto de vista fó apoiu tomak ba prosesu ne’ebé maka iha, ne’ebé prosesu ne’e sei la’o ho ninia prosesu rasik, tanba ita hatene katak ita labele muda imediata ohin, tanba ida ne’e presiza prosesu ida ne’ebé sei la’o no PR fó apoiu tomak no nia sei akompaña halo nusa maka buat ne’e bele konkretiza. Tanba iha TDD no tribunal distrital sira seluk kondisaun servisu ne’e la favorese ona, liu-liu TDD, tanba fatin julgamentu ne’e laiha kondisaun ona para juis sira halo servisu ho diak no atu bele dudu julgamentu ne’e ho lais, tanba espasu ne’e rasik la permiti, quer dizer laiha kondisaun ona,” Prezidente TR ba jornalista sira hafoin remata enkontru ho PR Lú Olo, iha Palasiu Prezidensial, Bairo Píte, Díli, Segunda (09-04-2018).

Nia akresenta, tuir PR ninia hanoin planu ne’e bele dudu lais liu tan, para bele ganrante justisa ne’ebé diak liu tan ba sidadaun sira. Tanba ida ne’e maka TR planu hela oinsa maka bele hari’i TDD iha tempu badak nia laran.

“Ha’u hato’o mós ba PR halo nusa maka iha tempu badak nia laran bele haree para atu bele halo mudansa balun iha tribunal distrital sira no iha TR rasik para bele halo justisa ne’e bele la’o ho diak no ho lais liu tan. Klaru katak presiza iha mudansa balun iha tribunal distrital sira no iha TR rasik,” haktuir Deolindo dos Santos.

Lee hotu :   LERE: VETERANU BARAK SEI MORIS SUSAR

Nia esplika, presiza kria mós kondisaun ba juis, ofisial no funsionariu sira iha tribunal distrital, atu bele servisu, alende mós haree depois de inspeksaun hotu ba tribunal sira ne’e, presiza iha mós mundansa balun kona-bá juis sira.

“Presiza iha kondisaun ida ne’ebé que diak ba juis sira atu servisu, ita presiza avansa atu hamosu fatin servisu foun ba juis sira iha TR, ho kazu ida ne’e ita hanoin ona katak iha posibilidade atu haree ba konstrusaun supremu tribunal ou TR ninian iha futuru no hanoin katak presiza iha mós promosaun ou mudansa balun ba juis sira ne’ebé iha TR iha futuru, mais ida ne’e só depois inspesaun ne’e konklui ona maka sei bele haree kona-bá ida ne’e,” hatutan Prezidente TR ne’e.

Entretantu dau-daun ne’e espasu sala julgamentu haat (4) no juis ne’ebé maka TDD iha la sufisiente atu responde prosesu julgamentu kazu sira ho diak. ves

 

Add to Comments Here!!!!

error: Content is protected.
Secured By miniOrange
You might also like:
Mosu iregularidade barak, AMP sei tau matan maka’as ba servisu STAE

Prezidenti Aliansa Mudansa ba Progresu (AMP),...

Ohin kampaña eleitoral, PNTL ho F-FDTL prontu fó seguransa

Atividade kampaña eleitoral ba eleisaun antesipada,...

Na Ponta de Língua GMNTV Eds.06

Close