JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu kontentor sia, PGR seidauk simu resposta husi TR

Kazu kontentor sia, PGR seidauk simu resposta husi TR

Prokurador Geral República (PGR), José da Costa Ximenes hateten, to’o agora Ministériu Públiku (MP) seidauk simu resposta husi Tribunal Rekursu (TR), kona-bá insatisfasaun MP ba desizaun TR ne’ebé fó pena aprezentasaun periódika ba suspeitu sira kona-bá kazu hatama droga hamutuk kontentor sia (9) liu husi Portu Díli.   

“Ami halo tiha ona rekursu dezde dia 9 Marsu ba TR, ami mós husu ona alterasaun medida koasaun depois de arguidu ne’ebé hala’i, para altera arguidu sira seluk ninia medida koasaun ne’ebé aplika, maibé to’o ohin loron ami seidauk hetan desizaun husi TR, mais pelumenus ida ne’e maka atuasaun MP, ne’ebé que ami halo ona,” PGR ba jornalista sira hafoin remata enkontru semanal ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Tersa (03-04-2018), hodi informa situasaun kriminalidade, funsionamentu PGR no MP iha teritoriu tomak ba PR.

Nia esplika, MP ninia rekursu ne’e primeiru la konkorda ho desizaun ne’ebé primeira instansia halo hodi aprezenta periodika ba suspeitu kazu kontentor sia (9), tanba ema estranjeiru laiha rezidensia permanente iha Timor-Leste no nia hela iha ne’ebé maka nia tenki halo aprezentasaun periodika.

“Kona-bá kontentor sia (9), hanesan ita boot sira hatene katak, arguidu prinsipal ida hala’i sai husi Timor no ita boot sira hatene uluk ha’u fó ona informasaun katak MP ninia pozisaun la konkorda ho desizaun tribunal ninian kona-bá aplikasaun medida koasaun, tanba ne’e primeiru ita husu altera medida koasaun, segundu halo kapturasaun ba arguidu ne’ebé hala’i, para fila-fali mai submete ba investigasaun iha Timor-Leste, porque akontesimentu ne’e iha Timor-Leste,” hateten José Ximenes.

Lee hotu :   PNTL kaptura joven nain rua lori rama ambon ■Povu kontinua la hakmatek

Nia akresenta, iha loron hira ba kotuk ne’e MP halo ona rekursu ba TR no iha periode rekursu nia laran, arguidu ho inisial MK husi Indonesia hala’i sai husi Timor-Leste iha inisiu fulan marsu ne’e, tanba ne’e MP servisu hamutuk ho PNTL sei halo kontaktu ho Indonesia para lori fila arguidu refere.

Iha loron 27 Janeiru, Servisu Investigasaun Kriminal submete primeiru interogativu iha Tribunal Distrital Díli, ikus mai aplika Termu Identidade Rezidensia (TIR) ba suspeitu sira husi Indonesia no aprezentasaun periodika ba suspeitu nain tolu (3) husi Timor-Leste. Ikus mai suspeitu prinsipal ho naran inisial MK husi Indonesia hala’i sai husi Timor-Leste iha inisiu fulan Marsu ne’e. Ves

Add to Comments Here!!!!

error: Content is protected.
Secured By miniOrange
You might also like:
Alkatiri optimistA vitoria iha FRETILIN

Sekretario Jeral Partidu FRETILIN, Mari Alkatiri,...

TR fo sai numeru sorteiu parpol kompete iha EA

Tersa feira (3/4/2018) ne’e, Tribunal de...

FDD harii hodi responde povu nia halerik

Koligasaun Frenti Dezemvolvimentu Demokratika (FDD) eziste...

Close