JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu kontentor 9, PNTL ho POLRI sei kaptura fuzitivu Muhamad Kamal

Kazu kontentor 9, PNTL ho POLRI sei kaptura fuzitivu Muhamad Kamal

Komandante Jeral Polisia Nasional Timor Leste (PNTL), Komisariu Julio da Costa Hornay, informa katak, PNTL manda ona karta ba Kepala Kepolisian Negara Republik Indonesia (KAPOLRI), hodi servisu hamutuk para kaptura fuzitivu Muhamad Kamal.

“Kazu Muhamad Kamal, ami haruka ona karta ba KAPOLRI atu husu ajuda nafatin para atu bele kaptura tanba dehan tuir informasaun fuzitivu ne’e iha hela Indonesia,” hateten Julio Hornay, ba Jornalista sira iha Kampaun UEP, Bairo Pite, Kinta (05/04/2018).

Posibilidade Muhamad Kamal bele kaptura lori mai Timor, Julio Hornay hatete, ne’e depende apoiu servisu husi KAPOLRI tanba ne’e mak PNTL haruka karta para husu apoiu servisu hamutuk hodi kombate kazu sira ne’e.

Servisu hamutuk PNTL ho KAPOLRI ne’e liu husi asina Memorandum Off Understanding (MoU)  entre PNTL ho Polisi Repulik Indonesia (POLRI), iha tinan 2009 to’o mai agora, oinsa   servisu apoiu ba malu hodi prevene no kombate  kazu narkoba, ne´ebé karik tama mai iha Timor-Leste ka Timor-Leste liu ba Indonesia.

Kazu kontentor 9 diskonfia aimoruk droga Paracetamol  Caffeine Carisopodrol (PCC) ne´ebé  mak Unidade Polísia Maritima (UPM), prende iha Portu Díli, Tersa (23/01/18)  maioumenus  tuku tolu loraik.

Unidade Polísia Maritima detein mós ema nain 10,  inklui kapitaun ro ai Berkat Selayang wainhira hasai hela sasan husi kontainer laran atu tula ba ró ai lori liu ba Indonesia, submete ba  prosesu  investigasaun.

Iha loron 24 fulan Janeiru, tinan ne’e, kontentor 9   diskonfia aimoruk droga Paracetamol  Caffeine Carisopodrol (PCC) ne´ebé  mak Unidade Polísia Maritima (UPM), prende iha Portu Díli,  evakua ba Kuartel Jeral (KJ) Polísia Nasionál Timor-Leste (PNTL).

Iha fali  loron  tuir mai, Servisu Investigasaun Kriminal submete  primeiru interogatori,  iha Tribunal  Distrital Díli, aplika  Termu Identidade Rezidensia (TIR) no Aprezentasaun periodika  ba suspeitu Nain Tolu  ne’ebe hatama kontentor 9 diskonfia ho materia Prima Droga.

Lee hotu :   Zero toleransia ba PNTL prátika polítika

Tribunal aplika medida koasaun TIR ho aprezentasaun periodika ba suspeitu nain tolu ho inisail (H),  Muhamad Kamal no (JP), tanba krime tolu ne’ebe Ministeriu Publiku akuza lá priense kriteria, no krimi tolu ne’e mak hanesan brankamentu kapital, asosiasaun kriminozu no kombate trafiku droga.  Maske nune’e, autor prinsipal Muhamad Kamal ba kazu kontentor 9 ne’e halai husi Timor Leste tanba Tribunal aplika TIR. Eus 

 

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-05 Fulan-Abril Tinan-2018

JORNAL NACIONAL GMNTV Loron-04 Fulan-Abril Tinan-2018

JORNAL NACIONAL GMNTV Loron-03 Fulan-Abril Tinan-2018

Close