JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Somotxo entrega proposta promosaun BrigJen ba PR

Somotxo entrega proposta promosaun BrigJen ba PR

Atu subtitui kargu Vise Xefi Estadu Maior Jeneral FALINTIL-Forsa Defeza Timor-Leste (F-FDTL), Brigadeiru Jeneral (BrigJen), Filomeno de Jesus Paixão, horiseik (6/4) Ministru Defeza no Seguransa (MDS), José Agostinho Sequeira ‘Somotxo’ entrega proposta promosaun kargu BrigJen ba Prezidente Repúblika (PR), Francisco Guterres ‘Lú Olo’.

“Ohin (6/4) ha’u mai lori proposta promosaun ba Brigadeiru Jenerais (BrigJen), ba ita nia maluk sira hanesan ofisiais iha F-FDTL, para tempu badak ita promove sira ba Brigadeiru sira hodi responde ita nia seguransa soberania nasaun,” Somotxo ba jornalista sira hafoin remata enkontru mensal ho PR, iha Palasiu Prezidensial, Bairo Píte, Díli, Sesta (06-04-2018).

Nia hatutan, intensaun husi proposta promosaun BrigJen ne’e hodi responde seguransa ne’ebé ohin loron FM eziji.

“Mezmu hanesan ne’e mós hanesan planu estratéjiku dezenvolvimentu F-FDTL, eziji duni para atu halo re-estruturasaun ida, tanba ne’e maka ohin (6/4) ha’u lori ofisiais nain haat (4) nia naran mai para atu halo promosaun ba brigadeiru jenerais,” hateten José Agostinho Sequeira.

Nia relata, kona-bá sira nain haat (4) ne’ebé propoin ba BrigJen, ne’e só PR maka bele fó sai sira-nia naran iha futuru, tanba ida ne’e la’os MDS nia kompetensia.

Entretantu dau-daun ne’e atual Vise Xefi Estadu Maior F-FDTL maka Brigadeiru Jeneral, Filomeno de Jesus Paixão no Xefi Estadu Maior F-FDTL maka, Major Jeneral, Lere Anan Timur.ves

Lee hotu :   Baku oan, inan sai arguida

Add to Comments Here!!!!

error: Content is protected.
Secured By miniOrange
You might also like:
CNE aprova ona kalendáriu ba kampaña, Parpol labele halo asaun solidariedade iha kompaña eleitoral

Comissão Nasional ba Eleisoens (CNE) husu...

Tinan 15 hamutuk iha FRETILIN, Zeto konsidera la iha kaderizasaun ba foinsa’e

Delegadu partidu FRETILIN tinan 15, Zeto...

AMP sei implementa modelu kampaña oin 3

Deputadu bankada CNRT,  Arão Noe, informa,  dadauk ne’e,...

Close