JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hametin paz, Autoridade Suku Madohi realiza diálogu ho KPK

Hametin paz, Autoridade Suku Madohi realiza diálogu ho KPK

Atu hametin paz no estabilidade iha Suku laran, autoridade Suku Madohi realiza diálogu ho Konsellu Polisia Komunitária.

Xefe Suku Madohi, Bernadinho de Cristo Ferreira, informa, atividade ne’e, hetan apoiu finanseiru husi Organização Não Governamental (ONG) BELUN ho montante US$ 790.

“Diálogu ne’e nia objetivu atu halibur ideia ne’ebé sai sasukat hodi bele aplika iha moris komunidade liu-liu haforsa estabilidade iha aldeia suku no nasional, diálogu ne’e sempre hala’o kada tinan ne’ebé antes ne’e hetan apoiu husi Asia Foundation no iha tinan  ne’e hetan apoiu husi ONG BELUN,” hateten Bernadino de Cristo Ferreira ba GMN iha Sede Suku Beto-Timur Tersa (01/05).

Nia hatutan, diálogu ne’e, sira hala’o tinan-tinan ho komunidade para oinsa situasaun iha Suku laran bele hakmatek.

“Kontinua fanun nafatin ita nia komunidade para bele fó informasaun no troka ideias atu hili ideas ne’ebé mak inportansia nu’udar sasukat ida para regulariza ita nia moris nu’udar komunidade inportante liu mak estabilidade Aldea, Suku to’o nasional ne’e bele hakmatek para ema hotu bele la’o ho seguru,”relata Bernadinho.

Iha fatin hanesan Diretor Jeral NGO BELUN, Luis da Costa Ximenes hateten, NGO Belun parseria ho Azia Foundation hodi fasilita finanseiru atu luta ba redusaun konflitu iha komunidade, liu-liu ba aktividade diálogu no estabelesimentu Konsellu Polisia Komunitária iha Suku Madohi, tanba NGO BELUN nia servisu atu haree ba área konflitu nian.

Nune’e mós Segundu Komandante Polisia Nasional Timor Leste Munisipiu Dili, Superintendente Xefi, Euclides Belo  husu ba lideransa local sira atu labele fó informasaun bosok ba polísia, bainhira akontese situasaun ruma iha Suku laran.

Lee hotu :   PNTL aluga kareta 59 asegura EA

Nune’e mós Euclides Belo husu  ba Komunidade Suku Madohi  atu kontinua hametin paz no estabilidade iha tempu  kampaña to’o eleisaun remata.

“Respeita malu nafatin hodi moris iha harmonizasaun nia laran perante festa demokrásia, maske  partidu ketak-ketak, maibé mesak Timoroan,”  Euclides Belo.

Euclides Belo mós apela ba komunidade iha Suku  ne’e katak, iha loron 10 fulan Maiu ne’e, Diocese Dili sei organiza asaun prosesaun ba paz iha kapital Dili. Tanba ne’e Euclides husu ba Konsehlu Polisia Komunitária hamutuk ho Polisia Nasional Timor-Leste atu garante seguransa.

Partisipa iha diálogu ne’e Autoridade lokal, Konsellu Polisia Komunitaria no Komunidade. Diálogu ne’e sei hala’o durante loron ida no treinamentu ba Konsellu polisiamentu komunitária sei hala’o durante loron 3.

Entertantu Suku Madohi  iha total populasaun  hamutuk 15.114, kompostu husi Aldeia 8 mak hanesan, Aldeia Anin Fuic, Beto Tasi, Beto Leste, Sete de Dezembru, Rosario, Terra Santa, Loro-Matan no  Aldeia Naroman.aba

Add to Comments Here!!!!

error: Content is protected.
Secured By miniOrange
You might also like:
Lere husu ema hotu tane as nafatin lider Timor oan

Xefi Estadu Maior jeneral FALINTIL-Força Defesa...

Lere rekoñese nia oan Boby sala ■ Oknum PNTL lori duni kilat iha kareta laran

Xefe Estadu Maior Forsa Armadas FALINTIL...

PNTL Lautem hapara Naimori, Hornay: La´os orientasaun husi Alkatiri-Somotxo

Komandante Jeral Polísia Nasionál Timor-Leste (PNTL),...

Close