JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu ema hurlele Oecusse-oan, PDHJ eziji mandadu kapturasaun Tribunal

Kazu ema hurlele Oecusse-oan, PDHJ eziji mandadu kapturasaun Tribunal

Provedor ba Provedoria dos Direitos Humanos e Justiça (PDHJ),  Silveiro Baptista Pinto, eziji ba Ministériu Públiku atu hato´o lalais pedidu ba Tribunal hodi hasai mandadu kapturasaun ba suspeitu sira ne’ebé hurlele labarik Oecusse-oan sira foin lalais iha Raikotu-Dili.

Provedor PDHJ, Silveiro Baptista Pinto, mos kondena aktu kriminal  ne´ebé komete husi individu hirak ne’ebé laiha responsabilidade halo agresaun fíziku hasoru labarik minoridade Oecusse-oan sira iha area Escola São Miguel-Dili foin lalais ne´e.

“Ha´u mós  komunika ona segundu Komandante PNTL Munisípiu Díli Euclides Belo, ohin (Horiseik) ami koalia, nia hateten dehan, sira hein hela mandadu kapturasaun husi Tribunal, PDHJ nia kna´ar atu buka  koopera ho entidade Polísia inklui mós  ita-nia Ministériu Públiku atu hato’o lalais ba Tribunal para  hasai lalais mandadu kapturasaun,“tenik Silveiro Baptista Pinto.

Nia  hatutan,  Polísia maske notifika ona autor sira  ne´e, maibe sira labele halo kapturasaun direta, ténki ho mandadu kapturasaun. “Se  sira ba kaptura direta mós, Polísia bele halo fali violasaun direitus humanus, tanba kontra  regras  prosesual liu-liu kódigu prosesu penal,”dehan Silveiro.

Relasiona   ho kazu agresaun fíziku  hasoru labarik  minoridade ne´e,  PDHJ  ho Komisaun Direitu ba Labarik  nia  ofisiais  nain hat  tun kedas  iha  fatin akontesimentu hasoru malu  ho sasin sira ne´e, maibe infelizmente la konsege hasoru labarik nain hat ne´ebé sai vítima, tanba sira hala´o hela atividade  fan pentolan no sira-nia patraun mos la hanesan.

“Ami  hasoru mak sasin, sasin sira  hateten  katak, autor  ne´ebé mak halo agresaun halo asaun violensia ka aktus  krimi hasoru alin  nain hat, sasin sira  hatene tanba  hanesan familia viziñu, no tuir sasin sira  haktuir, ema la´os Oecusse oan,  pergunta  ne´ebé mak autor sira halo ba alin nain hat ne´e pergunta ligadu ba rezultadu eleisaun  ne´ebé mak akontese iha rejiaun Oecusse,“dehan  Silveiro Baptista Pinto.

Ho akontesimentu ne´e, Silveiro Baptista Pinto, konsidera  krimi duni, tamba akontese violasaun direitus  humanus, liu-liu autor tuir sasin nia deklarasaun, nia la´os  entidade públiku.

Lee hotu :   PGR: KAZU EMILIA KONTINUA IHA REKURSU

“Se  autor  ne´ebé halo krimi hasoru alin sira  ne´e mak entidade  públiku, ho motivasaun  politika hanesan ne´e, klaru  ne´e violasaun direitus humanus, mas kuandu  autor ne´e entidade sivil ne´e krimi oridinaria, krimi bain-bain, se krimi bain-bain kompetensia ba Polísia ho Ministériu Públiku nian hodi halo prosesa,“dehan Silveiro Baptista Pinto.

Alende  ne´e, Komandante Jerál PNTL Komsiariu Julio Hornay, hateten,  autor  nain tolu mak servisu Polísia investigasaun identifika  ona hodi halo kapturasaun.

“Kazu ne´e rejista ona iha Ministériu Públiku ita-nia investigasaun Munisípiu Díli hein mandadu  kapturasaun   hodi bele  kaptura  suspeitu  ne´e,“dehan Julio Hornay.

Tanba  ne´e mak Julio Hornay  husu ba Timor oan hotu, kuandu mosu  krimi iha ne´ebé de´it, tenki informa lalais ba Polísia.

“Sa  tan  iha Timor  ne´e rai kloot hanesan ne´e, o atu halai  ba  ne´ebé, o atu halai ba estranjeiru mós  loron ida  o sei fila-fali mai. Ne´e mak ha´u  husu ba maluk Timor oan diak liu ses a´an husi aktu ida ne´e hodi nune´e ita bele moris hakmatek hodi hala´o atividade loron nian hodi sustenta  ita-nia moris,“dehan Julio Hornay.

Entretantu kazu  ne´e akontese iha loron 21 fulan Maiu, tinan  ne´e, iha área Escola Saõ Miguel-Dili, deskonfia militante partidu FRETILIN balun mak halo agresaun fíziku hasoru labarik Oecusse-oan sira, wainhira faan hela pentolan.avi

Add to Comments Here!!!!

error: Content is protected.
Secured By miniOrange
You might also like:
SEJT sei limita traballador estranjeiru ■Nain 3.158 mak servisu iha TL

Sekretáriu Estadu Juventude no Traballu (SEJT),...

Mari Alkatiri: FRETILIN sei la mobiliza militantes hamonu Governu

Sekretáriu Jeral Partidu FRETILIN, Mari Alkatiri,...

Jornal Semanário GMNTV Edisaun 20 Maiu 2018

Close