JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere rekomenda ba MDS foun hadia F-FDTL  Fo lovour boot ba povu tomak

Lere rekomenda ba MDS foun hadia F-FDTL 	Fo lovour boot ba povu tomak

Xefe Estadu Maior Jeneral FALINTIL–Forsa Defeza Timor Leste (F-FDTL), Major Jeneral Lere Anan Timur, husu ba Ministru Defeza foun, atu tua matan ba nesesidades F-FDTL nian, inklui hadia infra-estrutura F-FDTL. 

“Ministru Defeza ida ne’ebe mak mai, tenke servisu ho ami lor-loron, saida mak ami presiza,”  hateten Major Jeneral Lere Anan Timur, liu husi komfrensia imprensa ne’ebe mak hala’o iha salaun enkontru Kuartel Jeneral F-FDTL, Fatuhada-Dili, Kinta (17/5/2018).

Lere Anan Timur fo exemplu, karik kareta la iha haruka bataliaun ida ba iha fronteira ne’eba atu sae seida, la’o deit, la’o bele mais sei lori tempu.

Preokupasaun seluk ne’ebe mak Lere aposta mak farda laiha, uluk iha ai-laran uza farda kamiza ho kalsa hakerek lia fuan Xina, agor forsa armadas nasaun ida ninian no veteranus barak kontinua ativu hodi estabiliza instituisaun ida ne’e.

“Ha’u preokupa ho Veteranus sira ne’ebe que sei hamutuk iha Instituisaun ida ne’e, misaun ida kumpri tiha ona susesu to’o independensia, agora kumpri tán misaun ida nudar lutu ba nasaun, maibe labele iha injustisa iha militar nia laran,”afirma Lere Anan Timur.

“Ha’u apela ba lideransa sira forsa armadas ho polisia la presiza louvores ou parabens husi imi, presiza mak kondisoens hodi servisu, la’os eleisaun hotu gava polisia tantu militar nia misaun imi fó parabens, enkuantu meius laiha, kareta la iha no buat hotu-hotu la iha,”  hateten Lere Anan Timur.

Lere Anan Timur esplika misaun iha ema nai rai buat seluk hein loron, fulan simu osan fila ona, komportamentu barak tantu polisia, militar biar situasaun defisil, biar osan laiha, más kumpri orden nafatin nudar militar no nudar polisia.

Lee hotu :   SISTEMA JUDISIÁRIU TL LA’O LA TUIR KONSTITUISAUN

 “Governu foun ne’ebe mai, ami la presija imi nia louvores, obrigado ba, obrigado mai, ami presiza mak imi nia preokupasaun, moris instituisaun ninian i moris mos familia ninian. Ita la bele haree deit ba instituisaun taka matan ba familia, tanba rua ne’e kompleta mak kumpri idak-idak nia misaun,” afirma Xefe Estadu Maior Jeneral F-FDTL.

Lere Anan Timur kompara tempu uluk iha ai-laran palavra de orden ne’e funsiona loron, kalan, mate – mate ona preokupa tán bá sé, kanek, kanek ona preokupa tan sé, ohin loron laiha ne’e mak ukun nain sira tenke hanoin.

Fo lovour boot ba povu

Liu husi konferensia imprensa ne’e, Major Jeneral Lere Anan Timur ho Komandante Jeral Polisia Nasional Timor Leste (PNTL), Komisariu Julio da Costa Hornay, hato’o sira nia gradesimentu no louvor boot ba povu Timor Leste ne’ebe hatudu sira nia matoridade durante periodu kampaña to’o eleisaun antisipada, foin lalais ne’e.

            Lere ho Julio Hornay, kontinua apela ba povu tomak, liu-liu jovens hotu atu kontinua rona malu no mantein paz iha ida-idak nia bairo laran.

“Susesu bo’ot ne’e la’os monu tun husi Lalehan, maibe susesu bo’ot ne’e povu Timor Leste tomak nian, ne’ebe sei hakerek iha ita nia historia rasik, nune’e ita nia oan, béi-oan sira sei hatene rekoñese, la’os ita deit maibe, mundu tomak mos rekoñese Timor oan nia matenek hodi haburas no tau pratika lala’ok demokrasia nian,” afirma Komisariu Julio Hornay.

Julio Hornay dehan, PNTL ho F-FDTL ne’ebe iha responsabilidade maximu hodi asegura eleisaun antesipada ida ne’e, hato’o parabens no agradesementu bo’ot ba povu doben Timor Leste tomak, liu-liu oan joven tomak ne’e namkari iha teritoriu Timor laran tomak. Inklui Veteranus tomak, liders religiaun hotu, autoridade lokais, organizasoins artemarsiais no arte kultura sira no seluk-seluk tan ba maturidade politik ne’ebe mak imi hatudu, kontribui tebes ba establidade dame no paz.

Lee hotu :   Kazu viatura MOPTC, Diogo: ”ha’u asina dokumentus, maibe viatura la entrega ba ha’u”

 “Ha’u lori instituisaun F-FDTL nia naran fo paranbens ba ita nia povu Timor Leste tomak, parabens ba partidu politikus, liu-liu ba partidu vensidor eleisaun antesipada ida ne’e, dala ida tan povu Timor Leste hatudu nia maturidade politika tantu ba mos internasional,” hateten Major Jeneral Lere Anan Timur.

Lere Anan Timur iha konfiansa tomak lider historiku sira ne’ebe uluk ona komanda funu mai to’o agora hodi sira nia konsensu no komprendesaun, sira nia koperasaun sei lori Oitavu Governu Konstitusional iha tinan lima nia laran. Eus

 

Add to Comments Here!!!!

error: Content is protected.
Secured By miniOrange
You might also like:
Governu husu povu hapara konsume mizone-rabisadu

Governu Vise Ministro Comercio Industria e...

Komisaun Permanente kontinua lafunsiona hafoin EA

Komisaun Permanente (KP) iha Parlamentu Nasionál...

Aniceto Guterres prefere V lejislatura ezisti lalais

Prezidente Parlamentu Nasional (PN), Aniceto Guterres...

Close