JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MP akuza eis SEAK Isabel Ximenes ba krime 3  Bele hetan pena todan

MP akuza eis SEAK Isabel Ximenes ba krime 3  	Bele hetan pena todan

Tribunal Distrital Dili (TDD) iha Kuarta (23/5) hala’o julgamentu dahuluk ba arguida eis Sekretaria Estado Arte no Kultura (SEAK) iha kintu Governu, Maria Isabel de Jesus, tanba deskunfia uza osan ba aktividade espozisaun Koreia ho montante $600,000.00 la tuir regras.

Ho arguida ninia hahalok ne’e mak Ministeriu Públiku akuza arguida ba krime pekulatu artigu 295, krime administrasaun neglijente artigu 275 no krime abuzu poder artigu 297 husi kodigu penal Timor-Leste.

Ministeriu Públiku mos husu ba Tribunal atu arguida selu indeminizasaun ba Estado ho valor $57,268.19.

Iha livru kodigu penal Timor-Leste konaba krime pekulatu artigu 295 alinea (1) hatete, funsionariu ne’ebe, hasoru lei, halo ninia ka halo ema seluk nia osan ka koiza movel, publiku ka partikular, ne’ebe entrega ba nia ka tama iha nia liman ka nia bele kaer tanba nia funsaun, sei hetan pena prizaun tinan 3 to’o tinan 10, kuandu dispozisaun legál seluk la haruka aplika pena todan liu. (2) Funsionariu ne’ebe empresta, empeña ka oin naran ida, onera valor ka objetu ne’ebe numeru anterior temi sei hetan pena prizaun to’o tinan 3 ka multa, kuandu dispozisaun legal seluk la haruka aplika pena todan. (3) Kuandu osan ka koiza movel sira ne’ebe numeru anterior sira temi iha valor aas liu dolar amerikanu 5.000 sei aplika pena prizaun tinan 4 to’o tinan 12 ka tinan 2 to’o tinan 5, respetivamente.

Iha artigu 275 konaba krime administrasaun neglijente hatete, ema ne’ebe, iha kondisaun deskrita iha numeru anterior, hamosu danu patrimonial tanba nia la aktua ho kuidadu ne’ebe tuir sirkuntansia ne’ebe haleu nia hahalok no nudar nia bele, nia iha obrigasaun atu uza, sei hetan pena prizaun to’o tinan 1 ka multa.

Iha artigu 297 konaba abuzu poder hatete, funsionariu ne’ebe abuzu poder ka viola obrigasaun, ne’ebe mai husi funsaun ne’ebe nia kaer, atu hetan benefisiu ba nia an ka ba ema seluk ka hamosu prejuizu ba ema seluk sei hetan pena prizaun tinan 1 to’o tinan 4, kuandu dispozisaun legal seluk la haruka aplika pena todan liu.

Tuir akuzasaun husi Ministeriu Públiku (MP) ne’ebe le sai husi juiza prezidente katak, iha tinan 2012 arguida hetan nomeisaun husi eis Ministru Turismu Komersiu Industria no Ambiente (MTCIA) Gil Alves hanesan komisariadu hodi halo preparasaun ba tuir espozisaun iha Koreia.

Lee hotu :   PNTL unidade transitu halo "Check Point"

Iha aktividade ne’e MTCIA aloka osan $600,000.00 no aloka tan $ 47,5000.00 ba instalasaun nian, maibe arguida uza fali osan ne’e hodi sosa kareta ho marka Hyundai, ne’ebe uza plat privadu no para deit iha nia uma, kareta ne’e mos sosa halo ajudikasaun direta sein liu husi tenderizasaun, depois arguidu mos transfere tan osan ho $22,755.00  no to’o agora osan ne’e sei nafatin iha arguida nia konta bankaria.

Nune’e mos arguida hatama nia oan Gregorio nia naran ba ekipa atu aranka ba Koreia, maibe realidade Gregorio simu tiha osan la ba Koreia. Iha mos ema nain haat ne’ebe mak hetan tiha MOP atu aranka ba Koreia maibe la ba, arguida la husu fila fali osan ne’ebe sira hetan ona.

Arguida mos hola  produtu lokal iha Timor kontentor ida ho valor $ 2.989,40 atu lori ba Koreia hodi tau iha espozisaun refere, maibe bainhira to’o iha Koreia kontentor ne’e labele hatun tanba la kumpri dokumentus balun, entaun Estado Timor-Leste tenki multa tan $5.470,62, tanba para kleur iha portu Koreia nian.

Hatan ba akuzasaun ne’e, arguida Isabel rekuñese sosa duni kareta husi osan espozisaun ne’e la liu husi tenderizasaun, tanba nia lahatene prosesu aprovizionamentu no kareta ne’e nia sosa atu fasilita komisariadu nia servisu hodi halo preparasaun ba aktividade espozisaun ne’e.

No osan  ne’ebe nia transfere ba nia konta privadu ne’e inisiativa husi nia rasik no osan refere, to’o agora iha hela nia konta bankaria no nia foin intrega kuandu desizaun ba kazu ne’e transitu em julgadu ona.

Arguida hatete, durante nia asumi kargu hanesan komisariadu nia nunka halo diskusaun ho funsionariu sira seluk inklui Ministru, nia halo desizaun ho nia inisiativa rasik inklui desizaun sosa kareta, transfere osan no sira seluk.

Lee hotu :   Nivio Magalhães: Timor oan 474 servisu ilegal iha Korea

Audensia julgamentu ne’e prejidi husi juiz koletivu, Francisca Martins, José Maria de Araújo ho Maria Solana, Ministeriu Publiku reprezenta husi prokurador Jacinto Babo arguida Isabel hetan asistensia legal husi defensor públiku Rui Guterres. nia

Add to Comments Here!!!!

error: Content is protected.
Secured By miniOrange
You might also like:
Tribunal Rekursu rezeita rekursu husi partidu FRETILIN

Tribunal Rekursu (TR) deside rezeita rekursu...

Universidade Texas-EUA sei hala’o kooperasaun ho UNTL

Reitor Universidade Nasional Timor Lorosa’e (UNTL),...

Deputadu IV lejislatura hahú hamamuk fatin

Deputadu IV lejislatura ne’ebé kompostu husi...

Close