JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR proklama rezultadu EA  AMP sai vensedor tuir FRETILIN

TR proklama rezultadu EA 	AMP sai vensedor tuir FRETILIN

Tribunal de Recurso (TR) proklama rezultadu eleisaun antesipada tinan 2018 hodi legaliza koligasaun Aliansa Mudansa ba Progresu (AMP) sai vensedor ho votus eleitores 309,763 (49,6%) hodi hetan kadeira 34 iha Parlamentu Nasional.

Tuir kedas partidu historiku FRETILIN ho votus eleitores 203.324 (34,2%) hodi hetan kadeira 23, Partidu Demokrátiku (PD) ho votus eleitores 50.360 (8,1%) hodi hetan kadeira 5 no ikus liu mak koligasaun Frente Dezenvolvimentu Demokrátiku (FDD) ho votus eleitores 34.301 (5,5%)  hodi hetan kadeira 3.

“Ida ne’e mak desizaun Tribunal Rekursu nian kona ba eleisaun antesipada ne’ebe halao iha loron 12 fulan Maio ne’e, hafoin ne’e ami sei notifika reprezentante partidu politika sira, depois sei publika iha Jornal da Repúbliku,’’dehan prezidente TR, Deolindo dos Santos liu husi konferensia imprensa, ne’ebe halao iha Segunda (28/05) iha edifisiu TR Caicoli.

Alende ne’e Partidu Esperansa da Patria (PEP)  ho votus eleitores 5.600 (0,28%), koligasaun Movimentu Sosial Demokrata (MSD) ho votus eleitores 3.188 (0,5%), Movimentu Dezenvolvimentu Nasional  (MDN) ho votus eleitores 4.494 (0,7%).

Deolindo afirma, servisu Tribunal Rekursu nia hotu ona iha proklama eleisaun ne’e, asuntu tuir mai kona ba eleisaun antesipada laos ona kompotensia TR nian, maibe kompotensia orgaun soberania sira seluk fali.

Deolindo mos agradese ba CNE ho STAE no partidu politika sira ne’ebe durante ne’e fo apoiu ba TR, hodi fasilita kompleta TR nia servisu to’o ikus mai fo sai rezultadu eleisaun antesipada.

Iha fatin hanesan vise prezidente Comisaun Politika Nasional (CPN) AMP, Fidelis Magalhães afirma AMP prontu funsiona makina Governu iha rai ne’e, tanba AMP iha kampanha kedas mai ho nia programa .

Lee hotu :   DEPUTADU III LEJISLATURA BALUN SEIDAUK ENTREGA KARETA, MUTL AKUZA DEPUTADU SIRA BOSOK POVU

“Rezultadu ne’e hatudu povu konsidera AMP nia programa mak diak liu, Governu minoria uluk nia la pasa ne’e signifika povu la fiar,’’ koalia Fidelis

Tan ne’e AMP sei esforsu konkritiza nia programa ne’ebe fo sai iha kampanha. Hafoin rezultadu ne’e planu AMP nian ba oin atu forma Governu, Fidelis lakohi fo komentariu. Tuir nia, sira nia prezidente AMP Kay Rala Xanana Gusmão mak bele koalia. Maibe sira sei lao tuir dalan ne’ebe preve iha konstuituisaun RDTL.

FRETILIN simu rezultadu EA

Mandatária legal husi partidu FRETILIN, Joana Maria Dulce hateten partidu FRETILIN kontinua respeita hodi obdese ba lei liu-liu ba rezultadu eleisaun antesipada ne’ebe Tribunal de Recurso (TR) proklama, maske antes ne’e FRETILIN hatama rekursu ne’ebe la satisfas ho rezultadu eleisaun antesipada liu-liu rezultadu husi Munisipiu Bobonaro no Oecuse.

“FRETILIN konsidera tanba ne’e ultimu anunsiu ne’ebe valida husi TR, nune’e tenki rekoñese no obedese tanba validasaun ne’ebe TR foti tuir lei ne’ebe iha. FRETILIN tenki forte atu bele aseita no kontenti maske ami la sai vensedor, maibe lakon ho dignu no tasa partisipasaun husi militante FRETILIN a’as nune’e mak numeru ne’ebe ami hetan iha tinan kotuk nafatin ho kadeira 23,”informa Joana Maria Dulce, ba jornalista sira, hafoin partisipa proklamasuan rezultadu eleisaun antesipada tinan 2018, iha Tribunal de Recurso Caicoli-Dili, Segunda, (28/5/2018).

Ba oin FRETILIN sei sai hanesan opozisaun ne’ebe forte iha Parlamentu Nasional (PN), hodi bele kopera hamutuk ho Prezidente da Repúblika tuir konsiensia politika ne’ebe diak hodi responde ba komprimisiu ne’ebe halo iha kampanha laran maske la sai vensedor.

“Agradese ba militantes ne’ebe fo ona votus ba partidu FRETILIN, maske la vense, maibe ami promete nafatin hodi kontinua luta atu  bele sai vensedor iha tinan 2023,”dehan Joana.

Lee hotu :   Kontra desizaun PR Lú Olo, "Melio hatama karta ba PDHJ"

Nia husu ba militante partidu FRETILIN atu labele triste tanba FRETILIN lakon maibe lakon ho dignu, tanba partidu ida deit labele manan partidu tolu. Nia/Ita

Add to Comments Here!!!!

error: Content is protected.
Secured By miniOrange
You might also like:
City Fetures GMNTV Edisaun 10

PDHJ halo asaun karidade ba prizoneiru feto iha Gleno

Provedoria Direitu Humanu no Justisa (PDHJ)...

Instabilidade impede prosesu dezenvolvimentu

Komandante Jeral Polisia Nasional Timor-Leste (PNTL),...

Close