JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fen laen dada malu ba tribunal tanba telefone lakon

Fen laen dada malu ba tribunal tanba telefone lakon

Arguidu inisial PL no nia fen lezada JX tenki ba hatan iha tribunal tanba arguidu halo agresaun fiziku hasoru lezada tanba deit lezada nia telfone ne’ebe lakon.

Tuir akuzasaun husi ministeriu pubiku ne’ebe lee sai husi juiz prezide katak arguidu ho lezada moris hamutuk hanesan fen ho laen desde tinan 2006 no iha oan nain tolu, maibe iha loron 9 fulan novembru tinan 2017 maius ou menus tuku 12:00 meiudia iha sira nia hela fatin Beto Barat lezada buka nia telfone ho marka zilkom ne’ebe lakon no husu ba arguidu maibe arguidu hatan katak nia la hetan, husi ne’e mosu diskusaun entre arguidu ho lezada no ikus mai arguidu basa dala rua iha lezada nia hasan parte los no karuk no kontinua kaer lezada nia fuk hodi dada halo lezada monu ba kotuk.

Konsekuensia husi arguidu nia hahalok, kauza lezada senti moras iha parte hasan maibe la halo tratamentu.

Ho hahalok arguidu ministeriu publiku akuza arguidu ba pratika krime violensia domestika tuir artigu 3, 35 husi lei no 7/2010 ho forma ofensas integridade fizika simples ne’ebe previstu iha artigu 145 husi kodigu penal TL.

Hatan ba akuzasaun ne’e, arguidu rekoñese faktus los hotu, maibe razaun arguidu baku lezada tanba lezada les hotu dokumentus sira nia kareta nian no atu les ijazah arguidu, tanba ne’e arguidu nervozu hodi basa lezada.

Iha fatin hanesan lezada haforsa akuzasaun ne’ebe iha hodi deklara katak arguidu basa dunik lezada dala rua iha parte hasan los no karuk, maibe problema ne’e rejolve ona entre familia no daudaun ne’e arguidu ho lezada kontinua moris hamutuk hanesan fen ho laen.

Lee hotu :   Atu tuir julgamentu iha Baucau, PN hasa’i Imunidade deputadu Antonio da Conceição

Hafoin rona parte hotu tribunal submete ba alegasaun nune’e iha alegasaun ministeriu publiku husu ba tribunal atu aplika pena admoestrasaun.

Entertantu parte defeza husu justisa, tanba arguidu konfesa imparsialmente faktus ne’ebe iha.

Hafoin alegasaun juiz prosesu adia julgamentu ba loron 12 fulan junhu tinan 2018 tuku 17:00 lokraik.

Audensia julgamentu prezide husi juiz singular José Maria, ministeriu publiku reprezenta husi prokurador Nelson Carvalho, arguidu hetan asistesia legal husi defensor publiku Cancio Xavier. Ita

Add to Comments Here!!!!

error: Content is protected.
Secured By miniOrange
You might also like:
GMN CUP

Prezidente Grupo Média Nacional ( GMN)...

Isabel Ferreira husu inan aman labele abandona oan sira

Fundadora Casa Sidadania Isabel Ferreira husu...

Dom. Virgílio do Carmo: Loron Corpo de Deus hafoun sarani nia konsiensia ba eukaristia

Bispu Dioseze Dili Dom. Virgílio do...

Close