JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TAU NARAN FOUN BA RO NRTL DEPENDE VIII GOVERNU

TAU NARAN FOUN BA RO NRTL DEPENDE VIII GOVERNU

Ministru Defeza no Seguransa, José Agustinho Sequeira `Somotxo`, hateten, tau naran foun ba Ro NRTL ne’ebé antes ne’e naran Kay Rala Xanana apaga ho tinta metan, depende ba VIII Governu nia desizaun.  

“Atu tau naran foun ba Ro NRTL Unidade Polísia Marítima (UPM) ne´e depende ba Governu foun mai. Ha´u la´os koalia tan ida ne´e, tanba uluk  kedas ne´e la´os kazu foun, maibe naran iha ne´eba hela seidauk apaga ida,“esplika Ministru Defeza  no Seguransa  José Agustinho Sequira` Somotxo` ba   jornalista sira Segunda (18/06/18) iha edifisiu Ministériu Defeza Seguransa Vila-Verde, Díli.

Hatan pergunta jornalista kona-ba Ro NRTL hakerek naran Kay Rala Xanana hamos ho tinta metan hotu? Somotxo responde, ne´e  hanesan desizaun ne´ebé mak sai ona  la´os atualizadu. “Hamos naran ne’e husi Estadu ka Governu iha   ne´ebé  la´os Ministériu Defeza no Segransa mak desidi, hamos naran ne’e,”dehan Somotxo tan.

Antes ne´e mós  Somotxo dehan, hamos naran Ro NRTL  Kay Rala Xanana, ne´e la´os  pekadu. “Ne’e  depende ba Governu nia desizaun ne´ebé  ita atu  koalia  tan saida,“dehan Somotxo.

Alende   ne´e, Komandante Jeral  PNTL Komisariu Julio Hornay, hatenen, nia parte laiha kbiit atu koalia kona-ba hamos naran Kay Rala Xanana iha Ro NRTL.

Entretantu   Ro NRTL ba ho  ekipamentu militar kompletu ne´ebé mak oras ne´e para hela iha Portu Unidade Polísia Marítima (UPM) sional oin.

Ro NRTL ne’e hetan oferta husi Governu China, iha Fulan Maiu, tinan ne’e, no sira hanaran Ro ne’e NRTL Kay Rala Xanana. Maibe iha mandate VII Governu, ne’ebé lidera husi Primeiru Ministru, Mari Alkatiri, deside hamos tiha naran Kay Rala Xanana. Nune’e to’o oras ne’e mandatu VII Governu atu remata dadauk ona seidauk iha naran foun ida hodi tau ba Ró NRTL ne’e.avi

Lee hotu :   Kapasita F-FDTL ho PNTL ba proteje FM •Governu seidauk simu relatoriu

Add to Comments Here!!!!

error: Content is protected.
Secured By miniOrange
You might also like:
LAIHA AJENDA, PN SEIDAUK HALO PLENÁRIA

Parlamentu Nasional iha Segunda horseik (18/6/2018),...

Mari Alkatiri: FRETILIN sei tetu hodi aprova orsamentu

Sekretariu Jeral partidu FRETILIN, Mari Alkatiri,...

Eleisaun ba kompozisaun PN, Opozisaun ‘walk out’ husi plenaria

Bankada opozisaun kompostu husi bankada FRETILIN,...

Close