JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

HAKARAK KABEN HO MANE IDADE 51, OAN LORI AMAN BA TRIBUNAL

HAKARAK KABEN HO MANE IDADE 51, OAN LORI AMAN BA TRIBUNAL

Lezada ho inisial JM lori nia aman arguidu CS ba tribunal, tanba nia aman la aseita lezada atu kaben ho mane idade 51, tanba iha fen barak no oan iha.

Tuir akuzasaun husi ministeriu publiku ne’ebe lee sai husi juiz prezide katak, arguidu ho lezada hanesan aman no oan rasik no arguidu iha oan feto ida deit mak lezada, maibe iha loron 26 fulan jullu tinan 2017 horas tuku 7:00 dader iha sira nia hela fatin Bebora lezada hetan ameasa husi arguidu katak sei sunu motuk lezada ho uma no arguidu mos basa dala tolu iha lezada nia hasan no kaer lezada nia fuk dudu ba parede.

Razaun arguidu halo agresaun fiziku hasoru lezada ne’e, tanba la aseita lezada atu kontinua namora ho mane ida ho inisial AF ne’ebe idade 51 no iha fen barak inklui oan, tanba lezada rasik foin mak tinan 17.

Konsekuensia husi arguidu nia hahalok, kauza lezada senti moras iha parte hasan no trauma hodi deside ba hela iha uma mahon.

Ho hahalok arguidu ministeriu publiku akuza arguidu hanesan autor ba pratika krime ameasa no ofensas integridade fizika simples ne’ebe previstu iha artigu 145 husi kodigu penal TL.

Hatan ba akuzasaun ne’e arguidu deklara katak desde lezada halo relasaun ho AF lezada nia hahalok muda total no laiha respeita ba inan aman no nunka atu halo servisu uma laran, tanba ne’e arguidu hateten ba lezada kuandu lakoi tein entaun sunu tia dapur ne’e lao’s atu sunu lezada ho dapur.

“Ha’u la aseita nia atu hola mane ne’e tanba hau nia fen kaer toman foto ne’ebe AF haruka ba nia (lezada) telfone ne’ebe hakerek loron no fulan inklui tinan AF moris hamutuk ho nia nune’e ha’u la aseita, maibe wainhira AF iha intensaun atu hola hau nia oan feto entaun bele hasoru ha’u maibe so para atu estraga hau nia oan feto deit ne’e hau lakoi,”deklara arguidu iha sala audensia.

Lee hotu :   Suspeitu uza taxi ilegal tama PP

Iha fatin hanesan, lezada haforsa akuzasaun ne’ebe iha hodi deklara katak antes ne’e arguidu husu ba lezada katak sei kontinua namora ho AF ka lae ona no lezada hatan sei kontinua tanba moris hamutuk ona hanesan fen ho laen.

‘Ha’u deside ba hela iha uma mahon no lakoi fila tanba pai mae sira bolu fali matan dok hodi tempra no suas inkui fo aimoruk mai hau hemu atu hau bele fahe malu ho AF, no husi sira nia hahalok halo hau abortus tia,”deklara lezada.

Alende ne’e lezada nia inan AP fo sasin katak, durante ne’e lao’s lori matan dok maibe lori ema ba reza iha sira nia uma atu nune’e bele fo tulun ba lezada ne’ebe lao sala ona dalan e durante lezada hela iha uma mahon AP inklui arguidu ba monu ain ba lezada hodi husu fila ba uma maibe lezada lakoi e dalaruma lezada lakoi hasoru malu ho arguidu no AP.

Hafoin rona parte hotu tribunal submete ba alegasaun no iha alegasaun ministeriu publiku husu ba tribunal mak seside, tanba konaba baku antes ne’e arguidu hetan ona sentensa.

Entertantu parte defeza husu ba tribunal atu absolve arguidu husi krime ne’ebe imputa ba nia, tanba faktus la provadu no arguidu iha direitu atu deside futuru ne’ebe diak ba nia oan lezada ne’ebe sei minoridade.

Hafoin alegasaun juiz prezide marka fali audensia julgamentu ba loron 30 fulan ne’e hodi rona desizaun.

Audensia julgamentu prezide husi juiza singular Jumiaty Freitas, ministeriu publiku reprezenta husi prokurador Reinato Berenahak no arguidu hetan asitensia legal husi advogadu privadu. Ita

Add to Comments Here!!!!

error: Content is protected.
Secured By miniOrange
You might also like:
ADB PRONTU FÓ EMPRESTA OSAN BA TL HO FUNAN KIIK

Asian Development Bank (ADB) prontu apoia...

TRABALHADOR INSPRI SECURITY HALO GREVE

Trabalhador Inspri Security hamutuk nain 26,...

PROGRAMA MTK SEI SEGREDU

VIII Governu Konstitusional ne’ebe lidera husi...

Close