JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KARETA ESTADU SOKE MATE JOVEM 1 NO MOTORIZADA 4 RAHUN

KARETA ESTADU SOKE MATE JOVEM 1 NO MOTORIZADA 4 RAHUN

Kareta Estadu ida ho sapa matríkula 04-464 G, Kuarta (18/7/18), soke mate joven ida (1) mate fatin no motorizada haat (4)  rahun, iha Suku Lauhata, Munisípiu Liquiça. 

Kareta  Estadu ne´e partensia ba Servisu Eletrisidade Munisípiu Liquiça, kondus husi suspeitu ho inisial CG  husi diresaun Liquiça vila atu mai Díli. Kazu refere akontese mais ou menus    tuku 10 OTL.

Suspeitu detein ona iha sela detensaun Liquiça no tuir planu Kuarta (19/07/18) tuku 02 lorokraik OTL, Seksaun Investigasaun rejistu kazu iha Ministériu Publiku iha Díli.

Alende ne´e evidensia   kareta Estadu EDTL no motorizada hat agora asegura ona iha Kuartel PNTL Liquiça.

“Horikalan porvolta tuku 10 akontese  asidente tráfegu  ne´ebé  rezulta vítima  ida mate. Kazu  ne´e akontese iha Suku Lau-Hata. Kondutor  ne´ebé  kondus kareta Estadu nian ho sapa matríkula 04-464 G, kareta  ne´e operasional EDTL nian, kondus  husi suspeitu inisial CG husi Liquiça atu ba Díli  to’o iha Aipelo nia halai ses husi estrada ba soke ema sira tuur iha branda hodi rezulta vítima Luis Gonçalves tinan 27 hetan kanek depois evakua ho Ambulansia, maibe iha dalan la konsege salva to’o nia mate,“esplika  Segundu Komandante PNTL Munisípiu Liquiça  Superintendente Assistente Eduardo Campos, ba GMN Kinta (19/07/18) iha Kuartel PNTL Munisípiu Liquiça.

Eduardo Campos hatutan, tuir  investigasaun preliminaria  ne´ebé mak hala’o husi seksaun investigasaun ba suspeitu  katak suspeitu kondus kareta ho lanu no laiha karta kondusaun. Maibe ne´e  sei prosesu hotu.

Enkuantu kareta Estadu  vidru rahun hotu,  deskonfia  tuda rahun husi parte família matebian tanba família la satisfeitu ho akontesimentu ne´e.

Alende ne´e  família José dos Santos Barreto,  hateten, vítima mate tanba kareta soke nia iha hirus matan makaas depois matebian nia liman karuk tohar, maibe konsege lori  vítima husi fatin akontesimentu atu mai Díli, maibe to’o iha Rai-Metan Tibar vítima hakotu nia iis.

Lee hotu :   Eleisaun antesipada, Seguransa espesiál ba figura históriku sira

“Ne´ebé sira lori mai iha Mortuariu Hospital Nacionál Guido Valadares (HNGV) atu submete ba autopsia,“dehan José dos Santos Barreto.

Tanba  ne´e,  José dos Santos Barreto, ejize suspeitu atu responsabiliza ba  despeza  durante seremonia tomak to’o fúnebre  no hakarak  lori kazu ne´e ba Tribunal.

Entretantu matebian Luis Gonçalves oan husi   Daniel   Gonçalves  Soares   no  Hermiña Soares. Matebian  iha  maun no bin alin  hamutuk nain hat, nia nuudar oan ba dala tolu.

Enkuantu  Luis Gonçalves  matebian nia aman Daniel   Gonçalves  Soares mate tiha ona iha fulan rua liu ba kotuk, no agora hela de´it nia maun ho bin alin nain tolu hamutuk ho nia inan  Hermina Soares mak sei moris hamutuk ho família sira iha Lauhata, Liquiça.avi

 

Add to Comments Here!!!!

error: Content is protected.
Secured By miniOrange
You might also like:
JOAQUIM FONSECA: EMPASE POLÍTIKA LA IMPLIKA KREDIBILIDADE TL IHA MUNDU

Diplomata Timoroan ne'ebe hakn'ar nudar Embaixador...

LAIHA TRANSFORMADOR REZERVA, EDTL HAMATE AHI LORON TOMAK IHA DILI

Komunidade kapital Dili, liu-liu hirak ne’ebe...

KONFERENSIA INTERNASIONAL DDF, HORTA HUSU UKUN NAIN RESPEITA LIBERDADE IMPRENSA

Conselho Imprensa (CI) Timor Leste, Kinta...

Close