KOMANDU F-FDTL SEI FOTI MEDIDA BA PESSOAL ENVOLVE TIRU HASORU BOP

Xefe Estadu Maior Forsas Armadas Brigadeiro Jeneral Falur Rate Laek  deklara, komandu FFDTL sei foti medida forte ba pesoal ne´ebé envolve tiru hasoru pesoal Batalliaun Orden Públika (BOP) iha Postu Administrativu Maliana Munisípiu Bobonaro.

Eis grileiru Falur Rate Laek dekalara asuntu ne’e, hafoin partisipa programa grande entrevista iha estudiu dois GMN, Bebora, Díli, Segunda feira (06/08), Tuku : 21:liu OTL.

Xefe Estadu Maior Forsas Armadas Brigadeiro Jeneral Falur Rate Laek  deklara liu tan instituisaun sei foti medida administrativa no kontinua hein rezultadu investigasaun hodi dezarma no entrega pesoal ne’e ba krimi sivil atu submete ba tribunal.

“Prosesu ne’e tenke tuir prosedimentu ne’ebé mak iha, husi F-FDTL nian, militar mak sala, ami sei foti medida administrativa tuir regra ne’ebé mak iha. Kuandu halai ba krime, ami hasai nia entrega ba krimi sivil para depois ba tribunal, tanba ida ne’e mak pena maxímu husi ami F-FDTL mak karik nia krime tenke atu submete ba tribunal,” hateten Xefe Estadu Maior Forsas Armadas Brigadeiro Jeneral Falur Rate Laek.

Kazu ne´e akontese hafoin  autoridade seguransa hala´o kna´ar hodi asegura konsertu Festival Bintang 2018 iha kampu Futebol Maliana Sabadu loron haat fulan ne’e tuku 11:00 kalan. Ito