JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu MOPTC, TDD adia desizaun final ba Gastão Sousa

Kazu MOPTC,  TDD adia desizaun final ba Gastão Sousa

Tribunal Distrital Díli adia hikas desizaun final ba arguidu Gastão Souza ho arguidu nain tolu seluk.

Tanba tribunal halo altersaun jurídiku krime pekulatu ba pekulatu ba uzu, nune’e parte Ministériu Públiku ho Defeza mos tenki halo realegasaun, tanba efeitu husi krime rua ne’e la hanesan.

Razaun tribunal halo alterasaun jurídiku husi krime pekulatu ba pekulatu de uzu ne’e, tanba tribunal konsidera krime pekulatu ne’e uza deit, maibe peklatu ba uzu ne’e mak uza ho nia kompotensia ka poder.

Nune’e tuir tribunal aktu ne’ebé komete husi arguidu Gastão ne’e priense iha krime pekulatu ba uzu la’os pekulatu.

Hafoin tribunal fo sai halo alterasaun jurídiku ne’e, tuir regras tribunal fo prazu loron lima ba Ministériu Públiku ho defeza hodi halo pronunsia ba alterasaun ne’e. Tanba ne’e tribunal tenki adia fali ba loron 27 fulan Setembru tuku 05:30 hodi halo realegasaun.

Antes ne’e Ministériu Públiku akuza no rekere julgamentu iha prosesu komum bazeia ba artigu 236 no 48, númeru 2 alínea d, kódigu prosesu penál hasoru arguidu  Gastão Francisco de Sousa, nu’udar Ministru Obras Públikas, Transportes no Komunikasaun (MOPTC), Diogo da Costa nu’udar funsionáriu públiku no mós xefi Gabinete MOPTC, Jordão Maria de Jesus da Silva Sousa ne’ebé  koñesidu ho “Jordy Sousa”, oan husi Gastão de Sousa, Ferlio Afonso Bado Loi da Silva Sousa koñesidu ho “Ferlio” nu’udar  funsionáriu Públiku iha Ministériu Negosiu Estranjeiru no Kooperasau (MNEC) no Martinho Gusmão nu’udar saserdote katóliku iha paroquia Santo António Manatuto.

Iha loron 28 fulan Fevereiru 2010 asina akordu entre Governu RDTL ho Asian Development Bank (ADB) ba projetu finansiamentu  ho montante orsamentu hamutuk $46.000.000 ne’ebé atribui ba fundu ba reabilitasaun no konstrusaun Estrada.

Lee hotu :   Membru VII Governu selebra Natal hamutuk ho Prizioneiru

Projetu refere remata iha tinan 2012 no tenki entrega fila fali osan hosi fundu ne’ebé la utiliza ho montante $82.776,77 dolares amerikanu inklui viatura 8.

Entre viatura hirak ne’ebé MOPTC simu konsta viatura ho matríkula  18-948 TLS ho marka toyota land cruiser  no viatura ho númeru matríkula 19-754 TLS ho marka toyota kijang innova ne’ebé entrega ba arguidu Diogo da Costa.

Realidade fo koñesimentu de’it ba viatura rua seluk ho matríkula 18-723 TLS ho marka toyota rav 4 no viatura 18-947 TLS ho marka  toyota land cruiser prado.

Hafoin simu viatura hirak ne’e, tuir instrusaun verbal husi arguidu Gastão de Sousa, la fo koñesimentu ba departamentu logistika no MOPTC kona-ba simu viatura hirak ne’e.

Konkordansia no kolaborasaun hirak ne’e ho intensaun hodi oinsa bele halakon rejistu viatura rua ne’e hanesan partimoniu Estadu nian.

Tuir planu ne’ebé sira halo ona maka iha loron 24 fulan Setembru 2012, arguido Gastão komunika ba ADB kona-ba nia desizaun atu atribui viatura rua ho matrikula 18-948 no 19-754 ba unidade jestaun projetu nian inklui manutensaun no abastesimentu kombustivel ne’ebé finansia hosi ADB.

Maibe realidade hatudu katak viatura ho matríkula 18-948 rai hela iha Gastão de Sousa nia rezidensia iha aldeia Becusi bawah, suku Becora.

Arguidu Gastão de Sousa mos permite arguidu nain rua Jordy no Viali hodi utiliza veikulu ba titulu pesoal durante sira nia paseiu iha sidade laran.

Iha data ne’ebé la konkretu, iha final fulan Abril ka meadu fulan Maio 2014, arguidu Martinho Gusmão solisita verbalmente ba arguidu Gastão Sousa hodi husu ajuda viatura ida ba preparasaun serimonia komemorativa tinan 200 paroquia Manatuto nian no iha loron 13 fulan Maiu 2014 arguidu Gastão Sousa entrega pesoalmente viatura ho matrikula 19-754 TLS ne’ebé uza hela ba titulu privadu hosi arguidu Diogo da Costa.

Lee hotu :   Lere : Harii Tribunal Militar presiza RH

Arguidu Martinho Gusmão utiliza viatura refere durante tinan 1 fulan 3 no bainhira uza viatura refere Martinho Gusmão solisita dala 2 ba Gastão Sousa hodi halo manutensaun  ba viatura iha loron 14 fulan Juñu 2014 no loron 28 Agostu 2014 ne’ebé uza osan husi fundu ADB nian ho montante $532,34 dolar amerikanu.

Bazeia ba akuzasaun hirak ne’ebé iha maka konsidera katak bens no ekipamentu hirak ne’ebé sira uza pertense ba Estadu, mezmu nune’e, sira aproveita patrimoniu públiku ba benefisiu propriu maski hatene katak aktu sira ne’e prezudika Estadu.

Nune’e, arguidu Gastão de Sousa hetan akuzasaun primeiru, husi MP ho krime pekulatu kontra artigu 295 númeru 1 & 3 ba autoria material ho arguidu Diogo da Silva, segundu, krime pekulatu ida seluk maka kontra artigu 295 no. 1, 41 no 34 ba autoria material ho arguidu Jordy Sousa no Ferlio, terseiru maka krime administrasaun danoza kontra artigu 274 númeru 2 & 3 ba kumplisidade ho arguidu Martinho Gusmão.

Arguidu Diogo da Costa MP akuza ho primeiru, krime pekulatu, iha artigu 295  no. 1& 3 ba autoria material ho arguidu Gastão de Sousa, segundu nafatin ho krime pekulatu hosi artigu 295 no 41 no terseiru maka krime falsifikasaun dokumentu  kontra artigu 303 númeru 1 alinea A no 41.

Arguidu Jordy sousa no Ferlio komete iha co-autoria material ne’ebé MP akuza ho krime pekulatu kontra artigu 295, númeru 1, 41 no 34 ba autoria material ho arguidu Gastão de Sousa.

Arguidu MG komete ba kumplisidade material ne’ebé MP akuza ho krime administrasaun danoza kontra artigu 274, númeru 2 & 3 ba kumplisidade ho arguidu Gastão  Sousa. nia

Lee hotu :   Dialogu Prezidente PN ho MUTL laiha solusaun

 

Add to Comments Here!!!!

error: Content is protected.
Secured By miniOrange
You might also like:
PR Lú Olo: Tamba sa membru Governu nain 3 lakohi simu pose

Prezidenti Repúblika (PR), Francisco Guterres ‘Lú...

Jornal Semanário GMNTV Edisaun 16 Setembru 2018

Mundu ho Tétun GMNTV 15 Setembru 2018

Close