JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu PNTL baku membru RENETIL, Vítima hato’o ona keisa ba MP

Kazu PNTL baku  membru RENETIL, Vítima hato’o ona keisa ba MP

Polísia Nasionál Timor-Leste (PNTL) ezije  vítima Andre Rangel Gomes, hato’o keisa ba servisu Investigasaun Kriminal, maibe  vítima ne´ebé mak hetan agresaun fíziku  husi membru Forsa Rezerva PNTL hato de´it keisa ba Ministériu Públiku (MP), iha Segunda (03/09/18), hodi hetan lia los.

“Komesa horiseik (horibainruak) to´o lorokraik ami seidauk hetan  keisa formal ruma  husi vítima hodi kumprimenta prosesu  penal  ne´e. Tanba  ne´e mak Komando Munisípiu Díli orienta  ona Komandante Eskuadra Dom Aleixo nune´e mós Xefi investigasaun kriminal Munisípiu Díli nian  kuandu  vítima Andre Rangel Gomes mai, simu nia keisa  hodi bele halo auto notísia ba Ministériu Públiku, so vítima mak seidauk hato’o keisa, ami espera katak, bele ohin aban mai hato’o keisa para lori  prosesu ne´e legal se mak sala, se mak los,  tanba Ministériu Públiku hein prosesu   ne´e atu aprezenta, maibe agora keisa seidauk iha,“esplika Segundu Komandante PNTL Munisípiu Díli Superintendente Asistente Euclides Belo, ba jornalista sira Tersa (04/09/18) iha Kuartel PNTL Díli.

Nune´e  Euclides Belo,  rejeita kanek ne’ebé vítima Andre Rangel infrenta, la´os  agresaun fíziku husi membru forsa rezerva PNTL, maibe vítima hetan uluk kanek, antes hetan agresaun.

Alende ne´e Diretor Asosiasaun HAK, Manuel Monteiro Fernandes, hateten, kazu Andre Rangel Gomes la´os krimi bain-bain, hanesan ema baku malu entre komunidade, maibe kazu refere violasaun direitu humanu, Polísia baku ema sivil, tanba ne´e  kazu ninian prosesu mak ténki hato’o ba iha Ministériu Públiku hodi loke prosesu investigasaun.

“Oin seluk ho kazu krimi bai-bain, krimi bain-bain ne´e signifika katak sidadaun ho sidadaun sira mak baku malu ka oho malu ne´e kazu krimi bain-bain ninia prosesu la hanesan kazu violasaun direitu humanu. ne´ebé keisa ami hato’o ona ba iha Ministériu Públiku no hein katak, iha tempu  ne´ebé sira termina ona ne´e kazu sira ne´´e sei prosesa no Ministériu Públiku  hateten ho kazu sira hanesan  ne´e mak oinsa atu  bele eduka membru seguransa sira hodi la’o tuir lei,“dehan Manuel Monteiro.

Lee hotu :   Lere Anan Timur: Se mak lakon iha EA, tenki apoiu Governu

Nia dehan, kazu violasaun direitu  humanu kuandu ajenti seguransa  involve hodi halo agresaun fíziku hasoru komunidade ida  ne´ebé mak laiha kbi´it,  ne´e konsidera hanesan kazu violasaun diretu humanu  nia keisa fatin mak iha Prevodoria Direitu Humanu Justisa  no mós Prokurador Jeral Repúblika.

 “Horiseik (horibainruak) ami hatama ona keisa ba iha Ministériu Públiku no PDHJ  hein prosesu tuir mai. Tanba ohin loron feriadu judisial, sira promete mai ami investigasaun ba kazu ne´e sei hala´o iha dia 16 fulan Setembru, tinan  ne´e. Ministériu Públiku enkoraja  ba ema hotu-hotu kazu refere  labele hein,  diak liu ba kedas Ministériu Públiku hato´o keisa depois nia  prosesu ne´e Ministériu Públiku sei fó orientasaun ba iha investigasaun PNTL nian atu halo investigasaun,“dehan Manuel Monteiro.

Entretantu vítima Andre Rangel Gomes, rekoñese, nia hetan baku  husi membru Forsa Rezerva PNTL Munisípiu Díli, tanba ne´e nia rejeita ho deklarasaun husi Segundu Komandante PNTL, Díli,  Euclides Belo  ne´ebé mak hateten, kanek  vítima Andre Rangel nian ne’e la´os membru Polísia mak baku, maibe kanek antes ona.

“Karik Komandante rejeita ha´u-nia kanek la´os membru PNTL mak baku, ha´u hanoin informasaun ne´ebé mak tama lalos, namanya ita satu institusi, satu komando ita sempre taka  ba malu semangat Korps iha ne´ebé de´it berlaku ne´e normal, maibe lia los  ita buka nafatin,“dehan Andre Rangel Gomes.

Entretantu kazu ne’e akontese iha loron 1, fulan Setembru,  mais ou menus iha tuku 03:00 madrugada OTL hafoin partisipa festa kazamentu ida iha Delta Nova, Díli.

Antes ne´e, Xefi Departementu PNTL Superintendente Orlando Gomes, hetan ona briefing husi Komando Jeral PNTL atu loke prosesu investigasaun ba kazu refere.avi

Add to Comments Here!!!!

error: Content is protected.
Secured By miniOrange
You might also like:
Proposta sosa tan mákina fase ran aprovadu

Proposta ne’ebé aprezenta husi deputada bankada...

Dom Vírgilio: Diocese uza osan subvensaun ba setór tolu

Bispo Díocese Dilí, Dom Vírgilio do...

PD lamenta polítika Governu aloka OJE ba Igreza

Deputadu bankada Partidu Demokrátiku (PD), Antonio...

Close