JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mal-prátika patrimóniu Estadu iha PN ■Arão:Iha dalan rua rekolla Prado husi eis deputadu

Mal-prátika patrimóniu Estadu iha PN ■Arão:Iha dalan rua rekolla Prado husi eis deputadu

Diretor Jeral Prevensaun Komisaun Anti Korupsaun (KAK), Rosário Salsinha Araújo, deklara, hahú husi Parlamentu Nasional (PN) I lejislatura to’o V lejislatura, KAK identifika mosu mal-prátika utilizasaun patrimóniu Estadu iha uma fukun PN ne’e.

“Ba ida ne’e ha’u seidauk bele fó data ruma maka fiksu ba ita bo’ot sira, maibé prátika uitilizasaun patrimoniu Estadu ne’e sala hela, la’os iha PN de’it, maibé iha nivel ministériu sira seluk mós akontese hela, tanba ne’e maka estudu no survey sira ne’e sai baze ida, para ita hateten nafatin liu husi hasoru malu ho Sekretariu Jeral (SekJer) PN, ita hateten iregularidade ba patrimoniu Estadu ne’e iha ne’ebé de’it ne’e iha hela, tanba sá maka tinan 18 ona, ita labele atua ida ne’e,” haktuir Diretor Jeral Prevensaun husi KAK, ne’e ba jornalista sira hafoin remata sensibilizasaun informasaun kona-bá oinsa prevene korupsaun ba kargu xefia sira iha SekJer PN, Díli, Kuarta (12-09-2018).

Nia esplika, kuandu Orsamentu Jeral Estadu (OJE) 2018 komesa sirkula ona, iha fulan oin sira KAK hamutuk ho auditoria interna iha nivel sekretaria PN komesa halo inspesaun, atu haree patrimoniu Estadu saida de’it maka iha PN.

“Patrimoniu Estadu ne’e inklui patrimoniu Estadu hotu, laiha patrimoniu ida que dehan fali patrimoniu PN la’e, lei hateten patrimoniu Estadu, ne’ebé liga hotu ba kareta sira ne’ebé maka deputadu sira uza,” relata Rosário Salsinha Araújo.

Diretor Jeral Prevensaun husi KAK ne’e afirma, KAK, liu-liu diresaun Prevensaun, labele fó sai data fiksu atu halo inspesaun ba patrimoniu Estadu iha kada ministériu, instituisaun Governu, inklui órgaun PN, tanba sei prepara hela planu inspesaun, maibé kooperasaun entre ministériu, instituisaun no órgaun PN ne’e la’o nafatin.

Lee hotu :   PNTL KAPTURA SUSPEITO INVOLVE KAZU FURTU AGRAVADA

“Asuntu prevensaun ne’e parte KAK nian, katak sasan ne’ebé Estadu nian ita servisu halo prevensaun atu buat hotu tenki utiliza tuir nia dalan, ita atu konsidera sira abuzu poder ka la abuzu, ne’e kompetensia tribunal no investigador nian, maibé nivel prevensaun ne’e hanesan edukativu ida, atu hateten dehan uza sala sasan Estadu nian ne’e ita kontra lei,” subliña Rosário Salsinha Araújo.

Antes ne’e, Prezidente PN, Arão Noe, informa, Konsellu Administrasaun (KA) PN desidi ona atu rekolla kareta prado sira ne’ebé maka eis deputadu sira sei utiliza no agora PN haruka ona karta ba sira atu entrega.

“Sé sira la entrega iha dalan rua maka PN foti, ida maka prosesu judisial no haruka polisia maka ba foti asaun, mezmu sira muda ona xapa matrikula ba privadu, maibé tenki hatene katak legalidade kuandu ha’u sosa ne’e ha’u nian, maibé la sosa ne’e Estadu nian,” afirma Xefi Órgaun Lejislativu ne’e.

Entretantu sensibilizasaun ne’ebé KAK, liu husi diresaun Prevensaun halo loron ida Sekretariadu PN ne’e, atu fó koñesimentu ba funsionáriu sira, oinsa kombate korupsaun iha PN.ves

Add to Comments Here!!!!

error: Content is protected.
Secured By miniOrange
You might also like:
Membru UEP 29 ensera treinamentu ba misaun ONU

Membru Unidade Espesial Polísia (UEP) hamutuk...

Filomeno Paixão: MD laiha dívida

Ministru Defeza, Filomeno Paixão, hatete, Orsamentu...

PTR aprezenta preokupasaun Tribunal ba PM Taur

Prezidenti Tribunal Rekursu (PTR), Deolindo dos...

Close