JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Uma OPS Siloi-Kraik inaugura

Uma OPS Siloi-Kraik inaugura

Segundu komandante jeral  Polisia Nasional Timor-Lorosa’e (PNTL), komisariu Faustinho da Costa, inaugura uma Ofisial Polísia Suku (OPS) faze  pilotu iha Suku Siloi-Kraik. Seremonia ne´e halao Sesta loron  31 fulan Agostu, tinan ne´e, iha Suku Siloi-Kraik, Postu Administrativu Aileu-Villa, Munisípiu Aileu.

Alokasaun orsamentu ho montante US$ 32.617,22, husi orsamentu refere fahe ba atividade operasional US$ 1.553.22 no  ba iha infraestrutura  US$ 31.064.00. Orsamentu refere  apoiu husi Governu Nova-Zelandia. Uma  ne´e kompostu husi  kuartu rua no haris fatin  1.

Segundu komandante jeral  PNTL, komisariu Faustinho da Costa,  hato’o  parabens ba komunidade Suku Siloi-Kraik, tanba bele hetan uma  Polísia Suku.

Nia mos husu  Ofisial Polísia Suku  atu uza uma ne´e ho responsabilidade ba  atendimentu komunidade.

“Uma  ne´e halo la´os hodi hela de´it, maibe uma  ne´e halo Polísia  ne´ebé kolokadu iha ne´e hodi hala´o nia kna´ar. Tanba  ne´e mak ha´u husu ba OPS atu uza uma ne´e ho másimu no responsabilidade  ba bem komum komunidade iha Suku Siloi-Kraik ne´e nian,“esplika Segundu Komandante PNTL Komisariu Faustinho da Costa,  ba jornalista sira Sesta (31/08/18)  hafoin inagura  uma  ba OPS iha Suku Siloi-Kraik.

Alende ne´e  reprezentante Embaixador Nova-Zelandia, atual Koordenador  Programa Dezenvolvimentu, Augusto Ferreira Soares, hateten, Governu Nova-Zelandia iha komitmentu atu kontinua fó apoiu ba Polísiamentu Komunitaria,  to´o  tinan  2020,  maibe sei presiza halo fali avaliasaun.

“Husi Governu Nova-Zelandia iha komitmentu atu azuda atu apoiu ba área Polísiamentu Komunitaria ba tinan rua tan, agora ita iha faze  hela avaliasaun mediu prazu ba implementasaun programa apoiu Polísiamentu Komunitaria,“dehan reprezente Embaixador Nova-Zelandia, atual Koordenador  Programa Dezenvolvimentu   Augusto Ferreira Soares.

Lee hotu :   MP alega pena multa ba konsultór ADN

Nune´e mós Komandante PNTL Munisípiu Aileu Superintendente Damião Correia, hateten,  iha Munisípiu Aileu Suku hamutuk 33, maibe Suku Siloi de´it mak hetan uma OPS. Tanba  ne´e nia husu ba Governu  Nova-Zelandia bele harii tan uma OPS iha Suku 32 atu nune´e bele halo atendimentu ba komunidade iha Suku bele moris hakmatek.

“Em nome Komando PNTL Munisípiu Aileu agradese boot ba Embaisada Nova-Zelandia  ne´ebé fó ninia apoiu liu husi Komando jeral PNTL  Aileu. Ita hotu mai partisipa inagurasaun OPS  ne´ebé iha Suku Siloi-Kraik,  ita komesa koloka ona membru OPS ne´ebé permanente iha uma OPS  ne´ebé mak iha ona,“dehan Damião Correia.avi

Add to Comments Here!!!!

error: Content is protected.
Secured By miniOrange
You might also like:
Millaun US$67 ba ME, Prioridade selu professor no konstrusaun

Ministra Eduksaun (ME), Dulce de Jesus...

Contingente TL taka partisipasaun Asian Games 2018 ho modalidade atletismu

Atleta atletizmu Ângela Freitas de Fátima...

2019, rekruta PNTL foun 520

Segundu komandante Jeral Polisia Nasional Timor-Lorosa’e...

Close