JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema soe tan bebé ida iha Comoro ■ SEJD sei kria manual formasaun ba juventude

Ema soe tan bebé ida iha Comoro ■ SEJD sei kria manual formasaun ba juventude

Ema deskoñesidu soe tan bebé feto ida iha Aldeia Anin-Fuik, Suku Comoro, Postu Administrativu Dom Aleixo, Munisípiu Díli, besik Aeroportu Internasionál Nicolau Lobato, Comoro, Díli.

Bebé ne’ebé ema soe ne’e iha loron Segunda (1/10/18), mais ou menus tuku 8 OTL, Polísia Forensik  halo rekollamentu ba mate isin ne´ebé ema deskoñesidu soe hela  iha valeta kuak ne’e.

Mate isin bebé ne´e ho kondisaun  isin lolon  metan no dodok no mos ular oan hobur ona.

Iha rekolla mate isin ne´e, komunidade barak tebes mak asiste hela Polísia foti sai bebé ne’e husi valeta kuak tau iha plástiku kinur ida hodi lori ba iha mortuariu Hospital Nacional Guido Valadares.

Antes ne´e, Bispu Dioseze Baucau, Dom Basílio do Nascimento, kondena aktu krimi ema deskoñesidu ne´ebé mak  soe bebé.

“Klaru,  inan ida  ne´ebé soe bebé ne´e la tama  iha   ita-nia ulun,“esplika Bispu Diseze Baucau Dom Basílio do Nascimento, ba jornalista hafoin fó ordenasaun ba Amu Cesar Magno, iha Igreja Santa Maria Ainaro.

Entretantu iha loron 8, fulan Agostu, tinan 2018, iha tuku 10 dader-san komunidade hetan mos bebé ida iha  Aldeia Bekusi Kraik, Suku Bekora,  Postu Administrativu Kristu-Rei Munisípiu Díli.

Lakleur de’it iha fali Kuarta loron lima, fulan Setembru, tinan ne´e, akontese tan ema soe  bebé feto ida iha lixu fatin,  iha Aldeia Markoni 04, Suku Fatuhada,  Postu Administrativu Dom Aleixo, Munisípiu Díli.

SEII preokupa

Nune’e mos, Sekretaria Estadu Igualdade no Inkluzaun (SEII), Maria Fonseca Monteiro, preokupa númeru kazu soe bebé iha Timor-Leste, tinan ne’e, tanba konsidera númeru kontinua aumenta.

Maria Fonseca Monteiro, hateten, númeru kazu inan balun abandona ka soe bebé iha tinan ne’e a’as tanba menus formasaun.

Lee hotu :   PNTL sei hamos lema artes marsiais

“Ha’u hanoin programa debate foinsa’e kona-ba soe bebé ne’e importante tanba iha fulan hirak ikus ne’e ita iha kazu ema abandona bebé barak, tanba ne’e ha’u hanoin ho atividade hanesan ne’e bele ajuda ita haree kona-ba prpoblema sosial ne’e, tanba ida ne’e problema sosial ida ne’ebé mak sai preokupasaun ba entidade hotu”,Hateten Maria Fonseca Monteiro, ba Jornalista sira hafoin partisipa programa debate foinsa’e sira ho tema ‘Seraque soe bebé feto nia kulpa’ iha Ministériu Solidariedade Sosial, Caicoli, Díli, Sabadu foin lalais ne’e.

Diretor Jeral Ministériu Solidariedade Sosial, Eugenio Soares, afirma, bebé ne’ebé mak iha nu’udar kriasaun Maromak nian ne’ebé fo ba ema nain rua feto ho mane, tanba ne’e hakarak ka lakohi tenki responsabiliza la’os atu soe ka abandona hodi fo sala ba parte ida.

“Nu’udar sarani Katólika Maromak fo ba ema nain rua feto no mane ne’ebé mak la’os atu estraga maibe atu kuidadu tanba bebé ne’e la’os moris husi ema ida de’it maibe mai husi ema nain rua nia rezultado domin, tanba ne’e mak sala bo’ot bainhira ita hakarak kria tanba ita nia domin depois ita soe ida ne’e la’os foer ida ita tenki soe maibe ida ne’e ema”,Diretor Jeral MSS ne’e hateten.

Enkuanto Prezidenti Youth Leadership Development Program Timor Leste, Juvita Pereira Pina, hateten, objetivu husi programa debate foinsa’e ne’e di’ak hodi fo korajen ba foinsa’e feto no mane atu komitmentu no vontade kontribui dezenvolvimentu umanu ho moris di’ak iha sosiedade ho dignu sem diskriminasaun.

“Debate ida ne’e atu tulun no fasilita joven sira hodi hanoin ho krítiku, analítiku no ho karakter konsultivu ba dezenvolvimentu pessoal tantu kontribui ba iha dezenvolvimentu Nasional, objetivu seluk husi debate ne’e atu lori informasaun ba iha públiku, atu transfere koñesimentu ho argumentu sira ne’ebé mak klean efetivu no saudavel”,Juvita Pereira afirma.

Lee hotu :   OHIN, MP HALO ALEGASAUN FINAL BA LÚCIA LOBATO

Tuir Dadus ne’ebé mak komando Polísia Nasional Timor Leste iha katak, kazu ema soe bebé iha tinan ne’e hamutuk nain lima.

SEJD sei kria manual formasaun ba juventude

Atu minimiza númeru kazu soe bebé iha Timor-Leste, Sekretaria Estadu Juventude no Desportu (SEJD) sei kria manual forsamasaun saúde reprodutiva ba joven sira iha teritóriu nasional atu bele intende.

Sekertáriu Estadu Juventude no Desportu, Nelio Isaac Sarmento, hateten, meius atu minimiza númeru kazu soe bebé ne’ebé dadauk sai preokupasaun ba entidade hotu liu-liu SEJD mak tenki estabelese manual formasaun saúde reprodutivu ba joven sira ho objetivu atu fo koñesimentu ba joven sira oinsa impaktu negativu no pozitivu husi saúde reprodutivu ne’e rasik.

“Koalia kona-ba asuntu sosial hanesan feto soe bebé ne’e ita foku ba formasaun saúde reprodutiva joven sira, iha SEJD nia foku atensaun ba formasaun saúde reprodutiva ne’e ba joven sira, liu-liu ba joven sira ne’ebé mak putus sekolah (la kontinua eskola)joven sira iha área rural mas lataka dalan mos ba joven sira ne’ebé mak sei eskola tanba sira ne’ebé mak eskola hakarak mos buka informasaun kona-ba asuntu ne’e”,Nelio Isaac Sarmento ba Jornalista sira iha Ministériu Solidariedade Sosial (MSS), Caicoli, Díli Sabadu foin lalais ne’e hafoin partisipa programa debate foinsa’e ho tópiku ‘Seraque Soe Bebé ne’e feto nia kulpa’.

Nelio hateten, kazu soe bebé iha Timor-Leste dadauk ne’e laos ka’zu ne’ebé mak bai-bain maibe kazu ne’ebé mak sériu ne’ebé sai preokupasaun ba entidades hotu tantu Governu ,Igreja nomos inan aman ne’ebé presiza tau atensaun, nune’e Governu liu husi SEJD sei haree kestaun ne’e.

Lee hotu :   Lere apela ba militante PARPOL sira labele ameasa malu

Iha fatin hanesan, Diretor Ezekutivu Komisaun Nasional Kombate HIV/SIDA, Daniel Marçal, afirma, estabelesimentu manual formasaun kona-ba saúde reprodutivu ne’e importante tanba durante juventude laiha informasaun mak sira sei adopta sistema sexu livre nune’e sei hamosu problema bo’ot.

“Ha’u hanoin kuandu ita implementa ona sexu livre ne’e sei sai problema bo’ot, ne’ebé mak la’os de’it soe bebé maibe mos bele mosu moras oi-oin no moras perigu mak HIV/SIDA, tanba ne’e mak informasaun no sensibilizasaun ne’e importante”,dehan Daniel Marçal.avi/ola

Add to Comments Here!!!!

error: Content is protected.
Secured By miniOrange
You might also like:
Falur simu pose ba Vise Xefi Estadu Maior F-FDTL

Brigadeiru Jeneral, Domingos Raul ‘Falur Rate...

FRETILIN: Tenki fó atendimentu espesial ba Soekarno

Deputada bankada Frente Revolucionária de Timor-Leste...

Jornal Semanário GMNTV Edisaun 30 Setembru 2018

Close