JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TDD deside prizaun preventiva no TIR ba arguidu kazu Kuluhun

TDD deside prizaun preventiva no TIR ba arguidu kazu Kuluhun

Tribunal Distrital Díli (TDD) iha Kuarta (21/11/18) liu husi primeiru interrogatóriu deside aplika medida koasaun prizaun preventiva (PP) ba arguidu nain rua ho inisial JM no FS, no Termu Identidade Rezidensia (TIR) ba arguidu JT no JS ne’ebé diskonfia tiru mate joven nain tolu no hakanek ema nain lima seluk foin lalais ne’e iha Culuhun de Baixo, suku Kuluhun, postu administrativu Nain Feto, Munisípiu Díli.

Razaun tribunal aplika medida koasaun ne’e, tanba konsidera arguidu JM no FS iha indisius forte involve direta iha kazu Culuhun  ne’ebé rezulta joven nain tolu mate fatin no nain lima seluk kanek.

Entertantu advogadu privadu husi arguidu JM, Pedro Aparicio aseita ho medida koasaun ne’ebé tribunal aplika ba ninia kliente tanba relevante ho arguidu nia aktus kriminal no bele halo mós prevensaun atu labele mosu tan problema iha komunidade nia leet.

“Desizaun ne’e hau sei halo konsultasaun ho família no arguidu, atu halo rekursu ou lae tanba ida ne’e seidauk ba to’o iha prosesu normal hodi hein prosesu investigasaun,”dehan Pedro ba jornalista sira hafoin akompana nia kliente iha julgamentu primeiru interogatóriu iha TDD.

Tuir Pedro presiza halo exame balistiku atu labele iha deklarasaun falsu tantu husi arguidu sira no sasin, tanba husi pistola ne’ebé arguidu sira uza bele identifika ida ne’ebé mak halo kanek no halo mate, nune’e mós bele identifika bala musan ne’e sai husi pistola se nian.

Iha fatin hanesan Defensor Públiku husi arguidu FS no JT, Estaquio Guterres konsidera nia kliente lasala, tanba laiha indisius forte atu kondena arguidu JT, nune’e nia sei halo rekursu ba Tribunal de Recurso.

Lee hotu :   João Boavida: “Korupsaun dala barak akontese iha setór públiku”

“Medida koasaun ne’ebé TDD aplika ba hau nia kliente FS adekuadu, maibé laiha indisius forte atu kondena arguidu JT maske aplika TIR tanba wainhira problema ne’e akontese arguidu JT iha  ona uma,”dehan Eustaquio.

Iha parte seluk Eustaquio mós laaseita ho desizaun Komandu Jeral, Julio Hornai ne’ebé deside detein no suspende arguidu JT, tuir Estaquio lolos komandu jeral bolu arguidu JT hodi husu lai informasaun laos detein kedas iha sela polísia, kuandu desizaun husi tribunal iha ona mak komandu bele hola medida ba JT.

Arguidu nain haat ne’e liu husi prosesu primeiru interogatóriu, Ministériu Públiku promove ho krime omesidiu agravadu dala tolu no tentativa omesidiu dala lima ne’ebé previstu iha artigu 139 no 23 husi kodigu penal Timor-Leste.

Antes ne’e, iha loron Domingu tuku 1:30 madrugada joven nain tolu hanesan Erick  Joni, Roberto  Bria, Luis Quebin Saldanha Belo no Leonildo  Eduardo Ximenes ba asiste festa koremetan iha Culuhun de Baixo. Iha festa laran joven nain tolu hetan tiru husi arguidu ho inisial FS husi Unidade Polisia Marítima (UPM) no JM husi  Servisu Informasaun Polísia.

Enkuantu arguidu nain rua mós hakanek ema nain lima seluk inklui feto ida naran Terezinha Vila Nova, Pinto Gamu, Agrefino  da Costa, Paulino de Jesus  no Lucio do Carmo.

Hafoin akontesimentu, Komisariu Julio Hornai haruka dejarma kedas membru nain rua ninia pistola no detein kedas iha sela detensaun komandu PNTL.

Primeiru interogatóriu ne’e prezide husi juiza singular Francisca Cabral, Ministériu Públiku reprezenta husi prokurador Jacinto Babo, arguidu sira hetan asistensia legal husi Defensor Públiku Estaquio Guterres, Afonso Gomes no advogadu privadu Pedro Aparicio. Ita

Lee hotu :   Tribunal deside entrega bebé ba nia inan-rasik ■ Komunidade Lahane konsidera injustisa

 

Add to Comments Here!!!!

error: Content is protected.
Secured By miniOrange
You might also like:
Família halót ona mate isin trajédia Kuluhun ■Provizóriu arguidu 4 fila ba vida sivíl

Família  vítima husi trajédia Kuluhun de...

JORNAL NACIONAL GMNTV MEIU DIA, Loron-21 Fulan-Novembru Tinan-2018

JORNAL NACIONAL GMNTV KALAN, Loron-20 Fulan-Novembru Tinan-2018

Close