JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Uza osan la tuir prosedimentu, TDD aplika indemnizasaun USD 600 ba Diretór DNCPIA

Uza osan la tuir prosedimentu, TDD aplika indemnizasaun USD 600 ba Diretór DNCPIA

Tribunal Distrital Díli (TDD), liu husi juiz kolektivu, kondena Diretór Nacional de Controlo Poluição e Impacto Ambiental (DNCPIA), iha Ministério Comerçio Industria e Ambiente (MCIA), arguidu Antonio Lelo Tasi ho indemnizasaun ho montante USD600 ba Estadu, tanba uza osan Estadu la tuir prosedimentu ne’ebé iha.

Razaun TDD hatún desizaun ne’e, tanba faktus ne’ebé iha provadu, maski iha sala audénsia arguidu hili direitu nono’ok, maibé bazeia ba deklarasaun husi sasin sira katak, sira simu orientasaun husi arguidu hodi hasai osan refere, uza ba serimonia funebre, Domingos Almeida nu’udar funsionáriu DNCPIA, iha MCIA, ne’ebé mate iha oras servisu nia-laran.

Antes ne’e, tuir akuzasaun husi Ministériu Públiku (MP) katak, iha tinan 2015 to’o agora arguidu asumi kargu hanesan Diretór DNCPIA, iha MCIA no bainhira hari’i Power Plan (sentral elektrisidade) iha Hera no kompañia, Putri Akraya maka responsabel ba Power Plan Hera, hodi ba tau hamutuk iha Tibar-Liquiça, atu halo fali recyclage (daur ulang-red).

Iha tinan 2015, husi DNCPIA, MCIA realiza inspeksaun no verifika katak, kareta ne’ebé tula sai óliu fo’er husi Power Plan Hera, la tuir rekezitu ne’ebé estabelese ona, tanba tula mós fo’er sintina nian, tanba ne’e DNCPIA rekomenda ba kompañia Putri Akraya hadi’a fali kondisaun kareta bainhira tula sai óliu fo’er, tanba la tuir kríteriu, tanba ne’e kompañia halo fali karta hodi realiza enkontru atu rezolve problema kona-bá tula sai óliu fo’er ne’e.

Iha fulan Juñu, to’o fulan Outubru, tinan 2015, DNCPIA nia kareta ne’ebé tula sai óliu fo’er hamutuk karada 11 husi Power Plan Hera, ba tau iha Tibar-Liquiça, tanba DNCPIA konsege tula sai ona fo’er, tanba ne’e maka kompañia selu fali kustu ba DNCPIA ho montante USD2.400 no simu husi Carlos da Conceição nu’udar funsionáriu públiku DNCPIA, MCIA, maibé to’o fulan Novembru, tinan 2015, kustu tula sai óliu fo’er hasa’e, kada karada ho folin USD250.00, tanba ne’e husi fulan Novembru, to’o fulan Jullu, tinan 2016, kareta DNCPIA konsege tula sai óliu fo’er hamutuk karada 24 ho kustu global USD7.500.

Lee hotu :   ADTL preokupa UNTL deskrimina ema ho defisiensia

Husi fulan Juñu, tinan 2015, to’o fulan Jullu, tinan 2016, montante tula sai óliu fo’er hamutuk USD9.600 no osan sira ne’e simu no rai de’it iha DNCPIA, MCIA.

Montante osan ne’e, tuir artigu 20 alinea 4 no dekretu lei númeru 01/2014, fulan Febereiru, kona-bá reseitas katak, orsamentu husi reseitas tenki depozitu ba konta bankária Estadu no halo relatoriu kobransa, depois de loron 15 no husi total orsamentu reseitas ne’ebé kobre ona, iha fulan Juñu, tinan 2015, to’o fulan Jullu, tinan 2016, arguidu la ordena nia sub-ordinádu sira la depozitu ba konta bankária Estadu, maibé rai de’it iha DNCPIA.

Iha loron 25, fulan Abril, tinan 2016, arguidu hatún despaixu ba ninia sub-ordinádu, Carlos Conceiçao, hasa’i osan tula óliu fo’er ho montante USD600, azuda serimonia funebre ba matebian, Domingos Almeida nu’udar funsionáriu DNCPIA, maski arguidu hatene katak, orsamentu mai husi reseitas tenki depozitu iha konta bankária Estadu, maibé arguidu foti fali hodi uza ba nesesidade seluk, ne’ebé kontra prosedimentu reseitas nian.

Ho hahalok arguidu nian, fó prezuiju ba Estadu ho montante USD600, tanba ne’e, MP akuza arguidu hanesan autór ba prátika krimi administrasaun iregular no verbas públikas ne’ebé previstu, iha artigu 319 husi kódigu penál Timor-Leste.

Audénsia julgamentu ne’e, prezidi husi juíza koletivu, Edite Palmira, Sribuana da Costa, Jumiaty Freitas, MP reprezenta husi prokuradór, Rogerio Viegas no arguidu hetan asisténsia legal husi Defensór Públiku. Ita

 

Add to Comments Here!!!!

error: Content is protected.
Secured By miniOrange
You might also like:
Hado’ok arguidu-lezada husi VD, Juíza Edite husu atu kaben iha Igreja

Tribunal Distrital Díli (TDD), liu husi...

MP halo retiru anual, avalia dezafiu tinan 2018

Prezidenti Komisaun Organizadora, atual Inspetora Ministériu...

Populasaun 30% afeta seguransa alimentar

Ministru Agrikultura no Peska, Joaquim Martins...

Close