JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu servisu defeza-seguransa labele hamosu grupu ▀ PNTL la tolera ema hemu-tua iha estrada

PN husu servisu defeza-seguransa labele hamosu grupu ▀ PNTL la tolera ema hemu-tua iha estrada

Parlamentu Nasionál (PN), husu ba servisu defeza no seguransa atu labele hamosu grupu oi-oin iha instituisaun defeza no segura nia laran, tanba servisu defeza no seguransa mak nu’udar xave ba estabilidade nasaun.

Deputadu  Mariano Asanami Sabino, husi bankada Partidu Demokrátiku (PD), husu atu instituisaun rua ne’e tenki servisu professional tuir lei ne’ebé vigora iha rai doben ida ne’e.

Reprezentante povu ne’e mós kongratula Komandante Jerál (KOMJER) PNTL foun, ne’ebé sei simu posse iha fulan ne’e.

“Labele iha grupu-grupu iha PNTL nia laran, liu-liu PNTL no F-FDTL, tribunal no Justisa ne’e ai rin importante ne’ebé mak atu bele assegura paz no estabilidade iha ita-nia rain, tanba ne’e mak forsa la’o ba oin, labele iha polítika iha laran, labele iha grupu-grupu iha laran, imi (PNTL) kontinua assume mandatu nu’udar heroe funu na’in, imi aswain hodi nune’e lori ita-nia nasaun ne’e la’o ba oin”, afirma Mariano Asanami iha plenária PN Tersa, (26/03/2019).

Reprezentante povu ne’e mós apresia servisu ne’ebé komando jerál anterior hala’o ona durante assume konfiansa refere.

Mariano Asanami Sabino mós sujere atu komando jerál foun kontinua assume konfiansa ne’e ho másimu, tanba knár PNTL importante tebes iha nasaun demokrásia ne’e.

“Apresia ba servisu tomak ne’ebé mak Komandante Jeral tuan, Julio Hornay halo ona durante lidera PNTL, nomós parabéns ba komandante foun ho nia vise ne’ebé mak atu lidera PNTL la’o ba oin”, dehan Prezidente Partidu Demokrátiku ne’e.

Mandatu Komando Jerál PNTL anterior, Julio Hornay, sei remata iha Kuarta loron 27 fulan Marsu tinan ne’e, enkuantu Komandante Jerál Polísia Nasionál Timór-Leste foun, Faustino da Costa ho nia adjuntu Mateus Fernandes sei simu posse iha loron Kuarta, (27/03/2019), hodi lidera instituisaun PNTL durante tinan 4 (2019-2022).

Lee hotu :   Hotél Timor seidauk iha kontratu ho Governu TL

PNTL la tolera ema hemu-tua iha estrada

Haree ba kazu omisídiu no konfrontu ne’ebé mak kontinua akontese iha Díli laran maka Polísia Nasional Timor Leste (PNTL) sei la tolera sidadaun sira ne’ebé konsumu alkohol (hemu-tua) iha Estrada, tanba  kazu omisídiu no konfrontu ne’e kauza husi konsumu alkohol.

“Halo kontrolu maximu ba joven sira ne’ebé mak konsumu alcohol luron ne’ebé mak ninia vizibilidade ne’e la edukativu ne’e PNTL foti medida, kolega husi forsa liu-liu Polísia Militar (PM)  para depois halo edukasaun mais rigorozu ba sira”,dehan Segundu Komandante  (PNTL) Munisípiu Dili, Superintendente Assistente, Euclides Belo, ba jornalista sira iha nia kna’ar fatin Kaikoli, Díli Tersa (26/03/2019).

Euclides esplika katak, dalaruma joven sira ne’e konsumu alkohol la’os fatin ida, maibe konsumu alcohol  iha luron sira ne’e. Mesmu ne’e sira direitu para konsumu maibe fatin mak la nesesariu para atu konsumu alcohol ne’e labele, tanba problema ne’e mosu husi hahalok sira ne’e.

“Klaru katak hodi iha area betó nian mosu desturbu ida mak akontese, maibe ne’e kauza husi konsumu alcohol. Portantu iha sidadaun nain rua (2) ne’ebé PNTL tenke lori mai eskuadra Postu Administrativu Dom Aleixo nian  para halo identifikasaun ba sira”.

Komandante ne’e afirma, maibe iha prosesu identifiksaun nia laran mak sidadaun sira ne’e komete indikasaun krime ruma ita aprezenta ba Ministériu Públiku para prosesa tuir lei ne’ebé vigora iha nasaun ne’e.

Karik laiha indikasaun krime ruma ita halo identifikasaun ba sira no halo edukasaun civika ba sira para hadia sira an. Tanba mentalidade atu kontribui seguransa la’os PNTL deit, maibe ema hotu hotu, hodi garante nafatin estabilidade na sidadaun hotu hotu iha nasaun ne’e.say/Aes

Lee hotu :   PNTL alerta atu sidadaun kontribui ba estabilidade ElPar

 

Add to Comments Here!!!!

error: Content is protected.
Secured By miniOrange
You might also like:
PN husu Governu hadia urjente irigasaun mota Karau-Ulun

Deputada bankada CNRT, Virgina Ana Belo,...

DIA 27/03/19 || GMNTV LIVE STREAM || DADER KMANEK

DIA 26/03/19 || GMNTV LIVE STREAM || JORNAL NASIONAL KALAN

Close