JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia oho Tan Lin Xue, TDD aplika prizaun preventiva ba arguidu LJ no AF

Deskonfia oho Tan Lin Xue, TDD aplika prizaun preventiva ba arguidu LJ no AF

Tribunal Distrital Díli (TDD), liu husi primeiru interogatóriu iha Sábadu lokraik desidi aplika medida koasaun prizaun preventiva ba arguidu LJ no AF, inklui aplika TIR ba arguidu JF ne’ebé deskonfia oho sidadaun Xineza Tan Lin Xue, foin la-lais ne’e iha Hudi Laran, Bairo Píte-Díli.

Razaun TDD aplika medida koasaun ne’e, tanba faktu hatudu katak, arguidu LJ no AF iha indísiu forti komete krimi omesídiu agravadu, enkuantu arguidu JF la iha indísiu forti kona-bá krimi ne’e.

Entretantu parte defeza husi arguidu sira, konsidera medida koasaun ne’ebé TDD aplika ba nia kliente adekuadu, tanba arguidu sira konfesa katak, sira komete duni krimi omesídiu ne’e.

“Arguidu nain rua (2) iha primeiru interogatóriu ne’e konfesa faktu sira hotu katak, sira maka komete duni krimi refere, tantu arguidu JF la hatene buat ida, maibé ida ne’e la’os desizaun final, karik ida ne’e atu asegura de’it sira hodi hein prosesu investigasaun”, Defensor Públiku (DP), Agostinha de Oliveira ba GMN hafoin remata primeiru interogatóriu iha TDD, Sábadu (30-03-2019).

Iha primeiru interogatóriu ne’e, Ministériu Públiku (MP) akuza arguidu sira ba krimi omesídiu agravadu, ne’ebé previstu iha artigu 139, husi kódigu penal Timor-Leste.

Entretantu kazu ne’e akontese iha loron segunda(25/03), iha tuku 02:00 madrugada no komunidade balun maka hetan mate-isin sidadaun Xineza ne’e latán hela iha estrada ninin Bairo Pite ninian, nune’e sira informa kedas ba Polisia Nasional Timor-Leste (PNTL) hodi dada kedas liña polísia iha fatin akontesimentu.

Audénsia ba primeiru interogatóriu ne’e prezidi husi Juiza Singular, Zulmira Auxiliadora, MP reprezenta husi Prokurador, Pedro Baptista no arguidu sira hetan asisténsia legal husi Defensor Públiku, Agostinha de Oliveira. Ita

Lee hotu :   Domingos Caero tama lista indultu ba 20 de Maio 2019

 

Add to Comments Here!!!!

error: Content is protected.
Secured By miniOrange
You might also like:
Juramentu Ramelau, sei hein membru Governu na’in 2 husi KHUNTO

Konseleiru másimu partidu KHUNTO, José dos...

Soldadu F-FDTL ida mate, tanba soke kareta

Soldadu FALINTIL Forsa Defeza Timor-Leste naran...

KHUNTO aprezenta Longuinhos ba MI, sei deside subtitui Turquel

Konseleiru másimu partidu Kmanek Haburas Unidade...

Close