JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Menus koñesimentu husi sosiedade, Kazu abuzu sexual kontinua ezisti

Menus koñesimentu husi sosiedade, Kazu abuzu sexual kontinua ezisti

Reprezentante komisaun organizadora ba konferénsia internasional kona-bá abuzu sexual hasoru labarik, Yacinta Luzinha, hateten, kazu abuzu sexual hasoru labarik kontinua ezisti, tanba menus koñesimentu husi sosiedade sira.

“Objetivu prinsipal husi konferénsia ida ne’e atu haforsa liu tan koñesimentu kona-bá asuntu abuzu sexual hasoru labarik, tanba dalabarak akontese iha sosiedade, maibé sosiedade konsidera hanesan problema normal, maibé ida ne’e hanesan krimi grave, tanba bele fó impaktu ba dezenvolvimentu psikolojia labarik”, Yasinta Luzinha ba jornalista sira iha Hotel Timor-Díli, Kuarta (03-04-2019).

Nia akresenta, interpretasaun ba konseitu abuzu sexual hasoru labarik seidauk klaru, tanba ne’e vítima sira sei kontinua vuneravel iha sosiedade nia le’et.

“Kontextu interpretasaun ba abuzu sexual ne’e rasik seidauk hanesan no koñesimentu seidauk iha, tanba ema barak hanoin katak abuzu sexual akontese wainhira iha ona relasaun sexual direita entre feto ho mane, maibé hanesan ohin ita rona husi parte tribunal esplika katak, iha kontextu abuzu sexual ba labarik liu husi ka’er isin lolon no hatudu imajen negativu ne’e kategoria ba krimi, maibé dalabarak sosiedade konsidera ne’e hahalok normal”, esplika Yasinta.

Nia informa, kazu abuzu sexual ba labarik maioria akontese iha família, eskola no sosiedade, nune’e presiza kombate atu labele fó perigu ba labarik nia futuru.

Iha sorin seluk, Komisária Direitu Labarik, Dinorah Granadeiro considera, fator kultura maka fó espasu ba autor atu bele kontinua halo violasaun sexual hasoru labarik, tanba ne’e komisaun sei esforsu hodi halo sensibilizasaun iha komunidade nia le’et hodi hasa’e konsiensia komunidade no espera bele redus númeru violasaun hasoru labarik.

Entretantu tuir dadus husi Polisia Nasional Timor-Leste (PNTL), iha tinan 2018 rezistu ona kazu violasaun sexual hasoru labarik hamutuk porsentu 20, kompostu husi 12 munisípiu, inklui Reziaun Administrativa Espesial Oe-Cusse Ambeno (RAEOA). ita

Lee hotu :   ONG Belun rejista krime eleitoral 107

Add to Comments Here!!!!

error: Content is protected.
Secured By miniOrange
You might also like:
Kompañia Mura bele transforma plástiku ba óleo

Konsellu Ministru, Kuarta (03/04) rona aprezentasaun...

Manifestasaun mosu anarkizmu iha PN ilegál ■PNTL detein suspeitu na’in rua

Komandante Operasional Nasional (KON) PNTL Superintendente...

Salvador Pires: Konkursu projetu infraestrutura prosesu iha aprovizionamentu

Ministru Obras Públikas,  Salvador Soares Dos...

Close