JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tiru gas lakrimojéniu ba manifestante krime

Tiru gas lakrimojéniu ba manifestante krime

Portavos Sosiedade Sivíl, atual Diretur Ezekutivu Asosiasaun HAK, Manuel  Monteiro Fernandes hateten, FONGTIL ho nia membru tomak, kodena asaun Polísia Nasionál Timor-Leste (PNTL), ne’ebé tiru  gas lakrimojéniu hodi hakanek  Manifestante sira ne’e krimi ida, tanba manifestante sira ne’e, hato’o sira nia direitu espresaun  ba parte kompetente atu  toma responsabilidade,  no  solusiona lalais problema ne’ebé sira infrenta.

“Asaun fíziku no violentu ne’ebé  akontese  iha loron horseik (horibainruak-red), iha edefísiu Parlamentu Nasional nia oin, rezulta ema na’in 7 maka sai vítima ba aktu violentu fíziku ne’ebe komete husi membru PNTL,  vítima nain 3 hetan sofrementu kaman, nain 1 todan, nain 2 hetan kapturasaun no detein iha sela PNTL Caicoli, no na’in  señora Madalena ne’ebé kanek, hetan suku pontu rua, no oras ne’e dadaun fila ona ba nia uma iha Farol”, relata  Manuel Monteiro ba jornalista sira, liu husi konferénsia ba  imprensa, ne’ebé hala’o iha edifísiu FONGTIL Caicoli Díli, Kuarta (03/04/2019).

Sosiedade sivíl  kondena maka’as asaun brutal ne’ebé komete husi oknum PNTL sira. Tanba ne’e sosiedade sivíl sira husu ba parte komptente hanesan, Provedor Direitus  Humanus no Justisa (PDHJ), atu halo kna’ar lolos no lalais hodi halo investigasaun klean ba aktus violasaun direitus humanus  hasoru sidadaun bai-bain sira, no Komandante PNTL Munisípiu Díli, tenki hola responsabilidade másimu ba aktu violasaun  fíziku ne’ebé mak akontese.

Sosiedade sivíl sira ne’e mós, husu ba Parlamentu Nasionál ne’ebé nu’udar orgaun reprezentante povu, atu deskuti klean kona ba problema ne’ebé mak vendedores ambulante sira hasoru.

Sira mós husu ba Primeiru Ministru no Autoriedade Munisípiu Díli,  atu avalia fila fali desizaun kona ba duni sai negosiante ambulante sira ho forsa, no Estadu mós  tenki hapara polítika odiu vingansa hodi bele kria kondisaun ba povu atu buka moris di’ak.

Lee hotu :   MP preokupa TDD absolve kazu oho Vera iha Kristu Rei

“He’in katak, ukun nain sira bele rona no konsidera hodi hola desizaun polítika ne’ebé mak inklina ba povu, no prosesu kazu krimi sira ba tribunal hodi hakotu siklu impunidade iha ita-nia rain, prinsípiu Estadu de diretiu no demokratiku”, katak Manuel.oly

 

Add to Comments Here!!!!

error: Content is protected.
Secured By miniOrange
You might also like:
Menus koñesimentu husi sosiedade, Kazu abuzu sexual kontinua ezisti

Reprezentante komisaun organizadora ba konferénsia internasional...

Kompañia Mura bele transforma plástiku ba óleo

Konsellu Ministru, Kuarta (03/04) rona aprezentasaun...

Manifestasaun mosu anarkizmu iha PN ilegál ■PNTL detein suspeitu na’in rua

Komandante Operasional Nasional (KON) PNTL Superintendente...

Close