JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Krime aumenta iha Díli, PN husu governu fortifika servisu defeza no seguransa

Krime aumenta iha Díli,  PN husu governu fortifika servisu defeza no seguransa

Reprezentante povu iha Parlamentu Nasionál (PN), husu Governu atu fortifika servisu defeza no seguransa, nune’e bele garante estabilidade iha rai laran, tanba povu presiza moris hakmatek hodi bele senti benefísiu husi ukun rasik aan ne’e.

Reprezentante povu sira esklarese asuntu ne’e, relasiona ho situasaun ne’ebé akontese iha Bairro sira, joven sira hahú oho malu, no konflitu entre komunidade no oknum polísia balun, akontese iha Golgota Díli iha semana ne’e.

“Ami husu PNTL atu fortifika ninia estrutura sira, fortitika ninia instituisaun sira to’o iha okos, hodi nune’e bele hala’o kna’ar ida di’ak, tau ajente sira ne’ebé iha responsabilidade di’ak, hodi koopera ho institusaun sira, para passa informasaun bainhira sira detekta situasaun ruma ne’ebé mak la’o ladun di’ak iha Bairro nia laran, no ita populasaun mós tenki koopera, ita labele ameasa malu lori grupu ida ameasa grupu seluk, hodi dehan katak, estabilidade ne’e, ita kesar malu ne’e labele, halo buat ida tanba interese nasionál, ita mak buka atu proteze malu, tanba povu ki’ik, hahalok ema ida rua ni’an, labele afeita ba povu hotu nia moris”, relata Xefi bankada PD, António da Conçeição ba GMN iha PN, Kaurta (08/05/2019).

Reprezente povu ne’e senti preokupadu, tanba situasaun krime hirak ne’e, halo povu ladun seguru atu halo movimentasaun iha tempu kalan.

“Senti preokupadu, tanba ita-nia situasaun iha rai laran, depois ita iha tiha ona governasaun ida, maibé ita sei nafatin iha instabilidade, ne’ebé la’os bo’ot, maibé ida ne’e sempre halo ita preokupa, tanba ita-nia populasaun hakarak moris hakmatek, ita-nia joven sira mós tenki tu’ur hakmatek, maibé ohin loron sei iha nafatin disturbu sira hanesan ne’e, sei iha nafatin ema oho malu, buat ne’ebé mak implika ba Governu nia papel atu fortifika instituisoens defeza no seguransa, nune’e instituisaun rua ne’e bele tau matan ba ita-nia estabilidade iha rai laran nian. Sei ita hotu nafatin kria ambiente ida hanesan ne’e, susar ba ita ko’alia kona-ba investimentu husi rai liur mai tama rai laran, ema sei labele lori nia osan mai kuda iha ita-nia rain, sei kuandu ita iha ne’e de’it mós haksesuk malu, oho malu hela, ida ne’e mak halo rai sira hanesan Afríka sai ba kotuk, no sira dezenvolvimentu la’o ladun di’ak ne’e tanba ida ne’e. Tanba ne’e ami bankada PD propoin maka’as ba Governu atu tau matan ba instituisaun defeza no seguransa nian, liu-liu polísia atu bele halo atuasaun no hala’o nia kna’ar ne’e ho didiak, ita lakohi ema ruma ne’ebé mak tenta atu desakredita ita-nia Governu katak, Governu laiha kapasidade ne’e labele, tanba Governu ida bele oinsa mós ita-nia mak ida ne’e duni, ita rasik mak tenki kontribui, hodi kria estabilidade iha ita-nia rai laran, hahalok sira hanesan ne’e, so kria de’it ba povu ki’ik mak terus nafatin, ida ne’e lamentavel ba PD”, katak António.

Lee hotu :   PNTL kaptura joven nain rua lori rama ambon ■Povu kontinua la hakmatek

Tanba ne’e, bankada opozisaun ne’e husu atu reforsa responsablidade Governu nian, hodi bele nafatin tau matan ba povu nia moris hakamatek, liu-liu instituisaun ne’ebé tutela ba seguransa rai laran nian, hanesan PNTL, no instituisaun PNTL rasik mós sei bele labele du’un malu, sei iha deskontenti ruma entre oknum  ida ho oknum seluk, tenke hases interese pesoal nian hodi haree ba interese nasionál nian katak, povu presiza moris hakmatek, dezenvolvimentu nasaun nian presiza la’o, atu nune’e povu bele senti katak, ukun rasik an nia benefisiu mak ida ne’e.

“La’os ona tempu ita atu diskute malu pro no kontra ne’e, no la’os ona tempu atu hadau malu se mak ukun, maibé agora ne’e tempu ba dezenvolvimentu”, afirma deputadu PD ne’e.

António salienta, akontesimentu ne’ebé mak la’o dadaun iha rai laran,  labele fó kulpa ba malu, tanba ne’e responsabilidade ema hotu nian atu garante paz, maske Governu mak iha responsabilidade másimu ba situasaun jerál.

“Ita labele atribui kulpa ida ne’e hanesan institusionalmente, ita aplika ida ne’e ba PNTL nia hahalok mak ne’e, maibé sujeitu sira ne’ebé kométe aktus ida hanesan ne’e  mak, presiza sansaun, PNTL rasik mak tenki hola medidas ne’ebé forte hasoru nia membru ruma ne’ebé mak komete hahalok ne’ebé mak ladi’ak, tanba dezenvolvimentu país nian ne’e, sira mós iha responsabilidade ida maka’as, no simu buat ne’ebé mak povu fó ba ita, saláriu fulan-fulan, atu garante estabilidade, la’os tanba direitu ne’e de’it, maibé tenki iha responsabilidade ida ne’ebé mak iha obrigasaun atu garante estabilidade. Sei iha oknum ruma ne’ebé komete krime, ema sira ne’e laiha sentidu Estadu, bele hasai tiha, ita lapresiza hakiak buat ne’ebé ladi’ak iha nasaun nia laran”, afirma António.

Lee hotu :   Operasaun konjunta prende kareta Estadu 19, motorizada 37

Iha fatin hanesan, deputadu bankada KHUNTO, António Verdial fortifika tan katak, PNTL presiza servisu maka’as, hodi koopera ho autoridade lokal sira, nune’e bele identifika uluk fatin ne’ebé deskonfia atu mosu konflitu.

“ PNTL tenki servisu maka’as liu ho autoridade lokal sira, atu nune’e bele identifika sítiu no riskus iha terrenu, ida ne’e importante tebes, presiza hala’o kna’ar ho responsabilidade, atu nune’e bele hametin seguransa iha rai laran, liu-liu iha Díli laran”, tenik Verdial.

Deputadu KHUNTO ne’e haktuir, oknum polísia ne’ebé dala barak komete krime hasoru populasaun iha baze, António sujere ba  komando  atu foti medidas rigorozu, maske oknum refere halo krime individu.

“Iha terrenu ita haree oknum balun ne’ebé baku médiku sira iha óspital, maibé ne’e kaju ne’ebé kométe husi individu, iha ne’e la temi entidade, maibé individu katak, pesoal mak halo aktu la tuir koridor regras ne’ebé iha, klaru katak, ida ne’e komando tenki toma atensaun hodi trata nia membru ne’e, no eduka nia membru ne’e atu labele halo atitude ida ne’ebé ladun di’ak iha komunidade nia let. Baku pesoal saúde la’os foin agora ne’e de’it, iha mós membru PNTL ne’ebé uluk baku tiha ona doutor ida, maibé momentu ne’e iha hela prosesu andamentu, maibé nia desizaun to’o ohin loron ita seidauk hatene, agora mós mosu tan baku doutor. Tanba ne’e, hanesan reprezentante povu, husu ba komando PNTL, atu trata nia subordináriu ofisiais PNTL sira ne’e, atu tau aan hanesan lutu ba povu, nune’e povu bele senti, ho ita-nia prezensa iha komunidade nia let. Regras ne’e klaru tebes, maibé komando mak tenki hola medidas, pozisaun hanesan komandante ne’e hodi komanda, no ezekuta ordem ne’e atu atua situasaun hotu, no tau disiplina ne’e em marsa, labele marka pasu atu nune’e polísia sira ne’e bele mantein pozisaun hanesan individu ne’ebé hakna’ar aan iha PNTL atu hala’o lei no ordem, no ordem ne’ebé mai husi komando no tuir lei mak haruka”, tenik vise Presidente partidu KHUNTO ne’e.

Lee hotu :   KAZU BOBY BOYE, TIAGO LUIS HO CHANG FONG TAMA KADEIA TINAN 8 NO SELU INDEMINIZASAUN US$ 859,000.00

Iha inísiu tinan 2019 ne’e, mosu konflitu barak entre joven sira, hanesan iha Baukau Buruma, inklui iha sidade Díli rasik, mosu konfrontu entre bairro no entre joven sira, inklui entre arte marsial sira.say

Add to Comments Here!!!!

error: Content is protected.
Secured By miniOrange
You might also like:
Veteranu Baucau lamenta KO taka verifikasaun dadus

Veteranus Komandu Rejiaun II Bivaque Kaixa...

DSMD rejeita atividade fumigasaun aumenta susuk dengue

Diretora Saúde Munisípiu Díli (DSMD), Agustinha...

HABURAS VIDA ESPIRITUAL GMNTV Edisaun 89

Close