JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL sei atua kriminozu ho rigór ■PN ejizi polísia labele hamamuk postu seguransa

PNTL sei atua kriminozu ho rigór ■PN ejizi polísia labele hamamuk postu seguransa


Segundu Komandante Jerál Polisia Nasional Timor-Leste (PNTL) Komisáriu Mateus Fernandes, hateten, ikus-ikus ne’e konflitu kontinua mosu  iha kapital Díli nomós munisípiu balun hodi impede movimentu komunidade sira nian, ho ida ne’e PNTL sei halo operasaun ho rigór hasoru ema ne’ebé hakarak kria instabilidade iha nasaun ne’e.

“Kazu sira ne’ebé akontese iha Díli laran inklui mós iha munisípiu, polisia kontinua buka tuir suspeitu sira ne’ebé mak hakarak kria instabilidade”, afirma Komisáriu, Mateus Fernandes, ba jornalista sira iha JL Villa, Fatuhada-Díli Segunda (27/05/2019).

Segundu Komandante Jerál PNTL ne’e haktuir katak, atu garante paz no estabilidade persiza tebes sidadaun hotu nia kolaborasaun nomos PNTL sei kontinua hala’o knar ho professional.

“Sempre iha  dezafiu, maibé dezafiu ne’e atu motiva atu sai profesional no dezafiu la’os difikulta PNTL atu atua situasaun”, afirma Mateus Fernandes.

Segundu Komandante Jerál PNTL ne’e sublinha, dadaun ne’e polisia kontinua esforsu an maka’as hodi halo prevensaun konflitu sira ne’ebé akontese iha rai laran.

PN ejizi PNTL labele hamamuk postu seguransa

Membru Komisaun B ne’ebé trata ba asuntu Defeza no Seguransa, deputadu David Diaz Ximenes ‘Mandati’ husu ba Komandu Jeral Polísia Nacional Timor-Leste (KJ-PNTL) atu tau atensaun másimu ba postu seguransa sira iha Kapital Díli ne’ebe dala ruma mamuk, tamba fó espasu ba ema deskuñesidu sira halo krime.

“Polisia iha terenu ne’e tenke 24 horas, atu fó garantia seguransa ba populasaun ninian, karik iha 24 horas maibe klaru katak iha kekosongan (Postu seguransa mamuk-Red) ne’e mak ema aproveita. Entaun polisia nia prezensa ne’e povu iha involvementu atu fó seguransa, maibe polisia nia prezensa ba ho oras balun deit, entaun iha ne’e mak seguransa ladún garantidu, ofisial sira ho kareta la’o hela deit, para haree, nia membru sira halo servisu ka lae, ema hotu haree iha postu sira harii iha kapital Díli kontinua mamuk”, Deputadu David Diaz Ximenes ‘Mandati’ hatoo preokupasaun ne’e iha PN, Segunda (27/05/2019) relasiona ho akontesementu joven ida  ho naran Franky Akino ho idade 26, hetan tà husi ema deskoñesidu  besik postu tránzitu  jardim Hotel Timor nia oin foin lalais ne’e.

Lee hotu :   Governu sei aplika regra ba membru PNTL lori kilat

Deputadu mandati afirma katak, instituisaun defeza no seguransa PNTL tenke iha vizibilidade no profesionalizmu atu garante seguransa ho rigoroza ba komunidade sira hotu.

Enkuantu iha Domingu loron 26 fulan maiu tinan  ne’e, kazu joven ida  ho naran Franky Akino ho idade  26 hetan tà husi ema deskoñesidu besik postu Tránzitu  Jardim Hotel Timor nia oin no katana sabit belit metin hela iha vítima ninia kakorok.

No iha loron hanesan iha munisipiu Baucau postu administrativu Vemase akontese mós kazu konfrontu entre joven hodi rezulta ema ida mate.

Iha okaziaun ne’e membru komisaun B Parlamentu Nacional, David Diaz Ximenes hateten mós katak, konsidera PNTL taka malu ba kazu asasinatu iha Bebonuk hodi tiru mate joven ida ho naran Tiago Inácio Coelho iha tinan 2017.

Maibé to’o ohin loron kazu ne’e ninia rezultadu husi investigasaun no ezame balístiku seidauk fó sai ba públiku.

Kazu homesidu ne’ebé akontese iha Bebonuk hodi hamate Tiago Inácio Coelho, deskonfia tiru husi elementu polísia ida.Aes/Ito

 

Add to Comments Here!!!!

error: Content is protected.
Secured By miniOrange
You might also like:
GJMMD – PNTL Díli sei halo greve ba vendedor iha estrada ninin

Guarda Jestaun Merkadu Munisípiu Díli (GJMMD),...

Konfrontu ihaVemase, ema ida mate ■Motor tolu hetan estragus

Konfrontu  entre  joven sira iha Vemase,...

Ró Haksolok presiza tan millaun USD14

Ministro  Transportes e Comunicações, José Agustinho...

Close