JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tribunal kontinua julga kazu oho Marcelino

Tribunal kontinua julga kazu oho Marcelino

Foto:Google

Tribunal Distrital Díli (TDD), kontinua hala’o  julgamentu ba kazu omisídiu agravadu ne’ebé involve arguidu ho inisial JS, tanba oho lezadu ou matebian Marcelino Viana ne’ebé so’e iha Hera, munisípiu Díli.

Iha julgamentu kontinuasaun ne’e, TDD fó tempu ba sasin Marcelina Magno ne’ebé sai hanesan arguidu nia eis la’en deklara, nia parte hatene kona-bá prosesu matebian nia mate, tanba rona istoria husi arguidu rasik.

“Momentu ha’u sei sai hanesan ninia (arguidu) fén loron no kalan nia sempre baku ha’u, tanba deskonfia ha’u amante ho mane seluk no wainhira nia baku ha’u, nia sempre ko’alia ‘o ha’u sei oho hanesan ami nain 7 oho Marcelino so’e iha Hera ne’e, wainhira rona ne’e ha’u hakfodak, hodi husu ba nia imi na’in hira maka oho no tanba saida maka imi oho nia, maibé nia sempre hatán o la presiza hatene”, deklara sasin iha audénsia ne’e.

Hafoin rona husi sasin TDD marka fali audénsia ba loron 10, fulan Juñu, tinan ne’e, hodi kontinua rona husi sasin sira seluk.

Antes ne’e, tuir akuzasaun husi Ministériu Públiku (MP) ne’ebé lee sai husi juíz prezidi katak, iha loron 15, fulan Abril, tinan 2012, mais ou menus tuku 20:00 kalan, matebian lezadu Marcelino Viana sai husi uma ho motorizada ba sosa aimoruk, maibé liu tia minutu balun nia laran telefone tuir mós laiha sinal ka telemovel mate hela.

Iha fali loron 19, fulan Abril, tinan 2012, mais ou menus tuku 18:00, polísia servisu investigasaun kriminal nasional simu informasaun husi Xefi aldeia, Agustino Soares ho Ana Paula da Costa, nu’udar komunidade área Akanunu, suku Hera katak, hetan mate isin Marcelino Viana ho kondisaun dodo’ok, ulun laiha, hata’is faru, liman no ain fuan ema tesi kotu no ko’a sai lezadu nia oin lulik, hodi so’e lakon.

Lee hotu :   PDHJ sei apoia AMD kombate lixu iha Díli

Maibé, iha loron 29, fulan Abril, tinan 2014, sasin Marcelina Nahak, Joséfina, Terezinha no Abina deklara iha edifisiu FOKUPERS-Farol-Díli katak, arguidu hamutuk ho nia kolega nain 6 seluk deskoñesidu maka oho lezadu, tanba deskonfia lezadu halo relasaun ho feto ida ne’ebé la konsege identifika nia naran.

Alende ne’e, arguidu sira mós halo planu ho maneira ‘lasu’, lori labarik feto ida identifika oan husi L7 maka telefone ba lezadu atu sai, maibé ikus mai arguidu ho nia maluk sira baku mate lezadu iha Praia dos Coqueiros-Comoro, hafoin lori mate isin ba Akanunu-Hera ho kondisaun ko’a sai orgaun sexual no parte seluk iha isin lolon hanesan fotografia junta iha autus.

Antes ne’e, arguidu deklara ba nia eis fén Marcelina Nahak, konta lala’ok sira oho lezadu katak, momentu ne’e arguidu ho nia maluk sira ba ho kareta kor metan ida, sira taka oin metin para iha estrada ninin no uza katuas L7 nia oan feto mak ‘lasu’, hodi telefone ba lezadu para hasoru malu, tanba ne’e lezadu mós ba tula ho motor ida hafoin to’o iha fatin sira kaer metin lezadu, dulas nia kakorok no so’e tama ba kareta laran.

Konsekuensia husi arguidu sira nia hahalok ne’e halo lezadu lakon nia vida no hodi so’e hela família.

Tanba ne’e MP akuza arguidu ba prátika krimi omisídiu agravadu, ne’ebé previstu iha artigu 139, husi kódigu penal Timor-Leste.

Audénsia ba julgamentu ne’e prezidi husi juíz kolektivu, José  Maria de Araújo, Maria Modesta, Fransisca Cabral, MP reprezenta husi prokurador, Matias no arguidu hetan asisténsia legal husi defensor públiku, Jonas Henrique. ita

Lee hotu :   PNTL lá identifika autor rama ambon

 

Add to Comments Here!!!!

error: Content is protected.
Secured By miniOrange
You might also like:
Ramos Horta husu ministru-deputadu hamenus viajen estranjeiru

Eis Prezidente Repúblika (PR), José Ramos...

KSTL konsidera atuasaun BOP, influensia husi polítiku sira

Sekretáriu Jerál  Konfederasaun Sindikatu Timor-Leste (KSTL)...

Air Timor sei hatama aviaun foun husi Xina hala’o operasaun iha TL

Eis Prezidente Repúblika (PR), José Ramos...

Close