JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

F-FDTL MUKIT EKIPAMENTU HODI ASEGURA FRONTEIRA MARÍTIMA

F-FDTL MUKIT EKIPAMENTU HODI ASEGURA FRONTEIRA MARÍTIMA

Brigadeiru Jeneral Falintil-Forsa Defeza Timor-Leste (F-FDTL), Falur  Rate Laek, deklara, instituisaun F-FDTL mukit tebes iha ekipamentu  hodi asegura nia fronteira marítima rasik. Tanba ne’e, Falur  husu ba husu Governu atu investe ekipamentu ba  Komponente Naval hodi garante soberania tasi, entre  Timor-Leste no Austrália.

“Pontu importante ida mak ha’u hakarak salienta iha ne’e mós  katak, Komponente Naval  dezempeña papel ida ne’ebé mak krusial no primordial hanesan  ita hatene muitu bem  iha dia 6 Marsu  2018 ita asiste akordu ne’ebé mak halo entre governu Timor-Leste no Australia  kona-ba fronteira maritime entre nasaun rua ne’e.  Akordu ida ne’e realidade  Australia sei abandona  zona sira mak parténsia ba Timor-Leste. Tanba ne’e governu Timor-Leste hakarak ka lakohi ténki asumi responsabilidade  tomak atu asegura fronteira marítima. F-FDTL sei mukit tebes  hodi asegura nia fronteira marítima rasik, haree ba kapasidade  no kondisaun roo sira ne’ebé Komponente Naval iha”,esplika Reprezentante Xefe Estadu Maior Jeneral Forsa Armada Brigadeiru Jeneral Falur  Rate Laek, liu husi diskursu, Tersa (10/09/19), wainhira partisipa seremónia  transferénsia  Komando   Forsa Naval Ligeira  iha Komponente Naval Hera.

Alende  ne’e  Komandante Komponente Naval Kapitaun  Fragata João da  Silva  hateten,  komponente refere presiza  nafatin meius ekipamentu  hodi  defende  interese  nasionál permanente.

“Mezmu iha tinan 2023 liu husi kooperasaun bilatareal, governu Austrália apoiu tan Navio klas rua ba F-FDTL, maibe la to’o hodi kontrola ita-nia tasi”,dehan  João da  Silva.

Nia dehan tan, komando F-FDTL presiza harii kais  no aumenta tan pontu estratejia balun no mós infraestrutura  seluk ba akomodasaun no formasaun.

“Hanesan ita hotu hatene finanasa hanesan ran ba Komponente Naval.Tan ne’e Komponente Naval presiza finansa hodi halo manutensaun  meius navais,  hodi nune’e meius sira ne’e bele kontinua halo operasional”,dehan João da Silva.

Lee hotu :   Pedro Belo:PNTL labele tauk ameasa

Dadauk ne’e Komponente Naval iha de’it  roo  operasional rua mak sei diak, enkuantu roo sira seluk avaria dada sai tiha mai rai-maran  iha Komponente Naval Hera hodi asegura  hanesan istória iha muzeu.  Roo ne’e oferese husi governu Portugal.avi

 

Add to Comments Here!!!!

error: Content is protected.
Secured By miniOrange
You might also like:
POLÉMIKA KARETA PRADO, PN SUBMETE ONA KARTA BA MP-PGR

Prezidenti Parlamentu Nasional (PN), Arão Noe...

MS SEI APOIA ORSAMENTU RIHUN USD 180 BA KLÍNIKA BAIRO-PITÉ

Ministériu Saúde (MS) sei apoiu orsamentu...

XANANA HIRUS TRIBUNAL TANBA TAKA DALAN BA FATIN DULAS FATUK IHA LIQUIÇA

Eis Primeiru Ministru, Kay Rala Xanana...

Close