JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komemora loron INTERFET ba dala 20, Lere: Ita tenki agradese intervensaun ONU iha TL

Komemora loron INTERFET ba dala 20, Lere: Ita tenki agradese intervensaun ONU iha TL

Estadu Timor-Leste iha loron Sesta (20/09/19), komemora loron Misaun Internasionál Manutensaun Paz nian INTERFET  ba dala 20. Ho komemorasaun ne’e Xefe Estadu Maior Jeneral F-FDTL Major Jeneral Lere Anan Timur  husu povu Timor-Leste,  ténki agradese ba Organizasaun Nasaun Unida (ONU)   hodi haruka  forsa  INTERFET mai Timor-Leste hodi fó seguransa ba povu tomak iha tinan 1999 depois referendu.

“Ha’u hanoin primeiru  lugar ita ténki agradese ba Nasaun Unida  bele  halo intervensaun  depois de situasaun 30 Agostu referendu, ne’ebé  ita nia povu hili distinu ba ukun rasik  a’an. Ita hotu hatene, Timor-oan hatene depois de 30 Agostu  ne’e situasaun ida mais, laiha intervensaun husi Nasaun Unida karik  ita dehan katak, sira ne’ebé mak mate ona  ne’e sei mate liu  ida ne’e, mas  ho sira nia intervensaun  ha’u bele dehan hamenus risku sira  ne’ebé prevé tiha ona. Ne’ebé ha’u hanoin katak,  ita agradese ba Nasaun Unida  ba país hotu ne’ebé mak fasparte iha  misaun INTERFET iha Timor-Leste, kestaun solidaridade no kestaun sira nia domin mai povu Timor-Leste”,esplika Xefe Estadu Maior Jeneral F-FDTL Major Jeneral Lere Anan Timur,  ba  jornalista sira Kinta (19/09/19), iha Sentru Formasaun no Treinu Metinaro.

Alen ne’e, Embaixadora Estadu Unidu Amerika (EUA) ba Timor-Leste Kathleen Fitcpatrick, hateten, EUA ho orgulhu partisipa ona  iha operasaun misaun INTERFET.

“Semana  rua  liu ba  ita hamutuk selebra loron aniversariu konsulta popular bad ala 20, aban ita sei selebra aniversariu operasaun INTERFET ba dala 20. Estadu Unidu Amerika ho orgullu partisipa ona iha misaun INTERFET.  Durante operasaun INTERFET EUA fornese  membru militar hamutuk rihun lima ro hitu no aviaun atus ida hodi  reestabelese seguransa Timor-Leste no ajuda forsa sira ba rekonstrusaun”,dehan Kathleen Fitcpatrick.

Lee hotu :   Ekipa koordenada prende atributu PSHT iha Mota-Ain ■Kartaun identidade tau bandeira merah putih

Misaun INTERFET komanda husi komandante Internasionál Manutensaun Paz nian Majór-Jenerál Peter John Cosgrove. Ne’ebé mak  sei partisipa mós iha seremonia  aniversáriu INTERFET nian ba dala 20 ne’e.

Relembra istória 1999

Prezidenti Parlamentu Nasional (PN), Arão Noe, konsidera, komemorasaun tinan 20 prezensa The International Force East Timor (INTERFET) iha Timor-Leste, ne’e atu Timor-Oan hotu, hanoin hikas fali istória tinan 1999 nini’an.

“Ha’u hanoin loron ida ne’e importante tebes ba Timor-Leste atu halo komemorasaun, tanba ho komemorasun ida ne’e mós atu relembra istória sira ne’ebé akontese ona iha tinan 20 ba kotuk no liu husi komemorasaun ida ne’e atu refleta mai oin katak, saida maka akontese iha tinan hirak liu ba ne’e hanesan istória, tanba ita hotu refleta no hanoin hikas atu hateke ba oin”, Prezidenti PN ne’e ba jornalista sira iha PN, Kinta (19-09-2019).

Xefi Órgaun Lejislativu ne’e esplika, ho komemorasaun prezensa INTERFET iha Timor-Leste ne’e, hotu-hotu tenki hateke ba oin, agora iha faze rekonsiliasaun no rekonsiliasaun ida ne’e, la’os hahú husi restaura independensia mai to’o agora, maibé husi to’o mai agora.

“Timor-Leste opta rekonsiliasaun maka sai fatór deteminante vizaun ba oin, maibé la’os atu haluhan istória, tanba ne’e istoria hela nafatin  istória, atu nune’e ema hotu bele lembra  saída mak akontese iha tinan hirak ba kotuk, atu labele akontese tan dala ida iha tempu oin mai, ba Timor-Oan no ba nasaun Indonesia, hanesan nasaun viziñu atu refleta hamutuk  liu husi komemorasaun ida ne’e”

Arão Noe akresenta, ho komemorasaun tinan 20 prezensa INTERFET mai Timor-Leste ne’e, tenki fó mós agradesimentu ba forsa INTERFET, tanba liu husi sira nia prezensa konsege lori paz oha momentu ne’ebá.

Lee hotu :   PNTL PRENDE MOTOR, KARETA HAMUTK 1700

“Liu husi komemorasaun ida ne’e atu fó mós agradasementu ba forsa INTERFET sira ne’ebé tama iha ekipa mai Timor-Leste, iha loron 20, fulan Setembru, tinan 1999, tanba sira nia prezensa maka bele rekoopera fali paz no establidade iha rai laran, nune’e ita tenki fó parabens ba forsa INTERFET”, afirma Xefi Órgaun Lejislativu ne’e.

Peter Cosgrove partisipa komemorasaun loron INTERFET

Eis Jenerál Peter John Cosgrove ne’ebé lidera misaun INTERFET iha tinan 1999 iha Timor-Leste, hateten, komemorasaun aniversáriu tinan 20 misaun INTERFET tama iha Timor-Leste atu haktuir istória independensia ba Timor-oan sira.

Eis Jenerál Peter John Cosgrove hato’o lia hirak ne’e iha Hotel Novo Turismo Díli, Kinta (19/9/19).

Eis Jenerál Peter John Cosgrove  hateten liu tan katak, komemorasaun aniversáriu misaun INTERFET tama iha Timor-Leste ba dala 20 ne’ebé monu iha loron 20 fulan Setembru tinan ne’e importante ba foinsa’e sidadaun Timor oan atu hatene istoria ba Indepensia ninian.

Aleinde ne’e mos eis Jenerál Peter John Cosgrove louva ho dezenvolvimentu iha Timor-Leste ne’ebé la’o maske hanesan nasaun ho idade joven.

“Komemorasaun aniversáriu tinan 20 misaun INTERFET tama iha Timor-Leste atu haktuir istória independensia ba Timor-oan sira, joven sira ne’ebé uluk seidauk moris, sira bele hatene luta Timor-Leste nian ne’e”,dehan Peter Corgrove.

Eis Xefe INTERFET Jenerál Peter John Cosgrove, akompaña husi nia espoza Lynne Cosgrove ho nia delegasaun to’o iha aeroportu Internasionál Prezidente Nicolau Lobato Comoro Díli iha Kinta (19/9/19) iha tuku 6 liu minutu 30 OTL  ho objetivu atu partisipa aniversariu ba dala 20 misaun interfet iha Timor-Leste. avi/ety/Ito

Add to Comments Here!!!!

error: Content is protected.
Secured By miniOrange
You might also like:
Dia 18/09/2019 || GMNTV LIVE STREAM || JORNAL NASIONAL KALAN

Dia 19/09/2019 || GMNTV LIVE STREAM || DADER KMANEK

TDD adia julgamentu ba kazu Vicente Guterres

Tuir ajenda Tribunal Distrital Díli (TDD),...

Close